പാകിസ്ഥാന്റെ കുടില നീക്കം. കാശ്മീര് ഭീകരവാദികള്ക്ക്. വളഞ്ഞിട്ടടിക്കാന് ഇന്ത്യ.
15 DECEMBER 2022 12:31 PM IST
മലയാളി വാര്ത്ത
ബഹുരാഷ്ട്ര സംവിധാനങ്ങളെ കുറിച്ച് ഇന്ത്യ സമ്മേളനങ്ങള് നടത്തുമ്പോള് കശ്മീരിനെ കുറിച്ചും സംസാരിക്കണമെന്ന് പാകിസ്താന് വിദേശകാര്യ മന്ത്രി ബിലാവല് ഭൂട്ടോ ആവശ്യപ്പെട്ടു. കശ്മീര് വിഷയത്തില് ഐക്യരാഷ്ട്ര സമിതി മുമ്പ് പാസാക്കിയ പ്രമേയം ഇന്ത്യ നടപ്പാക്കുന്നില്ല. യു.എന് രക്ഷാസമിതി പ്രമേയം ആദ്യം നടപ്പാക്കിയിട്ട് വേണം ഇന്ത്യ അധ്യക്ഷത വഹിക്കാനെന്നും പാക് വിദേശകാര്യ മന്ത്രി പറഞ്ഞു.
പാക് വിദേശകാര്യ മന്ത്രിയുടെ പരാമര്ശനത്തിനാണ് ഇന്ത്യന് വിദേശകാര്യ മന്ത്രി എസ്. ജയശങ്കര് ശക്തമായ മറുപടി നല്കിയത്. ഇത്തരം പ്രസ്താവനകള് നടത്താനുള്ള അവകാശം പാകിസ്താനില്ലെന്ന് ഇന്ത്യ തിരിച്ചടിച്ചു. ഭീകരവാദത്തെ പാകിസ്താന് ഇപ്പോഴും ശക്തമായി പിന്തുണക്കുകയാണ്. അല്ഖാഇദ ഭീകരന് ഉസാമ ബിന് ലാദനെ ഒളിപ്പിച്ച രാജ്യമാണ് പാകിസ്താന്. അത്തരം രാജ്യങ്ങളുടെ സുവിശേഷം യു.എന്നില് വേണ്ടെന്നും വിദേശകാര്യ മന്ത്രി ചൂണ്ടിക്കാട്ടി.
വെല്ലുവിളി ഉയര്ത്തുന്ന ഭീകരവാദത്തിനെതിരെ കൂട്ടായ പ്രതികരണവുമായി ലോകം ഒന്നിക്കുമ്പോഴും കുറ്റവാളികളെ ന്യായീകരിക്കാനും സംരക്ഷിക്കാനും ബഹുമുഖ വേദികള് ദുരുപയോഗം ചെയ്യപ്പെടുന്നുവെന്നും യു.എന്നില് എസ്. ജയശങ്കര് വ്യക്തമാക്കി.
യു.എന് സുരക്ഷാസമിതി അധ്യക്ഷ സ്ഥാനം ഇന്ത്യ ഏറ്റെടുത്ത ശേഷം നിരവധി വിഷയങ്ങളില് സമ്മേളനങ്ങള് സംഘടിപ്പിക്കുന്നുണ്ട്. രാജ്യാന്തര തലത്തില് സംഘടിപ്പിക്കുന്ന സമ്മേളനങ്ങളില് ഇന്ത്യക്കെതിരെ ആഞ്ഞടിക്കുക എന്ന നീക്കമാണ് പാകിസ്താന് നടത്തുന്നത്.
