കോവിഡ് പ്രതിരോധത്തില് ഇസ്രായേല് നാലാം റൗണ്ടില്.... ഇന്ത്യ ഉള്പ്പെടെ ഒരു നിര രാജ്യങ്ങളില് ഒന്നാം ഡോഡ് കോവിഡ് പ്രതിരോധവാക്സിനേഷന് പകുതി മാത്രം പിന്നിടുമ്പോള് ഇസ്രായേല് നാലാം ഡോസ് പ്രതിരോധത്തിലേക്ക് കടന്ന് പൗരന്മാരെ സുരക്ഷിതരാക്കുന്നു
ഇന്ത്യ ഉള്പ്പെടെ ഒരു നിര രാജ്യങ്ങളില് ഒന്നാം ഡോഡ് കോവിഡ് പ്രതിരോധവാക്സിനേഷന് പകുതി മാത്രം പിന്നിടുമ്പോള് ഇസ്രായേല് ഇതാ നാലാം ഡോസ് പ്രതിരോധത്തിലേക്ക് കടന്ന് പൗരന്മാരെ സുരക്ഷിതരാക്കുന്നു. ലോകത്ത് ആദ്യമായി രണ്ടു ഡോസ് വാക്സിനേഷന് പൂര്ത്തിയാക്കുകയും പിന്നീട് മാസങ്ങള്ക്കുള്ളില് ബൂസ്റ്റര് ഡോസ് നല്കി കോവിഡ് മഹാമാരിയെ പ്രതിരോധിക്കുകയും ചെയ്ത രാജ്യമാണ് ഇസ്രായേല്.
പുറത്തുനിന്നുള്ള പൗരന്മാരുടെ സമ്പര്ക്കം ഒഴിവാക്കുകയും ഇസ്രായേലിലെ പൗരന്മാരെ സ്വന്തം രാജ്യത്ത് മാസ്കില്ലാതെ ജീവിക്കാന്സൗകര്യമൊരുക്കുകയും ചെയ്തതിനു പിന്നാലെയാണ് ഒമിക്രോണ് ഭീഷണിയെ ചെറുക്കാന് നാലാം ഡോസിലേക്ക് ഇസ്രായേല് കടക്കുന്നത്.
കോവിഡില് അതിശക്തമായ സുരക്ഷ ഒരുക്കിയശേഷവും 13 ലക്ഷത്തിലേറെ പേര് ഇതോടകം കോവിഡ് ബാധിതരാവുകയും എണ്ണായിരത്തിലേറെ പേര്ക്ക് മരണം സംഭവിക്കുകയും ചെയ്തതോടെയാണ് ഇസ്രായേല് നാലാം ഡോസിലെ പരീക്ഷണത്തിനുതുടക്കമിട്ടിരിക്കുന്നത്. ഒമിക്രോണില് ഒരു മരണം സംഭവിച്ചതോടെ കുട്ടികള്ക്കുപ്പെടെ പ്രതിരോധ വാക്സീന് അടിയന്തിരമായി നല്കാനുള്ള തയ്യാറെടുപ്പിലാണ് ഈ ചെറിയ രാജ്യം. വംശനാശം സംഭവിക്കുന്ന യഹൂദജനതയുടെ സുരക്ഷ ആ രാജ്യം എത്ര വിലകൊടുത്തും ഉറപ്പാക്കുന്നുവെന്നതിന്റെ തെളിവാണ് നാലാം ഡോസ് പ്രതിരോധത്തിലേക്കുള്ള അടിയന്തര നീക്കം.
