ബ്രിട്ടണില്‍ അമ്പത് ചാരന്മാരെ അയച്ച് ചൈന; അമേരിക്കയുടെ മുന്നറിയിപ്പിന് പിന്നാലെ സംഭവിച്ചത്
ചാരപ്രവര്‍ത്തനം നടത്തിയ 50 ചൈനീസ് വിദ്യാര്‍ത്ഥികള്‍ നാടുവിട്ടതായി റിപ്പോര്‍ട്ട്. വിദേശ നടപടി ക്രമങ്ങള്‍ പാലിക്കാതെ നടക്കുന്നവര്‍ക്കെതിരെ നടപടി കര്‍ശനമാക്കിയതോടെയാണ് ചൈനീസ് പൗരന്മാര്‍ രക്ഷപെട്ടത്. ബ്രിട്ടന്റെ രഹസ്യാന്വേഷണ ഏജന്‍സിയായ എം15 മേധാവിയാണ് വിവരം സ്ഥിരീകരിച്ചത്. പല സമയത്തായിട്ടാണ് ഇവര്‍ രാജ്യം വിട്ടതെന്നാണ് വിവരം
ബ്രിട്ടണില്‍ നിന്നുകൊണ്ട് ചാരപ്പണിയടക്കം നടത്തുന്ന ചൈനീസ് വിദ്യാര്‍ത്ഥികളെക്കുറിച്ച് അമേരിക്കയുടെ മുന്നറിയിപ്പാണ് നടപടി കര്‍ശനമാക്കാന്‍ ബ്രിട്ടനെ പ്രേരിപ്പിച്ചത്. ഇരുരാജ്യങ്ങളുടേയും സംയുക്ത സേനാ വിഭാഗമാണ് രഹസ്യവിവരം കൈമാറിയത്. ആഗോള തലത്തില്‍ ചൈന നടപ്പാക്കുന്ന തന്ത്രങ്ങളെ വിശദമായി അവലോകനം ചെയ്യുന്ന ഏജന്‍സികളാണ് വിദ്യാര്‍ത്ഥികളുടെ ശൃംഖലയെക്കുറിച്ചുള്ള വിവരം നല്‍കിയത്.
ചൈനയുടെ 'ആയിരം പ്രതിഭാ പദ്ധതി' എന്ന തന്ത്രത്തില്‍ ഒന്നാണ് എല്ലാ വിദേശരാജ്യങ്ങളിലേയ്ക്കും വിദ്യാര്‍ത്ഥികളെ പഠിക്കാന്‍ വിടുക എന്നുള്ളത്. നേരിട്ട് സൈന്യത്തിന്റെ നിയന്ത്രണത്തില്‍ വിവരങ്ങള്‍ കൈമാറാന്‍ ക്ഷമതയുള്ള വിദ്യാര്‍ത്ഥികളെ പരിശീലിപ്പിച്ചാണ് വിടുന്നത്. മൂന്നു പതിറ്റാണ്ടായി ചൈന ഇത്തരം പദ്ധതികള്‍ പയറ്റുന്നുണെന്നും എം15 മേധാവി പറഞ്ഞു. രാജ്യങ്ങളുടെ ശാസ്ത്ര സാങ്കേതിക രഹസ്യങ്ങള്‍, പുതിയ ഗവേഷണങ്ങള്‍ എന്നിവ ബീജിംഗ് ഭരണകൂടത്തിന് എത്തിക്കലാണ് പ്രധാന ദൗത്യം. അമേരിക്കയും ഓസ്‌ട്രേലിയയും ഇതിന് ഇരകളായതിനെ തുടര്‍ന്നാണ് ആഗോള തലത്തില്‍ ചൈനീസ് വിദ്യാര്‍ത്ഥികള്‍ക്കെതിരെ ജാഗ്രത വര്‍ദ്ധിച്ചത്.
https://www.facebook.com/Malayalivartha
