കാറിലും ക്ലാസ് മുറിയിലുമായി നിരവധി തവണ വിദ്യാര്ത്ഥിയുമായി ലൈംഗിക ബന്ധത്തില് ഏര്പ്പെട്ടു... ശിക്ഷ അനുഭവിക്കാന് ജയിലില് എത്തിയ അദ്ധ്യാപിക ഇപ്പോള് തടവുകാരുടെ അദ്ധ്യാപിക?
കാറിലും ക്ലാസ് മുറിയിലുമായി നിരവധി തവണ വിദ്യാര്ത്ഥിയുമായി ലൈംഗികബന്ധത്തില് ഏര്പ്പെട്ടതിന് 20 വര്ഷത്തെ തടവ് ശിക്ഷ അനുഭവിക്കുന്ന അദ്ധ്യാപിക ഇപ്പോള് ജയിലിലെ തടവുകാരുടെ അദ്ധ്യാപികയാണ്. 13 വയസുള്ള വിദ്യാര്ത്ഥിയുമായി ലൈംഗിക ബന്ധത്തിലേര്പ്പെട്ടതിനാണ് ബ്രിട്ടാനി സമോറ എന്ന അദ്ധ്യാപികയ്ക്ക് ഫീനിക്സ് കോടതി 20 വര്ഷത്തെ തടവ് ശിക്ഷ വിധിച്ചത്. കുട്ടിയുടെ മൊബൈല് ഫോണില് ഇരുവരും തമ്മിലുള്ള ചാറ്റുകള് രക്ഷിതാക്കള് കണ്ടെത്തിയതിനെ തുടര്ന്നാണ് അദ്ധ്യാപിക കുടുങ്ങിയത്. ജയില് ജീവിതത്തിലൂടെ ഇവര് മാനസാന്തരപ്പെട്ടതായി അരിസോണ ഡിപ്പാര്ട്ട്മെന്റ് ഓഫ് കറക്ഷന്സ് അധികൃതര് പറഞ്ഞു. ഇപ്പോള് ഇവര് ജയിലിലെ പാഠശാലയില് മറ്റുള്ള തടവുകാര്ക്ക് ക്ലാസ് എടുക്കുകയും സ്കൂള് പ്രവര്ത്തനങ്ങള്ക്ക് മേല്നോട്ടം വഹിക്കുകയും ചെയ്യുന്നതായി മാധ്യമങ്ങള് റിപ്പോര്ട്ട് ചെയ്തു.അമേരിക്കയിലെ ഗൂഡ് ഇയറിലുള്ള ലാസ് ബ്രിസാസ് അക്കാദമിയിലെ അദ്ധ്യാപികയായിരുന്നു ബ്രിട്ടാനി സമോറ. കാറിലും ക്ലാസ് മുറിയിലുമായി നിരവധി തവണ വിദ്യാര്ത്ഥിയുമായി ലൈംഗിക ബന്ധത്തില് ഏര്പ്പെട്ടതായി ഇവര് പൊലീസിനോട് സമ്മതിച്ചിരുന്നു. കുട്ടിയും ഇതേ മൊഴിയാണ് നല്കിയത്.
https://www.facebook.com/Malayalivartha
