സ്ത്രീകള് പറയുന്നത് അനുസരിക്കുന്ന പുരുഷന്മാരെ ഇവിടെ കിട്ടും... പുരുഷന്മാരെ വാടകയ്ക്ക് ലഭിക്കുന്ന ബട്ലര് കഫേകള് ചൈനയില് ട്രെന്ഡിംഗ് ആകുന്നു
ഇപ്പോള് പങ്കാളികള് പരസ്പരം സംസാരിക്കുന്നത് പലപ്പോഴും വഴക്കുകളിലാണ് അവസാനിക്കാറ്. അത് പിന്നെ കുടുംബ കോടതിവരെ എത്തുകയും ചെയ്യും. എന്നാല് ചിലര് ഇത്തരത്തിലുള്ള പ്രശ്നം ഒഴിവാക്കാന് പരസ്പരം സംസാരിക്കാറില്ല. മറ്റു ചിലര് സംസാരിക്കുമെങ്കിലും കാര്യങ്ങള് മുഴുവന് കേള്ക്കാതെ മറ്റ് ജോലികളിലേക്ക് പോകും. അത്തരത്തില് ജീവിതത്തില് ഒറ്റപ്പെടുന്ന സ്ത്രീകള്ക്ക് ആശ്വാസം നല്കാനാണ് ബട്ലര് കഫേകള്.
പുരുഷന്മാരെ വാടകയ്ക്ക് ലഭിക്കുന്ന ബട്ലര് കഫേകള് ചൈനയില് ഇപ്പോള് ട്രെന്ഡിംഗ് ആകുന്നു. എന്നാല് ലൈംഗികമായ ആവശ്യങ്ങള്ക്കല്ല ഇങ്ങനെ സ്ത്രീകള് പുരുഷസുഹൃത്തുക്കളെ തേടിയെത്തുന്നത്. മാനസികവും വൈകാരികവുമായ പ്രശ്നങ്ങള്ക്കുള്ള ആശ്വാസമായാണ് സ്ത്രീകള് ഇവരെ കാണുന്നത്. സ്ത്രീ മുന്നേറ്റത്തിന്റെ ഭാഗമായാണ് ഇത്തരം കഫേകള് പ്രവര്ത്തിക്കുന്നതെന്നാമ് റിപ്പോര്ട്ടുകള്.
പങ്കാളികളായ പുരുഷന്മാരില് നിന്ന് ലഭിക്കാത്ത വൈകാരിക പിന്തുണയും തണലുമാണ് കഫേകളിലെത്തുന്ന സ്ത്രീകള് ഇവരില് നിന്ന് ആവശ്യപ്പെടുന്നത്. ജോലിസംബന്ധമായും വ്യക്തിപരമായ കാര്യങ്ങളെക്കുറിച്ചും ഇവരുമായി സ്ത്രീകള് സംസാരിക്കാറുണ്ട്. ചിലര് വെറുതെ ഗെയിം കളിക്കുകയോ മറ്റെന്തെങ്കിലും സംസാരിച്ചിരിക്കുകയോ ചെയ്യും.
ഒരുമിച്ച് ഭക്ഷണം പാകം ചെയ്യാം, സംഗീതമാസ്വദിക്കാം, സിനിമ കാണാം. എല്ലാം സന്ദര്ശകരായ സ്ത്രീകളുടെ അഭിരുചിക്ക് അനുസരിച്ച് മാത്രം. അവര് പറയുന്ന ഡ്രസ് കോഡ് പോലും പുരുഷ സുഹൃത്ത് കാത്തുസൂക്ഷിക്കണം.
മറ്റ് ചിലര് ഷോപ്പിംഗിന് പോകാനോ, സിനിമയ്ക്ക് പോകാനോ എ കഫേകളിലെത്തി പുരുഷന്മാരെ വാടകയ്ക്ക് എടുക്കും. മണിക്കൂറിനാണ് സാധാരണഗതിയില് ചാര്ജ് ഈടാക്കുന്നത്. എന്നാല് ചിലര് ഒരു മുഴുവന് ദിവസത്തേക്കും ഇവരെ വാടകയ്ക്ക് നല്കാറുണ്ട്.
ജപ്പാനിലാണ് ഇത്തരം 'ബട്ലര് കഫേ'കള് ആദ്യമായി ആരംഭിച്ചത്. ചൈനീസ് നഗരങ്ങളില് സോഷ്യല് മീഡിയയിലൂടെയും മറ്റും കാര്യമായ മാര്ക്കറ്റിംഗാണ് ഇത്തരം കഫേകള്ക്കായി നടക്കുന്നത്. ഉയര്ന്ന വിദ്യാഭ്യാസവും മികച്ച ജോലിയുള്ളതുമായ സ്ത്രീകളാണ് ഇവിടങ്ങളില് സന്ദര്ശകരായെത്തുന്നത്. ലൈംഗികാവശ്യങ്ങള്ക്ക് പുരുഷനും സ്ത്രീക്കും ആശ്രയിക്കാവുന്ന കേന്ദ്രങ്ങള് നിലവില് പലയിടങ്ങളിലും ഉണ്ട്.
https://www.facebook.com/Malayalivartha
