കൊറോണ വ്യാപനം നാളിതുവരെ കടന്നുവന്ന മനുഷ്യന്റെ ചര്യകളെ എല്ലാം മാറ്റിമറിച്ചു. തികച്ചും വ്യത്യസ്തമായ ജീവിതത്തിലേക്കാണ് ഈ വില്ലൻ മൂലം മനുഷ്യൻ മാറിയത്. അങ്ങനെ കോവിഡ് നൽകിയ പ്രതിസന്ധികൾ മൂലം ലോകം മുഴുവനും നിശ്ചലമായി. വമ്പൻ രാഷ്ട്രങ്ങൾ, ഭീമൻ കമ്പനികൾ എല്ലാം നിശ്ചലമായ കാഴ്ച ഏവരിലും അമ്പരപ്പ് തീർത്തു എങ്കിലും കടുത്ത ദുരിതമാണ് ഇതുമൂലം നേരിടേണ്ടിവന്നത്. ചരിത്രം തന്നെ മാറ്റിമറിച്ച മനുഷ്യന്റെ ഘടനയിൽ പോലും മാറ്റം വിതച്ച കോറോണയെപ്പോയെ മറ്റൊന്നും ഉണ്ടാകില്ല.

അതായത് 1900 കളുടെ തുടക്കത്തിൽ സ്പാനിഷ് ഫ്ളൂ പടര്‍ന്നുപിടിച്ച സമയത്ത് 14% ആളുകള്‍ മാത്രമായിരുന്ന നഗരങ്ങളിൽ ഇന്ന്, 57% പേരാണ് താമസിക്കുന്നത്. ഇതൊക്കെയും മുന്നിര്ത്തിക്കൊണ്ട് ജനങ്ങളുടെ ആരോഗ്യസംരക്ഷണത്തിനും സുരക്ഷിതത്വത്തിനുമായി പല നഗരങ്ങളും ഭാവിയിലേക്കുള്ള മുന്‍കരുതലുകളിലേക്ക് കടന്നിരിക്കുകയാണ്. അത്തരം മുൻകരുതലുകൾ തന്നെയാണ് ലോകത്തെ കോറോണയെ ഭേദിച്ചുകൊണ്ട് മുന്നോട്ട് കുതിക്കാൻ പ്രേരിപ്പിക്കുന്നതും.

അതായത് നഗരങ്ങളിലെ അടിസ്ഥാന സൗകര്യങ്ങൾ, ഡിജിറ്റൽ ജീവിതം, വ്യക്തിഗത സുരക്ഷ, പാരിസ്ഥിതിക ഘടകങ്ങൾ, ആരോഗ്യം എന്നിങ്ങനെ 76 സുരക്ഷാ സൂചകങ്ങളെ അടിസ്ഥാനമാക്കിക്കൊണ്ട്, ഇക്കണോമിസ്റ്റ് ഇന്റലിജൻസ് യൂണിറ്റ് അടുത്തിടെ 2021ലെ സുരക്ഷിത നഗര സൂചിക പുറത്തിറക്കിയിരിക്കുകയാണ്. ഈ ലിസ്റ്റില്‍ 60 നഗരങ്ങളാണ് ഉള്ളത്. സുരക്ഷിതത്വം തേടുന്നവർക്ക് മുന്നിൽ ഈ പട്ടിക ഏറെ ഉപകാരപ്പെടും. പ്രത്യേകിച്ച് സുരക്ഷിതമായ രാജ്യം മുന്നിൽക്കണ്ട് തൊഴിൽചെയ്യാൻ ആഗ്രഹിക്കുന്നവർക്ക്.

കോപ്പൻഹേഗൻ

ഡെൻമാർക്കിന്‍റെ തലസ്ഥാന നഗരമായ കോപ്പന്‍‌ഹേഗന്‍ ആണ് ഇക്കണോമിസ്റ്റ് ഇന്റലിജൻസ് യൂണിറ്റ് പുറത്തുവിട്ട പട്ടികയിൽ ഏറ്റവും മുകളില്‍ നിൽക്കുന്നത്. മികച്ച മാലിന്യസംസ്കരണവും പരിസ്ഥിതി സംരക്ഷണവും പുനരുപയോഗിക്കാവുന്ന ഊര്‍ജ്ജസ്രോതസ്സുകളുടെ ഉപയോഗവുമെല്ലാം കോപ്പന്‍‌ഹേഗനെ മറ്റുള്ളവരിൽ നിന്ന് വ്യത്യസ്തമാക്കുന്നു. കൊറോണ സമയത്ത് ആളുകള്‍ ഇവിടുത്തെ ഹരിതപ്രദേശങ്ങളിലും ജലാശയങ്ങളിലും പാര്‍ക്കുകളിളുമെല്ലാം തങ്ങളുടെ ഒഴിവുസമയം ചിലവഴികുകയും ചെയ്‌തിരുന്നു.

