കുട്ടികളുടെ എണ്ണം കുറയുന്നു; ലോകത്ത് പ്രായമായവര് വര്ധിക്കുന്നു, 65 വയസ്സിനു മുകളിലുള്ളവരുടെ എണ്ണം 30 വര്ഷംകൊണ്ട് ഇരട്ടിയാകുമെന്ന് പുതിയ പഠനം, ഐക്യരാഷ്ട്ര സംഘടനയുടെ കണക്ക് പ്രകാരം രണ്ടായിരത്തി അമ്പതോടെ ഇത് 150 കോടിയാകും! ഇന്ത്യയിൽ കേരളം മുന്നിൽ....
ലോകത്തിന് പ്രായം കൂടുന്നു. ലോകത്ത് പ്രായമായവര് വര്ധിക്കുകയും കുട്ടികളുടെ എണ്ണം കുറയുകയും ചെയ്യുന്നതായുള്ള റിപ്പോർട്ടുകളാണ് പുറത്ത് വരുന്നത്. 65 വയസ്സിനു മുകളിലുള്ളവരുടെ എണ്ണം 30 വര്ഷംകൊണ്ട് ഇരട്ടിയാകുമെന്നാണ് പഠനം ചൂണ്ടിക്കാട്ടുന്നത്. നിലവില് 70.30 കോടിയാണ് വാര്ധക്യ ജനസംഖ്യ എന്നത്. അതോടൊപ്പം തന്നെ ഐക്യരാഷ്ട്ര സംഘടനയുടെ കണക്ക് പ്രകാരം രണ്ടായിരത്തി അമ്പതോടെ ഇത് 150 കോടിയാകുമെന്നാണ്.
കൂടാതെ 1990ല് ലോകജനസഖ്യയില് ആറു ശതമാനം പേരാണ് 65 വയസ്സ് പിന്നിട്ടത്. 2019ല് അത് ഒമ്പത് ശതമാനമായി മാറി. 2050ല് 16 ശതമാനമാകുമെന്നാണ് പറയുന്നത്. മൂന്നു പതിറ്റാണ്ട് തികയുമ്പോള് ലോകത്ത് ആറ് പേരില് ഒരാള് വാര്ധക്യത്തിലാകുമെന്നും റിപ്പോർട്ടിൽ ചൂണ്ടിക്കാണിക്കുന്നു.
എന്നാൽ പ്രായമായവരില് കൂടുതലും ഏഷ്യയിലായിരിക്കും. നിലവില് 26 കോടി പേരുള്ളത് 57 കോടിയാകുകയും ചെയ്യും. ഏഷ്യന് മേഖലയിലെ മൂന്നില് ഒരാള് 65 വയസ്സ് പിന്നിടും. ജപ്പാനില് 28 ശതമാനം പേരും വാര്ധക്യത്തിലാകും. ഇറ്റലിയില് 23ഉം. ഏറ്റവും വലിയ വര്ധനയുണ്ടാകുക ഉത്തര ആഫ്രിക്കന് മേഖലയിലാണ് എന്നാണ് ചൂണ്ടിക്കാണിക്കുന്നത്. 226 ശതമാനം വര്ധനവാണ് ഉണ്ടാകുക.
അതോടൊപ്പം തന്നെ ലോകത്ത് ആയുര്ദൈര്ഘ്യം വര്ധിക്കുന്നുവെന്നും റിപ്പോര്ട്ടില് പറയുന്നു. 2015–-2020ലെ കണക്ക് പ്രകാരം 65 വയസ്സ് പിന്നിട്ടവര് ശരാശരി 17 വര്ഷംകൂടി ജീവിക്കുന്നുണ്ട്. ഇത് രണ്ടായിരത്തി അമ്പതോടെ 19 വര്ഷമായി ഉയരുകയും ചെയ്യും.
കണക്കുകൾ അനുസരിച്ച് ഇന്ത്യന് ജനസഖ്യയുടെ 10.1 ശതമാനം(13.8 കോടി) പേര് വൃദ്ധരാണ്. ഇത് 2030ല് 13.1 ശതമാനമാക്കുമെന്നാണ് (19.4 കോടി) ദേശീയ സ്റ്റാറ്റിസ്റ്റിക്കല് ഓഫീസിന്റെ റിപ്പോര്ട്ട് എന്നത്. ഇന്ത്യയിലെ പ്രായമായവരില് 16.5 ശതമാനം കേരളത്തിലാണ് ഉള്ളത്. തമിഴ്നാടും(13.6) ഹിമാചലുമാണ്(13.1) രണ്ട്, മൂന്ന് സ്ഥാനങ്ങളില്. ഏറ്റവും പിന്നില് ബിഹാറും(7.7) യുപിയും(8.1) നിൽക്കുന്നു.
https://www.facebook.com/Malayalivartha