ഒരു സുപ്രഭാതത്തില്‍ ലോകത്തിന്റെ മുഴുവന്‍ കണ്ണുതള്ളിച്ചുകൊണ്ടായിരുന്നു റഷ്യ വാക്‌സിന്‍ കണ്ടുപിടിച്ചു എന്നുള്ള ആ വാര്‍ത്ത പുറത്തുവിടുന്നത്, അന്ന് ഇതെന്തുമറിമായം...., ഒരു പരീക്ഷണമോ ടെസ്‌റ്റോ കൂടാതെ എങ്ങനെ ഈ വാക്‌സിനെ കൊറോണയ്ക്കുള്ള വാക്‌സീനായി അംഗീകരിക്കും എന്നായി എല്ലാവരുടെയും സംശയം.

എന്നാല്‍ അതിന്റെ ഒന്നും ആവശ്യമില്ല തങ്ങളുടെ വാക്‌സീനാണ് ലോകത്ത് ആദ്യമായി കണ്ടെത്തിയ വാക്‌സീന്‍ എന്നുള്ള അവകാശ വാദത്തില്‍ ഉറച്ചുനിന്നു റഷ്യ, എല്ലാവരെയും വിശ്വസിപ്പിക്കാനായി സ്വന്തം മകളെ കൊണ്ടുതന്നെ ആദ്യ വാക്‌സീന്‍ എടുപ്പിച്ചു റഷ്യന്‍ പ്രസിഡന്റ് പുടിന്‍, അങ്ങനെ ലോകം മുഴുവന്‍ വാക്‌സീന്‍ വാങ്ങി ഉപയോഗിച്ചു ഇതിനിടയില്‍ തന്നെ പരീക്ഷണ ഘട്ടങ്ങളും സ്പുട്‌നിക് വളരെ വിജയകരമായി പൂര്‍ത്തിയാക്കി.

എന്നാല്‍ ഇപ്പോള്‍ പിറത്തുവരുന്നത് മറ്റൊരു ഞെട്ടിക്കുന്ന കഥയാണ്, അക്ഷരാര്‍ത്ഥത്തില്‍ റഷ്യയെ പ്രതിക്കൂട്ടിലാക്കുന്ന വെളിപ്പെടുത്തലാണിത്.. 'സ്പുട്‌നിക് V' എന്ന പേരില്‍ റഷ്യ കണ്ടുപിടിച്ച കൊവിഡ് വാക്‌സീന്‍ അവര്‍ സ്വന്തമായി വികസിപ്പിച്ചതല്ല.

യുകെയിലെ ആസ്റ്റര്‍ സെനേക്ക കമ്പനി വികസിപ്പിച്ചുകൊണ്ടിരുന്ന വാക്‌സീന്റെ ബ്ലൂ പ്രിന്റ്, ചാരന്മാര്‍ വഴി അടിച്ചുമാറ്റി സ്വന്തം പേരിട്ട് വിപണിയിലിറക്കി എന്നതാണ് വെളിപ്പെടുന്നത് യുകെയിലെ മന്ത്രിമാരാണ് ഇപ്പോള്‍ ഇത്തരത്തില്‍ ഒരു ആക്ഷേപം ഉന്നയിക്കുന്നത്, യുകെയിലെ സുരക്ഷാകേന്ദ്രങ്ങളെ ഉദ്ധരിച്ചുകൊണ്ട് ഡെയ്‌ലി മെയില്‍ ആണ് ഈ വിവരം പുറത്തുവിട്ടിട്ടുള്ളത്.

പുടിന്റെ ഒരു ചാരന്‍ ഈ ബ്ലൂ പ്രിന്റ് മോഷ്ടിക്കാന്‍ വേണ്ടി ആസ്റ്റര്‍ സെനേക്കയില്‍ കയറിക്കൂടി എന്നും, അങ്ങനെ സംഘടിപ്പിച്ച ബ്ലൂ പ്രിന്റ് ഉപയോഗിച്ചാണ്, സ്പുട്‌നിക് തയ്യാറാക്കിയത് എന്നുമാണ് ഇപ്പോള്‍ യുകെയിലെ മന്ത്രിമാരുടെ കണ്ടെത്തല്‍, അതിന് തെളിവുകളും കാരണങ്ങളും നിരത്തുന്നുണ്ട് ഇവര്‍.