കൂടാതെ 2021 സെപ്‌റ്റംബർ മാസത്തില്‍ കോവിഡ് നിയന്ത്രണങ്ങള്‍ ഇവിടെ പൂര്‍ണ്ണമായും എടുത്തുമാറ്റുകയുണ്ടായി. എന്നാലും ജാഗ്രത കൈവിടാതെ തന്നെ തുടരുകയാണ്. ടൂറിസ്റ്റുകള്‍ അടക്കമുള്ളവര്‍ക്ക് പൂര്‍ണ്ണ സൗജന്യമായി മാസ് കോവിഡ് ടെസ്റ്റിംഗ് പ്രോഗ്രാമുകളും ആളുകളെ സഹായിക്കാന്‍ കൊറോണ ഗൈഡുകളും ഇവിടെ .നടത്തിവരുന്നുണ്ട്. തികച്ചും സുരക്ഷിതമായ നഗരം എന്നത് തന്നെ ഇതിലൂടെ കാണുവാൻ സാധിക്കും.

ടൊറന്‍റോ

ഏവരും തൊഴിൽ ചെയ്യാൻ ആഗ്രഹിക്കുന്ന കാനഡയിലെ ഏറ്റവും വലിയ നഗരമായ ടൊറന്‍റോ ആണ് ഈ ലിസ്റ്റില്‍ രണ്ടാമത് നിൽക്കുന്നത്. അടിസ്ഥാന സൗകര്യങ്ങളിലും പരിസ്ഥിതി സുരക്ഷയിലും ഏറ്റവും ഉയര്‍ന്ന സ്കോറുകൾ നേടിയാണ് ടൊറന്‍റോ മറ്റുള്ള രാഷ്ട്രങ്ങളെ ഭേദിച്ച് മുന്നിലെത്തിയിരിക്കുന്നത്. കോറോണയെ പ്രതിരോധിക്കാൻ ഏറെ പ്രയത്‌നങ്ങൾ നടത്തിയിരുന്നു. മറ്റൊരു പ്രത്യേകത എന്നത് ഇവിടെ വീട് വിട്ടു പുറത്തുപോകാന്‍ കഴിയാത്തവര്‍ക്ക് അവരുടെ വീടുകളില്‍ ചെന്ന് വാക്സിനേഷന്‍ നല്‍കിയിരുന്നു. ഇളവുകൾ ഒക്കെയും നൽകിയെങ്കിലും ജാഗ്രത തുടരുകയാണ്.

സിംഗപ്പൂർ

സഞ്ചാരപ്രിയരുടെ ഇഷ്ട ഇടമാണ് സിംഗപ്പൂർ. ഡിജിറ്റൽ സുരക്ഷ, ആരോഗ്യ സുരക്ഷ, ഇൻഫ്രാസ്ട്രക്ചർ സുരക്ഷ എന്നിവയിൽ രണ്ടാം സ്ഥാനത്തുള്ള നഗരമായ സിംഗപ്പൂർ ഇവിടെ മൂന്നാം സ്ഥാനത്താണ്. കോവിഡ് ഭീതിവിതച്ച ആദ്യനാളുകളിൽ അതിവേഗം നീങ്ങാനും ഡിജിറ്റൽ നിരീക്ഷണവും കോൺടാക്റ്റ് ട്രെയ്‌സിംഗും വേഗത്തിൽ നടപ്പിലാക്കാനും സിംഗപ്പൂർ ഇവയുടെ സഹായം എല്ലാം തന്നെ ഉപയോഗപ്പെടുത്തിയിരുന്നു. ലോകത്തില്‍ ഏറ്റവും ഉയര്‍ന്ന വാക്സിനേഷൻ നിരക്കുള്ള ഇടങ്ങളില്‍ ഒന്നാണ് ഇവിടം. ആശയവിനിമയം കുറയ്ക്കുന്നതിന് മിക്ക ജോലിസ്ഥലങ്ങളിലും വര്‍ക്ക് ഫ്രം ഹോം സാധാരണമായി മാറിയിട്ടുണ്ട്. അതുകൊണ്ടുതന്നെ പൊതുഗതാഗത സൗകര്യങ്ങളിലെ തിരക്ക് കുറയുകയും ചെയ്തു.

ജാഗ്രത മുൻനിർത്തി വിനോദസഞ്ചാര കേന്ദ്രങ്ങൾ, ഷോപ്പിങ് മാളുകൾ എന്നിവിടങ്ങളില്‍ പരിമിതമായ എണ്ണം സന്ദര്‍ശകരെ മാത്രമേ നിലവിൽ അനുവദിക്കുന്നുള്ളൂ. പൊതുജനങ്ങൾ ആരോഗ്യ ഉത്തരവുകൾ പാലിക്കുന്നുണ്ടെന്ന് ഉറപ്പാക്കാനായി പ്രത്യേകം നിയമിച്ച ഉദ്യോഗസ്ഥരെപ്പോലും ഇവിടെ കാണുവാൻ സാധിക്കും. കൂടത്തെ നിയമങ്ങള്‍ ലംഘിക്കുന്ന വ്യക്തികൾക്ക് കനത്ത പിഴ ചുമത്തും. പുറത്തു നിന്നുള്ള സഞ്ചാരികളെ നിരീക്ഷിക്കാനും നാട്ടുകാരെ ട്രാക്ക് ചെയ്യാനുമെല്ലാമായി ഫോണില്‍ ചില ആപ്പുകള്‍ ഇവിടെ നിര്‍ബന്ധമാക്കിയിരിക്കുകയാണ്.

