യുക്രെയ്ന്‍ പ്രതിസന്ധിയില്‍ രാജ്യതാത്പര്യം സംരക്ഷിച്ചുള്ള നിലപാടാണ് സ്വീകരിക്കുന്നതെന്ന് ഇന്ത്യ. ഒരു രാജ്യവും ധാര്‍മികത ഉപദേശിക്കേണ്ടതില്ലെന്നും റഷ്യയുമായി സൈനിക കരാറുകളുണ്ടെന്നും സര്‍ക്കാര്‍ വൃത്തങ്ങള്‍.

അതേസമയം, യുക്രെയ്ന്‍ സംഘര്‍ഷം ഉടന്‍ അവസാനിപ്പിക്കണമെന്നും വെടിവയ്പ് അടിയന്തരമായി നിര്‍ത്തണമെന്നും വ്‌ളാദിമിര്‍ പുടിനോട് പ്രധാനമന്ത്രി നരേന്ദ്ര മോദി ആവശ്യപ്പെട്ടു.

യുദ്ധം അവസാനിപ്പിക്കാന്‍ ഇന്ത്യ ഇടപെടണമെന്ന യുക്രെയ്ന്‍ അഭ്യര്‍ഥിച്ചതിനു പിന്നാലെയാണ് മോദി പുടിനോടു സംസാരിച്ചത്. പുടിനുമായി മോദി 25 മിനിറ്റ് നേരം ഫോണില്‍ സംസാരിച്ചു.

റഷ്യ-നാറ്റോ ഭിന്നതകള്‍ ചര്‍ച്ചകളിലൂടെ പരിഹരിക്കണം. യുക്രെയ്നിലെ ഇന്ത്യന്‍ പൗരന്മാരുടെ, പ്രത്യേകിച്ചു വിദ്യാര്‍ഥികളുടെ സുരക്ഷയെക്കുറിച്ചുള്ള ആശങ്കയും മോദി പുടിനെ അറിയിച്ചു.