ചൈനയ്ക്കിട്ട് ഒരു ഉഗ്രന്‍ പണി കൊടുത്തിരിക്കുകയാണ് ഇന്ത്യ. അവര്‍ സ്വപ്നത്തില്‍പോലും കരുതി കാണില്ല പണി ഈ വിധം വരുമെന്ന്. ഇത്തവണ ചൈനക്കാര്‍ ദീപാവലി ശരിക്കും ആഘോഷിക്കും. നമ്മള്‍ ആഘോഷിപ്പിക്കും എന്ന് പറയുന്നതാകും കൂടുതല്‍ ഉചിതം. അതെ അവര്‍ക്ക് വഴിയുള്ളൂ. ചൈനയുടെ ഉല്‍പ്പന്നങ്ങള്‍ക്ക് കേന്ദ്രസര്‍ക്കാര്‍ ഏര്‍പ്പെടുത്തിയിരിക്കുന്ന വിലക്ക് ദീപാവലിക്കും പ്രതിഫലിക്കും. ഈ ദീപാവലി സീസണിലും ചൈനയുടെ ഉൽപ്പന്നങ്ങൾക്കുള്ള വിലക്ക് തുടരുകയാണ്. ഇന്ത്യൻ മാർക്കറ്റുകളിൽ നിറഞ്ഞുകവിയാറുണ്ടായിരുന്ന ചൈനീസ് ഉൽപ്പങ്ങൾക്കൊന്നും ഇത്തവണ അനുമതിയില്ല.

പടക്കങ്ങളും അലങ്കാരങ്ങളും ഭക്ഷ്യോൽപ്പാദന നിർമ്മാണ സാമഗ്രികളും നിരോധിക്കുക വഴി ബീജിംഗിന് നഷ്ടമാവുക 50,000 കോടി രൂപയെന്ന് പ്രാഥമിക റിപ്പോർട്ട്. കോൺഫെഡറേഷൻ ഓഫ് ആൾ ഇന്ത്യാ ട്രേഡേഴ്‌സാണ് സഞ്ചിത നഷ്ടം കണക്കാക്കി റിപ്പോർട്ട് പുറത്തുവിട്ടത്. അതിനാല്‍ ദീപാവലി ചൈനയുടെ ഉറക്കം കെടുത്തുകയാണ്. ചൈനയില്‍ നിന്ന് ഇറക്കുമതി നിരോധിച്ചതോടെ ഇന്ത്യയുടെ തനത് ഉൽപ്പന്നങ്ങളുടെ വിൽപ്പന രണ്ട് ലക്ഷം കോടി കവിയുമെന്നാണ് കണക്കുകൂട്ടൽ.

ആത്മനിർഭർ ഭാരത് സന്ദേശം ജനങ്ങൾ ഏറ്റെടുത്തതോടെ രാജ്യത്തൊട്ടാകെ ലക്ഷക്കണക്കിന് ഗ്രാമീണ കുടിൽ വ്യവസായങ്ങൾക്കാണ് ഉണർവ്വുണ്ടായത്. ഇന്ത്യയിലെ ചെറുമാർക്കറ്റുകളെപോലും ചൈനീസ് ഉൽപ്പന്നങ്ങൾ സ്വാധീനിച്ചിരുന്ന അവസ്ഥയിലാണ് വിലവില്‍ ഈ വലിയ വ്യത്യാസം വരുന്നതെന്നതും എടുത്ത് പറയേണ്ട ഒരു കാര്യം തന്നെയാണ്. ചൈനയ്ക്കുള്ള ഈ വിലക്ക് നമ്മള്‍ സ്വയംപര്യപ്തത ആര്‍ജ്ജിക്കാനുള്ള ഒരു സുവണ്ണ അവസരമായി മറിയെന്ന കാര്യത്തില്‍ ഒരു സംശയവും വേണ്ട.അതായത് പണി അങ്ങോട്ടും ഗുണം നമ്മള്‍ക്കും....ഏറ്റവും വില കുറഞ്ഞ ചൈനീസ് ഉൽപ്പന്നങ്ങൾക്ക് സാധാരണയായി ലോക വിപണിയിൽ ആവശ്യക്കാർ ഏറെയാണ്.ഇത്തവണ അത് ഇന്ത്യന്‍ ഉല്‍പ്പന്നങ്ങള്‍ക്കുമേലാകും.

ദീപാവലി ആഘോഷത്തിനായി ഉപയോഗിക്കുന്ന ഉൽപ്പന്നങ്ങൾക്കായി ആളുകൾ ധാരാളമായി എത്തിയാൽ ഇന്ത്യയുടെ ആഭ്യന്തര വിപണി വൻതോതിൽ ലാഭത്തിലാകും. അതിലൂടെ രണ്ട് ലക്ഷം കോടി രൂപ ഇന്ത്യൻ വിപണിയിൽ എത്താൻ സാദ്ധ്യത ഉണ്ടെന്നും കോൺഫെഡറേഷൻ ഒഫ് ആൾ ഇന്ത്യ ട്രേഡേഴ്‌സ്, സെക്രട്ടറി പ്രവീൺ ഖണ്ഡേൽവാൾ പറഞ്ഞു. ബോഡീസ് റിസർച്ച് ആം20 നടത്തിയ സർവ്വെ അനുസരിച്ച് ഇന്ത്യയിലെ പ്രമുഖ നഗരങ്ങളൊന്നും ദീപാവലിയുടെ ഭാഗമായി ചൈനീസ് ഉൽപ്പന്നങ്ങൾ ഇറക്കുമതി നടത്തുന്നില്ല, അദ്ദേഹം കൂട്ടിചേർത്തു.

ഏറ്റവും പുതിയ റിപ്പോർട്ടുകൾ അനുസരിച്ച് ചൈനീസ് ഉൽപ്പന്നങ്ങളോടുള്ള പ്രിയം തന്നെ ഇന്ത്യൻ വിപണി വലിയ തോതിൽ കുറയുകയാണ്. രാജ്യം ദീപാവലി ആഘോഷങ്ങളിലേക്ക് പോകുമ്പോള്‍ ചങ്കിടിപ്പ് കൂടുന്നത് ചൈനയ്ക്കാണ്. ദീപാവലി മുന്നില്‍ കണ്ട് നിര്‍മ്മിച്ച പടക്കങ്ങളും അലങ്കാരങ്ങളും ഭക്ഷ്യോൽപ്പാദന നിർമ്മാണ സാമഗ്രികളും ഒക്കെ ഇനി എന്ത് ചെയ്യുമെന്ന ധര്‍മ്മ സങ്കടത്തിലാണ് ചൈനക്കാര്‍. പടക്കങ്ങളെല്ലാം ചൈനയില്‍ തന്നെ പൊട്ടിച്ച് തീര്‍ത്ത് ദീപാവലി ആഘോഷിക്കാനല്ലാതെ അവര്‍ക്ക് മറ്റ് മാര്‍ഗങ്ങളില്ല.