മധ്യപാരിസിലെ റസ്റ്റാറന്റിനു പുറത്തെ റോഡില്‍ നിന്ന് ഒരു അക്രമി നിറയൊഴിക്കുകയായിരുന്നു.
വെടിയുണ്ടകളേറ്റ് റസ്റ്റാറന്റിന്റെ ചില്ലുകളെല്ലാം തകര്‍ന്നു. അടുത്ത നിമിഷം തന്നെ അയാള്‍ റസ്റ്റാറന്റിനുള്ളിലേക്ക് കയറി. തോക്ക് അവിടെയിരിക്കുകയായിരുന്ന യുവതിക്കു നേരെ ഉന്നം വെച്ചു. ഒരു നിമിഷം അവര്‍ പകച്ചു പോയി. എന്നാല്‍ അദ്ഭുതമെന്നു തന്നെ പറയാം പെട്ടെന്നാണ് അത് സംഭവിച്ചത്. തോക്ക് പ്രവര്‍ത്തന രഹിതമായി. അയാള്‍ പഠിച്ച പണി പതിനെട്ടും നോക്കിയിട്ടും തോക്ക് ശരിയാക്കാന്‍ കഴിയാതിരുന്നതിനെ തുടര്‍ന്ന് ഉടന്‍ പുറത്തുള്ള വാഹനത്തില്‍ കയറി അക്രമി രക്ഷപ്പെട്ടു.
ജീവന്‍ തിരിച്ചുകിട്ടിയ യുവതി ഒട്ടും വൈകാതെ അവിടെനിന്നു രക്ഷപ്പെട്ടു. അക്രമികളില്‍ എട്ടാമനായ സലാഹ് അബ്ദുസ്സലാം ആയിരുന്നു ഇയാളെന്ന് വിഡിയോ ദൃശ്യങ്ങളിലൂടെ തിരിച്ചറിഞ്ഞിട്ടുണ്ട്. ഏഴു പേരെ കൊലപ്പെടുത്തിയെങ്കിലും ഇയാള്‍ക്കായി പൊലീസ് തിരച്ചില്‍ തുടരുകയാണ്. വിഡിയോ ദൃശ്യം അന്വേഷണോദ്യോഗസ്ഥര്‍ക്ക് തുറുപ്പുശീട്ടാകുമെന്ന് കരുതുന്നു.

അക്രമിയുടെ തോക്കിന്‍ മുനമ്പില്‍ നിന്ന് യുവതി രക്ഷപ്പെടുന്ന ദൃശ്യം വൈറലാവുകയാണ്. പാരിസ് ഭീകരാക്രമണത്തിന്റെ ആദ്യ വിഡിയോകളിലൊന്നായ ഈ സി.സി.ടി.വി ദൃശ്യം ഡെയ്ല്‍ മെയ്ല്‍ ആണ് പുറത്തുവിട്ടത്.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha