കടുത്ത വയറുവേദനയെ തുടർന്ന് ആശുപത്രിയിലെത്തിയ രോഗിയുടെ വയറ് കണ്ട് ഞെട്ടി ഡോക്ടർ. യൂറോപ്യന്‍ രാജ്യമായ ലിത്വാനിയയില്‍ രോഗിയുടെ വയറില്‍നിന്ന്​ ഡോക്​ടര്‍മാര്‍ നീക്കം ചെയ്​തത്​ ഒരു​ കിലോയിലധികം വരുന്ന സ്​ക്രൂവും ആണിയുമെന്ന് റിപ്പോർട്ട്. കടുത്ത വയറുവേദനയെ തുടര്‍ന്ന്​ രോഗിയെ ആശുപത്രിയില്‍ പ്രവേശിപ്പിക്കുകയായിരുന്നു.​ഇതിനുപിന്നാലെ നടത്തിയ വിദഗ്​ധ പരിശോധനയിലാണ്​ ഞെട്ടിക്കുന്ന സംഭവം പുറത്തറിഞ്ഞത്​.

അതോടൊപ്പം തന്നെ രോഗിയുടെ പേരോ മറ്റു വിവരങ്ങളോ ഒന്നും തന്നെ വെളിപ്പെടുത്തിയിട്ടില്ല. ബാള്‍ട്ടിക്​ നഗരമായ ക്ലൈപെഡയിലെ ആശുപത്രിയിലായിരുന്നു ശസ്​ത്രക്രിയ നടന്നത്.

എക്​സ്​റേ പരിശോധിച്ചപ്പോൾ രോഗിയുടെ വയറില്‍ നിരവധി ലോഹങ്ങള്‍ കിടക്കുന്നതായി കണ്ടെത്തുകയുണ്ടായി. ചിലതിന്‍റെ നീളം പത്തുസെന്‍റീമീറ്ററോളം വരുന്നതാണ്.​ തുടര്‍ന്ന്​ നടത്തിയ സ്​കാനിങ്ങില്‍ യുവാവിന്‍റെ വയറ്റില്‍ ഒരു കിലോയിലധികം സ്​​ക്രൂവും ആണിയുമാണെന്ന്​ കണ്ടെത്തുകയായിരുന്നു. കഴിഞ്ഞ ഒരു മാസത്തിനിടെയാണ്​ ഇയാള്‍ ഇവ വിഴുങ്ങിയതെന്നും ഡോക്​ടര്‍മാരോട്​ യുവാവ് പറഞ്ഞു.

അതേസമയം മൂന്നുമണിക്കൂര്‍ നീണ്ട ശസ്​ത്രക്രിയയിലൂടെ ഡോക്​ടര്‍മാര്‍ ആണിയും സ്​ക്രൂവും പുറത്തെടുത്തതായി ഗാര്‍ഡിയന്‍ റിപ്പോര്‍ട്ട്​ ചെയ്യുന്നു. ഇതിനുമുമ്പ്​ ഇത്തരം സംഭവം റിപ്പോര്‍ട്ട്​ ചെയ്​തിട്ടില്ലെന്നും ഡോക്​ടര്‍മാര്‍ വെളിപ്പെടുത്തുകയുണ്ടായി.

രോഗിയുടെ ശരീരത്തില്‍നിന്ന്​ നീക്കം ചെയ്​ത സ്​ക്രൂവിന്‍റെയും ആണികളുടെയും ചിത്രങ്ങള്‍ ഇതോടൊപ്പം തന്നെ പുറത്തുവന്നിരുന്നു. ഒസെപ്​റ്റംബറില്‍ അതോടൊപ്പം തന്നെ യുവാവ് നോക്കിയ 3310 മൊബൈല്‍ ഫോണ്‍ വിഴുങ്ങിയിരുന്നു. തുടര്‍ന്ന്​ ശസ്​ത്രക്രിയയിലൂടെ ഇവ പുറത്തെടുക്കുകയും ചെയ്തിരുന്നു.