വിവാഹ വാര്‍ഷികത്തില്‍ ഭാര്യയ്ക്ക് സമ്മാനം നല്‍കണമെന്ന് തീരുമാനിച്ചെങ്കിലും അത് ഒടുവില്‍ വലിയ അബദ്ധമായി മാറി.ടിക് ടോക് വീഡിയോയിലൂടെ ഭര്‍ത്താവിന് പറ്റിയ ഈ അബദ്ധം ഭാര്യ ലോകത്തെ മുഴുവന്‍ കാണിക്കുകയും ചെയ്തു. ആഷ്‌ലി ഷാര്‍ലറ്റ് എന്ന യുവതിയാണ് തന്റെ വീഡിയോയിലൂടെ ഭര്‍ത്താവിന് അവരുടെ ഒന്നാം വിവാഹ വാര്‍ഷികത്തില്‍ പറ്റിയ അബദ്ധത്തെക്കുറിച്ച് വിശദീകരിച്ചത്.

ആഷ്‌ലിയും ഭര്‍ത്താവും തങ്ങളുടെ ഒന്നാം വിവാഹ വാര്‍ഷികത്തില്‍ ടാറ്റൂ ചെയ്യാന്‍ പദ്ധതിയിട്ടിരുന്നു. മോതിര വിരലില്‍ ഭര്‍ത്താവിന്റെ പേരിന്റെ ആദ്യാക്ഷരം പച്ച കുത്താനാണ് ഭാര്യ പദ്ധതിയിട്ടത്. വിവാഹത്തീയതി തന്റെ കൈയില്‍ പച്ചകുത്താന്‍ ഭര്‍ത്താവും തീരുമാനിച്ചു.

ഭാര്യയുടെ വിവാഹ വാര്‍ഷിക സമ്മാനം നല്ല രീതിയില്‍ പൂര്‍ത്തിയായി. എന്നാല്‍ വിവാഹ തീയതി റോമന്‍ നമ്ബറില്‍ പച്ചകുത്താന്‍ ആഗ്രഹിച്ച ഭര്‍ത്താവിന്റെ കാര്യം അങ്ങനെയായിരുന്നില്ല. ടാറ്റൂ ആര്‍ട്ടിസ്റ്റ് 1.1.19 എന്നതിന് പകരം 11.919 എന്നാണ് ഭര്‍ത്താവിന്റെ കൈയില്‍ പച്ചകുത്തിയത്. അതായത് 2019 ജനുവരി 1നായിരുന്നു വിവാഹ ദിനം.

അതിന് പകരം തെറ്റായ തീയതി പച്ചകുത്തി. അത് ഭര്‍ത്താവ് മനസ്സിലാക്കിയപ്പോഴേക്കും പച്ചകുത്തല്‍ പൂര്‍ത്തിയായിരുന്നു. എന്തായാലും ഭാര്യ പങ്കുവച്ച ഈ വീഡിയോയ്ക്ക് നിരവധി ആളുകളാണ് കമന്റുകളുമായി രംഗത്തെത്തിയിരിക്കുന്നത്.

താനും തന്റെ വിവാഹ വാര്‍ഷികത്തീയതി പച്ചകുത്താന്‍ ആഗ്രഹിക്കുന്നുവെന്നും എന്നാല്‍ ഇപ്പോള്‍ തനിയ്ക്ക് പച്ച കുത്താന്‍ പേടി തോന്നുന്നുണ്ടെന്നും ഉപയോക്താക്കളില്‍ ഒരാള്‍ കുറിച്ചു. മറ്റൊരു ഉപയോക്താവ് തന്റെ മകളുടെ ജനനത്തീയതി പച്ചകുത്താന്‍ ആഗ്രഹിക്കുന്നുവെന്ന് വ്യക്തമാക്കി. എന്നാല്‍ ഈ വീഡിയോ കണ്ടതോടെ പച്ചകുത്തണമോ എന്ന് സംശയിക്കുന്നതായും അദ്ദേഹം പറഞ്ഞു.