ഫെയ്സ്ബുക്ക്, വാട്സാപ്, ഇൻസ്റ്റഗ്രാം എന്നീ സമൂഹമാധ്യമങ്ങളുടെ പ്രവർത്തനം ലോകത്തിന്റെ വിവിധ ഭാഗങ്ങളിൽ തടസ്സപ്പെട്ടതായി ഉപഭോക്താക്കൾ‌.

‘സോറി സംതിങ് വെന്റ് റോങ് ’ എന്നാണ് ഫെയ്സ്ബുക്കിന്റെ വെബ്സൈറ്റിൽ കാണിച്ചിരുന്നത്.

എത്രയും പെട്ടെന്ന് പ്രശ്നം പരിഹരിക്കാൻ ശ്രമിക്കുകയാണെന്നും വെബ്സൈറ്റിൽ സൂചിപ്പിച്ചിരുന്നു.

ഫെയ്‌സ്ബുക്ക് സേവനങ്ങള്‍ തടസ്സപ്പെട്ടതിനെ കുറിച്ച് നിരവധി ആളുകള്‍ ട്വീറ്റ് ചെയ്തിട്ടുണ്ട്.

സേവനങ്ങൾ താൽക്കാലികമായി തടസ്സപ്പെട്ടെന്ന് വാട്സാപ് ട്വീറ്റ് ചെയ്തു. ‘വാട്സാപ്പിന് ചില പ്രശ്നങ്ങൾ ഉള്ളതായി ശ്രദ്ധയിൽപ്പെട്ടു.

പ്രശ്നം എത്രയും വേഗം പരിഹരിക്കാൻ ശ്രമിക്കുകയാണ്. അതുമായി ബന്ധപ്പെട്ട വിവരങ്ങൾ നിങ്ങളെ അറിയിക്കും നിങ്ങളുടെ ക്ഷമയ്ക്ക് നന്ദി’ എന്നായിരുന്നു ട്വീറ്റ്.

ഗൂഗിളും ആമസോണുമടക്കമുള്ള സേവനങ്ങളെ ബാധിച്ചെന്നാണ് റിപ്പോർട്ട്.

അമേരിക്കന്‍ മൊബൈല്‍ ഫോണ്‍ കമ്പനികളുടെ സേവനങ്ങളിലും തടസം നേരിട്ടു.

ഫെയ്സ് ബുക് ഓഹരിമൂല്യം 5.5 ശതമാനം ഇടിഞ്ഞതായാണ് റിപ്പോർട്ടുകൾ.