പാക്കിസ്ഥാനില് മഞ്ഞു വീഴ്ചയെ തുടര്ന്നു വാഹനത്തില് കുടുങ്ങിയ ഒന്പത് കുട്ടികള് ഉള്പ്പെടെ 22 പേര് മരിച്ചു.... അസാധാരണമായ മഞ്ഞുവീഴ്ചയാണ് സഞ്ചാരികളെ കൂട്ടത്തോടെ ഇവിടേക്ക് ആകര്ഷിച്ചത്
പാകിസ്താനിലെ പര്വതനഗരമായ മുറേയില് മഞ്ഞു വീഴ്ചയെ തുടര്ന്നു വാഹനത്തില് കുടുങ്ങിയ ഒന്പത് കുട്ടികള് ഉള്പ്പെടെ 22 പേര് മരിച്ചു. പാക്കിസ്ഥാനിലെ പഞ്ചാബ് പ്രവിശ്യയില് പ്രശസ്തമായ ഹില് സ്റ്റേഷനായ മുറേയില് ഇന്നലെയായിരുന്ന സംഭവമുണ്ടായത്.
അഞ്ചുപേര് കാറിനുള്ളില് തണുത്തുറഞ്ഞാണ് മരിച്ചത്. ആയിരക്കണക്കിന് വാഹനങ്ങളും ആളുകളും മഞ്ഞുകൂമ്പാരത്തില് കുടുങ്ങിക്കിടക്കുന്നുണ്ടെന്നാണ് റിപ്പോര്ട്ട്.
ആയിരക്കണക്കിന് വിനോദസഞ്ചാരികളുടെ വാഹനങ്ങള് മുറേയില് പ്രവേശിച്ചതോടെ നഗരത്തിലേക്കുള്ള എല്ലാ വഴികളും ബ്ലോക്കായി. ഇതോടെ മണിക്കൂറുകളാണ് വിനോദസഞ്ചാരികള് വാഹനത്തിനുള്ളില് കുടുങ്ങിയത്.
രക്ഷാപ്രവര്ത്തനം വേഗത്തിലാക്കാനും ഒറ്റപ്പെട്ട വിനോദസഞ്ചാരികള്ക്ക് സഹായം നല്കാനും പഞ്ചാബ് മുഖ്യമന്ത്രി ഉസ്മാന് ബുസ്ദാര് നിര്ദേശം നല്കി. ആശുപത്രികളിലും പോലീസ് സ്റ്റേഷനുകളും സര്ക്കാര് ഓഫീസുകളിലും പഞ്ചാബ് സര്ക്കാര് അടിയന്തരാവസ്ഥ പ്രഖ്യാപിച്ചു. മുറേ ദുരന്തമേഖലയായി പ്രഖ്യാപിച്ചിട്ടുണ്ട്. മരിച്ചവരില് പോലീസുദ്യോഗസ്ഥനും ഭാര്യയും ആറുമക്കളും പെടും. സഞ്ചാരികള്ക്കുപുറമേ, കുടിവെള്ളവും പാചകവാതകവും കിട്ടാതെ മഞ്ഞുവീഴ്ചയില് പ്രദേശവാസികളും ബുദ്ധിമുട്ടുകയാണ്.
അതേസമയം ഒട്ടേറെ റിസോര്ട്ടുകള് പ്രവര്ത്തിക്കുന്ന വിനോദസഞ്ചാരകേന്ദ്രമാണ് മുറേ. അസാധാരണമായ മഞ്ഞുവീഴ്ചയാണ് സഞ്ചാരികളെ കൂട്ടത്തോടെ ഇവിടേക്ക് ആകര്ഷിച്ചത്. മഞ്ഞുവീഴ്ച കാണാന് അടുത്തദിവസങ്ങളിലായി ഒട്ടേറെപ്പേര് എത്തിയത് നഗരത്തിലും തൊട്ടടുത്ത നഗരത്തിലും വലിയ ഗതാഗതക്കുരുക്കിനു കാരണമായി.
"
https://www.facebook.com/Malayalivartha