ഒളിച്ചോടില്ല... അവസാന ശ്വാസം വരെയും രാജ്യത്തെ സംരക്ഷിക്കും... റ്രഷ്യന് സേനയുടെ മുന്നില് കീഴടങ്ങാതെ തലസ്ഥാനമായ കീവില് ചെറുത്തുനില്പ് തുടരവേ, സമാധാന ചര്ച്ചയ്ക്ക് സന്നദ്ധമാണെന്നും എന്നാല് റഷ്യയുടെ ഉപാധികള് സ്വീകാര്യമല്ലെന്നും പ്രസിഡന്റ് വൊളോഡിമിര് സെലെന്സ്കി... ബിട്ടണ് അടക്കമുള്ള ഇരുപത്തിയഞ്ചോളം രാഷ്ട്രങ്ങള് ആയുധമെത്തിക്കുമെന്ന് സൂചന
ഒളിച്ചോടില്ല... അവസാന ശ്വാസം വരെയും രാജ്യത്തെ സംരക്ഷിക്കും... റ്രഷ്യന് സേനയുടെ മുന്നില് കീഴടങ്ങാതെ തലസ്ഥാനമായ കീവില് ചെറുത്തുനില്പ് തുടരവേ, സമാധാന ചര്ച്ചയ്ക്ക് സന്നദ്ധമാണെന്നും എന്നാല് റഷ്യയുടെ ഉപാധികള് സ്വീകാര്യമല്ലെന്നും പ്രസിഡന്റ് വൊളോഡിമിര് സെലെന്സ്കി... ബിട്ടണ് അടക്കമുള്ള ഇരുപത്തിയഞ്ചോളം രാഷ്ട്രങ്ങള് ആയുധമെത്തിക്കുമെന്ന് സൂചന
അമേരിക്ക വാഗ്ദാനം ചെയ്ത സാമ്പത്തിക സഹായം നിരസിച്ച അദ്ദേഹം ആയുധമാണ് ആവശ്യമെന്നും പറഞ്ഞു. അഭയം നല്കാമെന്ന അമേരിക്കയുടെ നിര്ദ്ദേശവും തള്ളി. .പ്രസിഡന്റിന്റെ ഉറച്ച നിലപാടില് ആയുധമെടുത്ത് പോരാടാനുള്ള ആവേശത്തിലാണ് ജനങ്ങള്. ബ്രിട്ടണ് അടക്കമുള്ള ഇരുപത്തിയഞ്ചോളം രാഷ്ട്രങ്ങള് ആയുധമെത്തിക്കുമെന്ന് സൂചനയുണ്ട്.
ഫ്രഞ്ച് പ്രസിഡന്റ് ഇമ്മാനുവേല് മാക്രോണുമായി യുക്രെയിന് പ്രസിഡന്റ് നടത്തിയ ചര്ച്ചയിലാണ് ഇക്കാര്യം തീരുമാനമായത്. ഇതോടെ റഷ്യ ആക്രമണം കൂടുതല് ശക്തമാക്കി.
അതേസമയം, യു. എന് രക്ഷാസമിതിയില് അമേരിക്ക മുന്കൈയെടുത്ത് കൊണ്ടുവന്ന അധിനിവേശ വിരുദ്ധ പ്രമേയം റഷ്യ വീറ്റോ ചെയ്ത് പരാജയപ്പെടുത്തി.11 രാജ്യങ്ങള് പ്രമേയത്തെ അനുകൂലിച്ചപ്പോള് ഇന്ത്യയും ചൈനയും യു. എ. ഇയും വോട്ടെടുപ്പില് നിന്ന് വിട്ടു നിന്നു.
ഇന്ത്യന് നിലപാടിനെ റഷ്യ സ്വാഗതം ചെയ്തു.സമാധാനത്തിന് ഇടംകിട്ടാനായാണ് ഇരുപക്ഷവും ചേരാതെ ഇന്ത്യ വോട്ടെടുപ്പില് നിന്ന് വിട്ടു നിന്നതെന്ന് യു. എന്നിലെ ഇന്ത്യയുടെ സ്ഥിരം പ്രതിനിധി ടി. എസ്. തിരുമൂര്ത്തി വിശദീകരിച്ചു.
യുക്രെയിന് പ്രസിഡന്റ് വൊളോഡിമിര് സെലെന്സ്കി പ്രധാനമന്ത്രി നരേന്ദ്ര മോദിയെ വിളിച്ച് അധിനിവേശം തടയാന് ഇന്ത്യ ഇടപെടണമെന്ന് അഭ്യര്ത്ഥിച്ചു.
സൈനിക നടപടിയില് ജീവനും സ്വത്തിനുമുണ്ടായ നാശത്തില് വേദന പ്രകടിപ്പിച്ച മോദി, അടിയന്തരമായി വെടിനിറുത്തി ചര്ച്ച തുടരണമെന്നും ഇതിന് ഇന്ത്യയുടെ എല്ലാ സഹായവും ഉണ്ടാകുമെന്നും പറഞ്ഞു. യുക്രെയിനില് കുടുങ്ങിയ വിദ്യാര്ത്ഥികള് അടക്കം ഇന്ത്യക്കാരെ ഒഴിപ്പിക്കാന് സഹായിക്കണമെന്നും പ്രധാനമന്ത്രി അഭ്യര്ത്ഥിച്ചു.
"
https://www.facebook.com/Malayalivartha
