വയറുവേദന കൂടിയപ്പോള് ഡോക്ടറെ കാണാന് പോയി... വയറിന്റെ എക്സ്റേ കണ്ട ഡോക്ടര്മാര് അക്ഷരാര്ത്ഥത്തില് ഞെട്ടിപ്പോയി
ഒരാള് മൊബൈല് ഫോണ് വിഴുങ്ങുക എന്നൊക്കെ പറഞ്ഞാല് വിശ്വസിക്കാന് പ്രയാസമാണ്. എന്നാല് അങ്ങനൊരു സംഭവം നടന്നിരിക്കുകയാണ് ഈജിപ്തില്. ഇവിടെ ഒരാള് മൊബൈല് ഫോണ് മുഴുവനായി വിഴുങ്ങുകയും 6 മാസത്തോളം തന്റെ വയറ്റില് സൂക്ഷിക്കുകയും ചെയ്തു.ഇയാള് പ്രതീക്ഷിച്ചത് ഈ മൊബൈല് സ്വന്തമായി എന്നെങ്കിലും ശരീരത്തില് നിന്നും പുറത്തുവരുമെന്നാണ്. ഡോക്ടറുടെ അടുത്ത പോകാന് നാണക്കേട് തോന്നിയതുകൊണ്ട് പോയതുമില്ല.ഒടുവില് ഫോണ് അയാളുടെ വയറ്റില് കുടുങ്ങുകയും ഭക്ഷണത്തിന് നേരെ ശരീരത്തില് പ്രവേശിക്കാനും കഴിയാതെ വരികയും അതോടൊപ്പം കടുത്ത വയറുവേദനയും കൂടിയായപ്പോള് ഇയാള് ഡോക്ടറെ കാണാന് തീരുമാനിക്കുകയായിരുന്നു.
ഡോക്ടര്മാര് അയാളുടെ വയറിന്റെ എക്സ്റേ സ്കാന് ചെയ്തപ്പോള് അയാളുടെ വയറ്റിനുള്ളില് ഒരു ഫോണ് കിടക്കുന്നത് കണ്ടു. എക്സ്റേ കണ്ട ഡോക്ടര്മാര് അക്ഷരാര്ത്ഥത്തില് ഞെട്ടിപ്പോയി. ശേഷം ഡോക്ടര്മാര് ഉടന് തന്നെ അസ്വാന് യൂണിവേഴ്സിറ്റി ആശുപത്രിയില് രോഗിയുടെ ഓപ്പറേഷന് നടത്തുകയും ചെയ്തു. ഈജിപ്തിലെ അസ്വാന് യൂണിവേഴ്സിറ്റി ഹോസ്പിറ്റലിലെ ഒരു മെഡിക്കല് സംഘമാണ് കടുത്ത വയറുവേദനയുമായി എത്തിയ ഈ രോഗിയുടെ വയറ്റില് നിന്നും മൊബൈല് ഫോണ് പുറത്തെടുത്തത്. എന്നാല് ഇയാള് എന്തിനാണ് ഈ മൊബൈല് ഫോണ് വിഴുങ്ങിയതെന്ന് ഇതുവരെ വ്യക്തമായിട്ടില്ല.
https://www.facebook.com/Malayalivartha
