താലിബാനോട് ഇറാനും കൂട്ടുപിടിച്ചോ!! പരസ്യ ചിത്രങ്ങളിൽ സ്ത്രീകളെ മോഡലാക്കരുത്, പുരുഷന്‍മാര്‍ സ്ത്രീകള്‍ക്ക് ചായ വിളമ്ബരുത്, സ്ത്രീകള്‍ പിസ്സ കഴിക്കാനും പാടില്ല; നടപ്പിലാക്കിയിരിക്കുന്നത് പുതിയ സെന്‍സര്‍ഷിപ്പ് നിയമം
ഭക്ഷണ നിർമ്മാണ കമ്പനികളുടെ ഉൾപ്പെടെ നിരവധി പരസ്യങ്ങൾ നമ്മൾ കാണാറുള്ളതാണ്. പലപ്പോഴും പരസ്യ ചിത്രങ്ങളിൽ അഭിനയിക്കുന്നത് സ്ത്രീകളാണ്. മോഡലുകള്‍ പ്രമുഖ ബ്രാന്‍ഡുകളുടെ പിസ്സയും സാന്‍വിച്ചും മധുര പാനീയങ്ങളും ആസ്വദിച്ച്‌ കഴിക്കുന്നത് കണ്ടാണ് നിരവധി പേർ ആഹാരം വാങ്ങി കഴിക്കുന്നത്.
ഇപ്പോഴിതാ, ഇത്തരത്തിൽ സ്ത്രീകളെ മോഡലാക്കുന്നത് വേണ്ടെന്ന് പറഞ്ഞിരിക്കുകയാണ് ഇറാൻ. പുതിയ ഇറാനിയന്‍ ടിവി സെന്‍സര്‍ഷിപ്പ് നിയമപ്രകാരം സ്ത്രീകള്‍ പിസ്സയും സാന്‍ഡ്‌വിച്ചുകളും കഴിക്കുന്നതും ജോലിസ്ഥലങ്ങളില്‍ പുരുഷന്‍മാര്‍ സ്ത്രീകള്‍ക്ക് ചായ വിളമ്പുന്നതും ടിവിയിൽ സംപ്രേക്ഷണം ചെയ്യുന്നത് നിരോധിച്ചിരിക്കുന്നു എന്നാണ് പുറത്ത് വന്നിരിക്കുന്ന റിപ്പോർട്ട്.
ഇത് കൂടാതെ പുരുഷന്‍മാര്‍ ചുവന്ന നിറത്തിലുള്ള പാനീയങ്ങള്‍ കഴിക്കുന്നതും സ്ത്രീകള്‍ സ്‌ക്രീനില്‍ തുകല്‍ കയ്യുറകള്‍ ധരിച്ച്‌ പ്രത്യക്ഷപ്പെടുന്നതും കർശനമായി നിരോധിച്ചിരിക്കുന്നു. നിര്‍മ്മാതാക്കള്‍ക്കും അഭിനേതാക്കള്‍ക്കുമുള്‍പ്പടെ സര്‍ക്കാര്‍ ഇത് സംബന്ധിച്ച മാര്‍ഗ നിര്‍ദ്ദേശങ്ങള്‍ നൽകുകയും
പുതിയ മാര്‍ഗ്ഗനിര്‍ദ്ദേശങ്ങള്‍ പാലിക്കുന്നുണ്ടെന്ന് ഉറപ്പുവരുത്തുമെന്ന് റിപ്പബ്ലിക്ക് ഓഫ് ഇറാന്‍ ബ്രോഡ്കാസ്റ്റിംഗ് (ഐആര്‍ഐബി)വ്യക്തമാക്കി. പ്രക്ഷേപണത്തിന് മുന്നെ ഇത്തരം രംഗങ്ങള്‍ നീക്കം ചെയ്യുമെന്ന് ഐആര്‍ഐബി പിആര്‍ മേധാവി അമീര്‍ ഹൊസൈന്‍ ഷംഷാദി അറിയിച്ചു.
https://www.facebook.com/Malayalivartha
