ശ്രീലങ്കന് പ്രസിഡന്റ് ഗോതബയ രാജപക്സെ നാളെ രാജി വയ്ക്കും.... . ജൂലായ് 15 മുതല് പാര്ലമെന്റ് സമ്മേളിച്ച് 20ന് പുതിയ പ്രസിഡന്റിനെ തിരഞ്ഞെടുക്കുമെന്ന് സ്പീക്കര് മഹിന്ദ യാപ അബയവര്ദ്ധന
ഒളിവില് കഴിയുന്ന ശ്രീലങ്കന് പ്രസിഡന്റ് ഗോതബയ രാജപക്സെ നാളെ രാജി വയ്ക്കും. ജൂലായ് 15 മുതല് പാര്ലമെന്റ് സമ്മേളിച്ച് 20ന് പുതിയ പ്രസിഡന്റിനെ തിരഞ്ഞെടുക്കുമെന്ന് സ്പീക്കര് മഹിന്ദ യാപ അബയവര്ദ്ധന .
പ്രസിഡന്റും പ്രധാനമന്ത്രിയും നാളെ രാജിവയ്ക്കുമെന്ന് പ്രധാനമന്ത്രിയായിരുന്ന റെനില് വിക്രമസിംഗെയുടെ ഓഫീസ് അറിയിച്ചതിന് പിന്നാലെ മന്ത്രിസഭയിലെ മുഴുവന് അംഗങ്ങളും രാജിയ്ക്ക് തയ്യാറായി കഴിഞ്ഞു. ഇടക്കാല സര്വകക്ഷി സര്ക്കാര് രൂപീകരിച്ചാലുടന് രാജി നല്കുമെന്ന് മന്ത്രിമാര് ഇന്നലെ സ്പീക്കറുടെ അദ്ധ്യക്ഷതയില് ചേര്ന്ന പ്രതിപക്ഷ പാര്ട്ടികളുടെ യോഗത്തില് വ്യക്തമാക്കി.
പ്രസിഡന്റും പ്രധാനമന്ത്രിയും സ്ഥാനമൊഴിഞ്ഞാല് സ്പീക്കര് അബയവര്ദ്ധന താത്കാലിക പ്രസിഡന്റ് പദവി ഏറ്റെടുക്കും. ഗോതബയ രാജി വയ്ക്കാതെ പ്രക്ഷോഭത്തില് നിന്ന് പിന്നോട്ടില്ലെന്ന നിലപാടിലാണ് സമരക്കാര്.
അതിനിടെ, ഒളിവില്പോയ ഗോതബയ സൈനിക കപ്പലില് വടക്ക് കിഴക്കന് കടലിലെ രഹസ്യ ദ്വീപില് അഭയം തേടിയെന്ന റിപ്പോര്ട്ടുകള് പുറത്തുവന്നു. എന്നാല്, പ്രസിഡന്റ് ദ്വീപ് വിട്ടതായും രാജ്യത്തിന് സമീപം സൈനിക കപ്പലിലുണ്ടെന്നും നാളെ ലങ്കയിലെത്തുമെന്നും സ്പീക്കര് വ്യക്തമാക്കി.
അതേസമയം, ഗോതബയ വിദേശത്ത് കടക്കാനായി ഇന്നലെ രാജ്യാന്തര വിമാനത്താവളത്തിലെത്തിയതായി പ്രാദേശിക മാദ്ധ്യമങ്ങള് റിപ്പോര്ട്ട് ചെയ്തു.പ്രസിഡന്റിന്റെ കൊട്ടാരത്തില് മൂന്നാം ദിവസവും ജനക്കൂട്ടം തുടരുന്നു. ഗോതബയ രാജിവച്ചാലേ കൊട്ടാരം വിടൂ എന്നാണ് അവരുടെ നിലപാട്.
"
https://www.facebook.com/Malayalivartha