ഭീകരതയ്ക്കായുള്ള ഫണ്ടിങ്ങിനെ ഇന്ത്യ ഗൗരവത്തോടെ നേരിടാന് ആരംഭിച്ചുവെന്ന് പ്രധാനമന്ത്രി നരേന്ദ്ര മോദിയും പറഞ്ഞിരുന്നു. വിവിധ രൂപത്തിലുള്ള ഭീകരവാദത്തെ ഇന്ത്യ ധീരമായി നേരിട്ടു. ചില രാജ്യങ്ങള് ഭീകരവാദത്തെ നയമായി കാണുന്നുവെന്നും പാകിസ്താനെ ഉദ്ദേശിച്ച് പ്രധാനമന്ത്രി പറഞ്ഞിട്ടുണ്ട്.
ആയിരക്കണക്കിന് വിലപ്പെട്ട ജീവനുകള് നഷ്ടപ്പെട്ടു. പക്ഷേ ഞങ്ങള് ഭീകരവാദത്തിനെതിരെ ധീരമായി പോരാടി. ഭീകരവാദത്തെ പിഴുതെറിയുന്നതുവരെ വിശ്രമിക്കില്ല. ഭീകരവാദത്തിന് ധനസഹായം നല്കുന്നതിന്റെ വേരുകള് ആക്രമിക്കുക എന്നതാണ് ഏറ്റവും പ്രധാനമെന്നും പ്രധാനമന്ത്രി പറഞ്ഞു. ഇന്ഡ്യയില് ആയിരത്തിലധികം വിദേശ ഫണ്ടിംഹ് സ്വീകരിക്കുന്ന സംഘടനകളുടെ രജിസ്ട്രഷന് ക്യാന്സല് ചെയ്തതായി കേന്ദ്ര ആഭ്യന്തര മന്ത്രി അമിത് ഷായും പ്രഖ്യാപിച്ചിരുന്നു.
അതിര്ത്തി കടന്ന് പാക്കിസ്ഥാന് നടത്തുന്ന വെടിനിര്ത്തല് കരാര് ലംഘനങ്ങളും നുഴഞ്ഞുകയറ്റവും ഫലപ്രദമായി നേരിടാന് ഇന്ത്യ എല്ലാ കാര്യത്തിലും സുശക്തമാണെന്ന് പാകിസ്ഥാനെ ബോധ്യപ്പെടുത്തുന്ന തരത്തിലുള്ള ചര്ച്ചകളാണ് യുഎന് സമിതിയില് നടന്നത്.
നവീന സാങ്കേതികവിദ്യ ഉപയോഗിച്ചു മികച്ച സുരക്ഷാ സഹകരണമാണു രാജ്യാന്തര അതിര്ത്തിയില് ഇന്ത്യ കൊണ്ടുവരാന് ഉദ്ദേശിക്കുന്നത്.
ഉറിയിലെ സൈനിക ക്യാംപിനു നേര്ക്കുണ്ടായ ആക്രമണത്തിനു പിന്നാലെ് ഇസ്രയേല് ഇന്ത്യയ്ക്കു സഹായം വാഗ്ദാനം ചെയ്തതും ശ്രദ്ധേയമാണ്. ഭീകരവാദത്തെ ചെറുക്കാന് ഇന്ഡ്യ നടത്തുന്ന ശ്രമങ്ങളെ എല്ലാതരത്തിലും എതിര്ക്കുന്ന പാകിസ്ഥാന് നിലപാടിന് കടുത്ത ഭാഷയില് മറുപടി നല്കാന് ഇന്ഡ്യയ്ക്ക് മറ്റ് ലോക രാജ്യങ്ങളും പിന്തുണ നല്കുന്നുവെന്നതും ശ്രദ്ധേയമാണ്. എന്നാല് പാകിസ്ഥാന് അവരുടെ നിലപാടുകളില് ഉറച്ചു നില്ക്കുകയാണ്. ലോക ഭീകരവാദത്തെ കുറിച്ച് സംസാരിക്കുമ്പോഴൊക്കെ കാശ്മീര് പ്രശ്നം ഉന്നയിക്കുന്നത് അവരുടെ പ്രധാന ദൗത്യമായി മാറിയിരിക്കുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