ഒമൈക്രോണ് വ്യാപനഭീതി വര്ദ്ധിക്കുന്ന സാഹചര്യത്തില് 60 വയസിനു മുകളിലുള്ളവര്ക്കാണ് വാക്സിന്റെ നാലാം ഡോസ് നല്കാനാള്ള തീരുമാനം. ആരോഗ്യപ്രവര്ത്തകര്, രോഗപ്രതിരോധശേഷി കുറഞ്ഞവര് എന്നിവര്ക്കും നാലാം ഡോസ് നല്കാന് നിര്ദേശമുള്ളതയാണ് ഇസ്രായേല് പ്രധാനമന്ത്രി നാഫ്താലി ബെനറ്റ് വ്യക്തമാക്കുന്നത്.
മുതിര്ന്ന ആരോഗ്യ വിദഗ്ധരുടെ അനുമതി ഔദ്യോഗികമായി ലഭിച്ചിട്ടില്ലെങ്കിലും കോവിഡ് വിദഗ്ധസമിതിയുടെ നിര്ദേശപ്രകാരമാണ് നാലാംഡോസ് നല്കാനുള്ള നടപടികള് മുന്നോട്ടുപോകുന്നത്. മൂന്നാം ഡോസ് സ്വീകരിച്ച് നാല് മാസത്തിന് ശേഷമാണ് നാലാം ഡോസ് എടുക്കേണ്ടതെന്നാണ് അധികൃതര് നിര്ദേശിച്ചിരിക്കുന്നത്. വാക്സിന്റെ രണ്ട്, മൂന്ന് ഡോസുകള് തമ്മിലുള്ള ഇടവേള അഞ്ച് മാസത്തില് നിന്ന് മൂന്ന് മാസമാക്കി ഇസ്രായേല് കുറയ്ക്കുകയും ചെയ്തിട്ടുണ്ട്.
ബ്രിട്ടണിലും അമേരിക്കയും ഒമിക്രോണ് മരണങ്ങള് സ്ഥിരീകരിച്ചതിനു പിന്നാലെയാണ് ഇസ്രയേലിലും ഒമിക്രോണ് ബാധിച്ച് 60 കാരന് മരണമടഞ്ഞത്. ലോകത്ത് ആദ്യമായി വാക്സിനേഷന് പൂര്ത്തീകരിച്ച രാജ്യമാണ് ഇസ്രയേല്. ഇതിന് പിന്നാലെയാണ് എല്ലാ പൗരന്മാര്ക്കും ബൂസ്റ്റര് ഡോസും നല്കിയത്. ഇതിന് തുടര്ച്ചയായാണ് ഒമിക്രോണ് വകഭേദത്തെ നേരിടാന് നാലാം ഡോസ് വാക്സിന് വേണ്ടിയുള്ള പ്രവര്ത്തനങ്ങളുമായി രാജ്യം മുന്നോട്ട് പോകുന്നത്.
കോവിഡ് 19 വാക്സിന്റെ നാലാമത്തെ ഡോസിന്റെ സുരക്ഷയും ഫലപ്രാപ്തിയും പരിശോധിക്കുന്നതിന് ഇസ്രായേലിന് അമേരിക്കയുടെ പിന്തുണയും സഹകരണവും ഉറപ്പാക്കിയിട്ടുണ്ട്. ടെല് അവീവിനടുത്തുള്ള ഷെബ മെഡിക്കല് സെന്ററിലെ ഉദ്യോഗസ്ഥരാണ് നാലാം ഡോസ് പരീക്ഷണം ആരംഭിച്ചിരിക്കുന്നത്. തങ്ങളുടെ പഠനം ഇത്തരത്തിലുള്ള ആദ്യത്തേതാണെന്നും കുറഞ്ഞത് നാല് മാസം മുമ്പ് ഫൈസര്ബയോ എന്ടെക് വാക്സിന് മൂന്നാം ഡോസ് സ്വീകരിച്ച 150 മെഡിക്കല് ഉദ്യോഗസ്ഥര്ക്ക് ഒരു അധിക ഷോട്ട് നല്കുമെന്നും ആശുപത്രി വ്യക്തമാക്കിയിട്ടുണ്ട്.
https://www.facebook.com/Malayalivartha