അതായത് ആസ്റ്റര്‍ സെനേക്കയുടെ കോവിഷീല്‍ഡ് വാക്‌സീനുമായി അവിശ്വസനീയമായ സാമ്യങ്ങള്‍ സ്പുട്‌നിക് വാക്‌സീനുണ്ട് എന്നാണ് കണ്ടെത്തപ്പെട്ടിരിക്കുന്നത്, വാക്‌സീന്‍ റഷ്യ വികസിപ്പിച്ചെടുത്തത് എങ്ങനെയാണ് എന്നതിന് വ്യക്തമായ തെളിവുകളുണ്ടെന്നും ഇവര്‍ പറയുന്നു.

 

ഹോം ഓഫീസ് മിനിസ്റ്റര്‍ ആയ ഡാമിയന്‍ ഹൈന്‍ഡ്‌സ് ഈ വിവരം സ്ഥിരീകരിക്കാന്‍ മടിച്ചു എങ്കിലും, വാര്‍ത്ത നിഷേധിക്കാനും താനില്ല എന്ന് മറുപടി പറഞ്ഞു. മാര്‍ച്ച് 2020 മുതല്‍ക്ക് തന്നെ റഷ്യയുടെ സൈബര്‍ ചാരന്മാര്‍ ഓക്‌സ്‌ഫോര്‍ഡിന്റെ സെര്‍വറുകള്‍ ലക്ഷ്യമിട്ടുള്ള ആക്രമണങ്ങള്‍ നടത്തുന്നുണ്ട് എന്നും ഡെയ്‌ലി മെയില്‍ പറയുന്നു.

കഴിഞ്ഞ ഏപ്രിലില്‍ തങ്ങള്‍ മനുഷ്യരില്‍ ട്രയലുകള്‍ നടത്താന്‍ പോവുകയാണ് എന്ന് ആസ്റ്റര്‍ സെനേക്ക  പ്രഖ്യാപിച്ചതിനു പിന്നാലെ, അടുത്ത മാസം തന്നെ റഷ്യ തങ്ങള്‍ പുതിയ ഒരു വാക്‌സീന്‍ സ്പുട്‌നിക് V കണ്ടു പിടിച്ചു കഴിഞ്ഞതായി പ്രഖ്യാപിക്കുകയാണുണ്ടായത്.  തങ്ങളുടെ വിജയം പ്രസിഡന്റ് പുടിന്‍ വഴി പ്രഖ്യാപിക്കുകയും ചെയ്യുകയാണ് അന്നുണ്ടായത്.

എന്നാല്‍ പിന്നീട് പുറത്തുവന്ന വിവരങ്ങള്‍ പ്രകാരം സ്പുട്‌നിക് ഢ വാക്‌സീന്‍ പ്രവര്‍ത്തിക്കുന്നത് ആസ്റ്റര്‍ സെനേക്കയുടെ വാക്‌സീന്‍ പ്രവര്‍ത്തിക്കുന്ന അതേപോലെ ആണെന്നുള്ള വിവരവും പുറത്തു വരുന്നു. രണ്ടും വൈറല്‍ വെക്ടര്‍ വാക്‌സിനുകള്‍ ആണ്. അതായത് നിഷ്‌ക്രിയമായ മറ്റൊരു വൈറസിന്റെ സഹായത്തോടെയാണ് രോഗത്തെ പ്രതിരോധിക്കുന്ന ഏജന്റിനെ രണ്ടു വൈറസും രോഗികളില്‍ എത്തിക്കുന്നത്.  ഇങ്ങനെ ക്രെംലിനിനു വേണ്ടി പ്രവര്‍ത്തിക്കുന്ന ചാരന്മാര്‍ ചേര്‍ന്ന് യുകെയില്‍ ചാരപ്പണി നടത്തിയാണ് വാക്‌സീന്റെ ബ്ലൂപ്രിന്റ് റഷ്യ മോഷ്ടിച്ചത് എന്നാണ് ഇപ്പോള്‍ പുറത്തുവരുന്ന വാര്‍ത്തകള്‍.