ലോകത്ത് വീണ്ടും കോവിഡ് രൂക്ഷമാകാനുള്ള സാധ്യതയുള്ളതായി ലോകാരോഗ്യസംഘടന. യൂറോപ്പ് വീണ്ടും രോഗത്തിന്റെ പ്രഭവകേന്ദ്രമായേക്കാമെന്നും പറയുന്നുണ്ട്. കഴിഞ്ഞ നാലാഴ്ചകളിലായി യൂറോപ്പില്‍ റിപ്പോര്‍ട്ട് ചെയ്യുന്ന കേസുകളിലാണ് വർദ്ധനവ് കണ്ടെത്തിയിരിക്കുന്നത്.

കോവിഡ് വ്യാപനം ഇതേ നിലയ്ക്ക് തുടര്‍ന്നാല്‍ മധ്യേഷ്യയിലും യൂറോപ്പിലും മാത്രം അടുത്ത ഫെബ്രുവരി ഒന്നിനുള്ളില്‍ അഞ്ച് ലക്ഷം കോവിഡ് മരണങ്ങള്‍ സംഭവിക്കാൻ സാധ്യതയുള്ളതായാണ് ലോകാരോഗ്യസംഘടന യൂറോപ്പ് മേഖലാ ഡയറക്ടര്‍ ഹാന്‍സ് ക്ലൂജ് വാര്‍ത്താസമ്മേളനത്തില്‍ പറഞ്ഞിരിക്കുന്നത്.

ശൈത്യകാലം ആരംഭിച്ചതോടെ അടച്ചിട്ട മുറികളിലുള്ള സംഘം ചേരലുകള്‍ കൂടിയതും നിയന്ത്രണങ്ങള്‍ പിന്‍വലിച്ചതുമാണ് കേസുകള്‍ കൂടുന്നതിന് കാരണമായത്.