അമേരിക്കയിലെ ഹൂസ്റ്റണില്‍ ആസ്ട്രോ വേള്‍ഡ് മ്യൂസിക് ഫെസ്റ്റിലുണ്ടായ തിക്കിലും തിരക്കിലും എട്ട് മരണം.300 അധികം പേര്‍ക്ക് പരിക്ക്. സംഗീത പരിപാടിയുടെ ആദ്യ ദിവസമായ വെള്ളിയാഴ്ച രാത്രി 9 മണിയോടെയായിരുന്നു അപകടം.

റാപ്പര്‍ ട്രാവിസ് സ്കോട്ടിന്റെ സംഗീത പരിപാടി വേദിയില്‍ നടക്കവേ ആരാധകര്‍ വേദിയിലേക്ക് തള്ളിക്കയറാന്‍ ശ്രമിക്കുകയായിരുന്നു. തുടര്‍ന്നുണ്ടായ തിക്കിലും തിരക്കിലുമാണ് അപകടമുണ്ടായത്.

17 പേരെ അഗ്നിരക്ഷാസേന ആശുപത്രിയിലെത്തിച്ചതില്‍ 11 പേര്‍ക്കും ഹൃദയാഘാതം സംഭവിച്ചിരുന്നതായി അധികൃതര്‍ അറിയിച്ചു. സംഭവത്തില്‍ കൂടുതല്‍ വിവരങ്ങള്‍ പുറത്തുവന്നിട്ടില്ല.