21 വർഷങ്ങൾക്കു ശേഷം നടന്ന അത്യപൂർവ്വ നിമിഷം .... അതിനിർണായകമായ മുഹൂർത്തങ്ങളുടെ കണ്ണിയായി പ്രധാനമന്ത്രി നരേന്ദ്രമോദി... ഇറ്റാലിയൻ പ്രധാനമന്ത്രി മാരിയോ ദ്രാഗിയുമായി കൂടിക്കാഴ്‌ച്ച നടത്തി പ്രധാനമന്ത്രി നരേന്ദ്ര മോദി. 21 വർഷത്തിന് ശേഷമാണ് ഒരു ഇന്ത്യൻ പ്രധാമന്ത്രി റോമിലെത്തുന്നത്.

പലാസ്സോ ചിഗിയിൽ വെച്ചായിരുന്നു കൂടിക്കാഴ്‌ച്ച നടത്തിയത്. രണ്ട് രാജ്യങ്ങളും തമ്മിലുള്ള ബന്ധം കൂടുതൽ കരുത്തുറ്റതാക്കുന്നതിന് വൈവിധ്യമാർന്ന ചർച്ചകൾ ഇരു നേതാക്കളും തമ്മിൽ നടത്തി. പ്രധാനമന്ത്രി നരേന്ദ്രമോദിയും മാരിയോയും തമ്മിലുള്ള ആദ്യ കൂടിക്കാഴ്‌ച്ച എന്ന പ്രത്യേകത കൂടെയുണ്ടായിരുന്നു.

ജി-20 ഉച്ചകോടിയിൽ പങ്കെടുക്കാനായിരുന്നു അദ്ദേഹം റോമിലെത്തിയത്. ലോകരാജ്യങ്ങൾ നേരിടുന്ന സാമ്പത്തിക പ്രതിസന്ധിയും കാലാവസ്ഥാവ്യതിയാനവും സമ്മേളനത്തിൽ പ്രധാന ചർച്ചയാക്കുവാനാണ് പദ്ധതിയിടുന്നത്. കൊറോണ പ്രതിസന്ധി ഉടലെടുത്തതിന് ശേഷമുള്ള ആദ്യ ജി20 സമ്മേളനത്തിൽ സാമ്പത്തിക പുരോഗതിക്ക് വേണ്ടിയുള്ള നിർദേശങ്ങളും പ്രധാനമന്ത്രി നിർദ്ദേശിക്കുവാൻ ഒരുങ്ങുകയാണ്.
റോമിലെത്തിയ പ്രധാനമന്ത്രി അവിടുത്തെ ഇന്ത്യൻ സമൂഹത്തെ നേരിൽ കണ്ടിരുന്നു.

അവരോട് സംവദിക്കുകയും ചെയ്തു . യൂറോപ്യൻ കൗൺസിൽ പ്രസിഡന്റ് ചാൾസ് മൈക്കൽ, റോമിലെ യൂറോപ്യൻ കമ്മീഷൻ പ്രസിഡന്റ് ഉർസുല വോർ ദേർ ലെയെൻ എന്നിവരുമായും പ്രധാനമന്ത്രി കൂടിക്കാഴ്‌ച്ച നടത്തി. മാർപ്പാപ്പയെ വത്തിക്കാനിൽ സന്ദർശിക്കുമെന്നും റിപ്പോർട്ടുകൾ പുറത്തുവരുന്നുണ്ട്.

30, 31 തീയതികളിലാണ് ജി 20 ഉച്ചകോടി നടക്കുക. റോം സന്ദർശനത്തിന് ശേഷം പ്രധാനമന്ത്രി യുകെയിലേക്ക് മടങ്ങും. യുകെയിലെ ഗ്ലാസ്‌ഗോയിൽ നടക്കുന്ന കോപ്പ്26 സമ്മേളനത്തിലും പ്രധാനമന്ത്രി പങ്കെടുക്കും.അധികാരമേറ്റതിന് ശേഷമുള്ള പ്രധാനമന്ത്രിയുടെ ആദ്യ സന്ദർശനവുമാണിത്.

അതേസമയം കഴിഞ്ഞ ദിവസം ഇന്ത്യൻ പ്രധാനമന്ത്രി റോമിലെത്തി. പ്രധാനമന്ത്രി-മാർപാപ്പ കൂടിക്കാഴ്ച ഇന്ന് ആണ് നടക്കുന്നത്. സെൻറ്പീറ്റേഴ്‌സ് ബസലിക്കയ്‌ക്ക് സമീപത്ത് വത്തിക്കാൻ പാലസിലായിരിക്കും കൂടിക്കാഴ്ച നടക്കുക. ഇന്ന് ഉച്ചയ്‌ക്ക് 12 മണിയോടെയാണ് കൂടിക്കാഴ്ച നടക്കുന്നത്.ജി-20 ഉച്ചകോടിക്കും ഇന്ന് തുടക്കമിടും. മാർപാപ്പയെ സന്ദർശിക്കുന്ന അഞ്ചാമത്തെ ഇന്ത്യൻ പ്രധാനമന്ത്രിയാണ് നരേന്ദമോദി. നെഹ്‌റു, ഇന്ദിരാഗാന്ധി, ഐ കെ ഗുജ്‌റാൾ, എ ബി വാജ്‌പേയി എന്നിവരാണ് ഇതിന് മുമ്പേ മാർപാപ്പയെ സന്ദർശിച്ചത്.

ജി-20 ഉച്ചകോടിയിൽ പങ്കെടുക്കാനായി ഇന്നലെയായിരുന്നു പ്രധാനമന്ത്രി റോമിലെത്തിയത്. ഇന്ത്യൻ പതാക ഉയർത്തിയും ശിവതാണ്ഡവ സ്തുതി ചൊല്ലിയുമാണ് പ്രധാനമന്ത്രിയെ റോമിൽ ജനങ്ങൾ വരവേറ്റത്. കാലാവസ്ഥ വ്യതിയാനം,കൊറോണ,കൊറോണ മഹാമാരിയ്‌ക്ക് ശേഷമുളള സാമ്പത്തിക രംഗം എന്നിവയാണ് ഉച്ചകോടിയിൽ ചർച്ച ചെയ്യുന്നത്. യൂറോപ്യൻ കൗൺസിൽ പ്രസിഡന്റ് ചാൾസ് മൈക്കൽ, പ്രസിഡന്റ് ഉർസുല വോൺ ദെർ ലെയെൻ എന്നിവരുമായും പ്രധാനമന്ത്രി കൂടിക്കാഴ്ച നടത്തിയിരുന്നു.