സിഡ്നി

അതോടൊപ്പം തന്നെ ഓസ്‌ട്രേലിയയിലെ ഏറ്റവും വലിയ നഗരമായ സിഡ്നിയാണ് സൂചികയിൽ അഞ്ചാം സ്ഥാനത്ത് ഉള്ളത്. ആരോഗ്യ സുരക്ഷയുടെ അടിസ്ഥാനത്തില്‍ തയ്യാറാക്കിയ ലിസ്റ്റില്‍ ആദ്യത്തെ പത്തു സ്ഥാനങ്ങള്‍ക്കുള്ളിലും സിഡ്നി ഇടംപിടിച്ചിട്ടുണ്ട്. കൊറോണ വ്യാപനം ആരംഭിച്ച സമയത്ത് അതിർത്തികൾ പൂർണ്ണമായും അടച്ച ആദ്യത്തെ രാജ്യങ്ങളിലൊന്നാണ് ഓസ്‌ട്രേലിയ. ധൃതഗതിയിലെ തീരുമാനങ്ങൾ ഓസ്‌ട്രേലിയയിൽ ഫലം ചെയ്തു. ഓസ്‌ട്രേലിയയിലെ പ്രതിശീർഷ കോവിഡ് മരണനിരക്ക് ലോകത്തിലെ ഏറ്റവും താഴ്ന്ന നിരക്കുകളില്‍ ഒന്നായിട്ടാണ് ഉള്ളത്. ന്യൂ സൗത്ത് വെയിൽസിൽ വാക്‌സിനേഷൻ 70% ആയതിനാൽ, നിലവിലുള്ള നിയന്ത്രണങ്ങളിൽ പലതും നീക്കുമെന്നും രാജ്യാന്തര അതിർത്തികൾ നവംബറിൽ തുറക്കുമെന്നാണ് സൂചന.

വീഡിയോ കാണാം; 

ടോക്കിയോ

ടെക്നോളജിയുടെ പടുത്തുയർത്തിയ ജപ്പാന്‍റെ തലസ്ഥാനമായ ടോക്കിയോ ആണ് സൂചികയില്‍ അഞ്ചാം സ്ഥാനത്ത് നിൽക്കുന്നത്. തിരക്കിട്ട ജീവിത രീതികളെ തകിടം മരിച്ചുകൊണ്ടാണ് കൊറോണ വ്യാപനം റിപ്പോർട്ട് ചെയ്തത്. എന്നിരുന്നാൽ തന്നെയും ആരോഗ്യ സുരക്ഷാ സൂചികയില്‍ ഒന്നാം സ്ഥാനം എന്ന വന്‍നേട്ടവും ടോക്കിയോ കൈവരിച്ചു. സാർവത്രിക ആരോഗ്യ സംരക്ഷണം, കൊറോണക്കാലത്തെ തയ്യാറെടുപ്പ്, ആയുർദൈർഘ്യം, മാനസികാരോഗ്യം, കോവിഡ് -19 മരണനിരക്ക് തുടങ്ങിയ ഘടകങ്ങൾ കണക്കിലെടുത്താണ് ടോക്കിയോ മുന്നിലെത്തിയിരിക്കുന്നത്. ഒളിമ്പിക്‌സ് സമയത്ത് കൊറോണ കേസുകൾ വർദ്ധിച്ചിരുന്നെങ്കിലും, ജനസംഖ്യയുടെ 60% പേര്‍ക്കും വാക്സിനേഷന്‍ നല്‍കാനായതിനാല്‍ രോഗികളുടെ നിരക്ക് ഗണ്യമായി കുറയ്ക്കാൻ കഴിഞ്ഞു.

കൂടാതെ ഗതാഗത സുരക്ഷ, കാൽനട സൗഹൃദം, ഗതാഗത ശൃംഖലകൾ എന്നിവ ഉൾപ്പെടുന്ന അടിസ്ഥാന സൗകര്യ സുരക്ഷയിലും ടോക്കിയോ ആദ്യ അഞ്ച് സ്ഥാനങ്ങളിൽ ഇടം നേടിയിരിക്കുകയാണ്. ടെക്നോളജിയുടെ പടുത്തുയർത്തിയ ടോക്കിയോ സഞ്ചാരപരിയാരുടെ ഇഷ്ട ഇടമാണ്.