ഇന്ത്യയുടെ വടക്ക് ഭാഗം മുഴുവന്‍ മഞ്ഞ് വീഴ്ചയില്‍ വിറങ്ങലിച്ചു നില്ക്കുകയാണ്. എന്നാല്‍ അമേരിക്കയില്‍ മഞ്ഞൂവീഴ്ചയല്ല മഞ്ഞ് ബേംബാണ് പെട്ടി വീണു കൊണ്ടിരിക്കുന്നത്. അമേരിക്കയുടെ വിമാനത്താവളങ്ങളില്‍ നിന്ന് ലോകത്തിന്റൈ വിവധ ഭാഗങ്ങളിലേയ്ക്ക് പോകാനായി കാത്തുകിടക്കുന്നവരുടെ ദയനീയ ചിത്രങ്ങളാണ് പുറത്തു വന്നു കൊണ്ടിരിക്കുന്നത്. മഞ്ഞു ബോംബും പിന്നെ കോവിഡിന്റെ വ്യാപനവും ലോകത്തിന്റെ മുന്നില്‍ അമേരിക്ക വീര്‍പ്പടക്കി നില്ക്കുകയാണ്.

വീടുകളുടെ പ്രവേശന കവാടങ്ങള്‍ മഞ്ഞുമൂടി കിടക്കുന്നതിനാല്‍ പുറത്തേയ്ക്കിറങ്ങാന്‍ കഴിയാതെ വീടുകളിലകപ്പെട്ടവരില്‍ എത്രപേര്‍ ജീവനോടെയുണ്ടെന്നറിയാന്‍ പോലും കഴിയാത്ത സാഹചര്യമാണ് അമേരിക്ക അഭിമുഖീകരിക്കുന്നത്. ഒരാഴ്ചയ്ക്കുള്ളില്‍ മഞ്ഞ് ബോംബിംഗ് അവസാനിച്ചില്ലെങ്കില്‍ അമേരിക്കയുടെ നഷ്ടം പ്രവചനാതീതമാണെന്നാണ് കണക്ക് കൂട്ടുന്നത്.

ഡിസംബര്‍ മാസം കഴിഞ്ഞ കുറേകാലമായ മാനവന്  ക്രൂരമാസമായി മാറികൊണ്ടിരിക്കുകയാണ്. 2004 ഡിസംബര്‍ 26 ലെ സൂനാമി, പിന്നെ പ്രളയം, കേരള തീരത്തെ ഉലച്ച ഓഖി ചുഴലിക്കാറ്റ്, ഭൂചലനം തുടങ്ങി പ്രകൃതി ഒളിപ്പിച്ചുവച്ച പല ദുരന്തങ്ങളും കെട്ടഴിച്ചുവിടുന്നത് ഡിസംബറിന്റെ പതിവായി. കഴിഞ്ഞ ദിവസം യുഎസില്‍  വീശിയടിച്ച സൈക്ലോണ്‍ ബോംബിനെയും ഈ ദുരന്ത പരമ്പരയിലേക്കു കൂട്ടി വെയ്ക്കണം..

യുഎസിലെ ശൈത്യക്കാറ്റില്‍ ഇതുവരെ അറുപതിലേറെ പേര്‍ മരിച്ചു. അനേകം പേരെ കാണാനില്ല. ലക്ഷക്കണക്കിനു പേര്‍ വിവിധ ഷെല്‍റ്ററുകളില്‍ താമസിക്കുന്നു. നാഷണല്‍ വെതര്‍ സര്‍വീസിന്റെ കണക്ക് അനുസരിച്ച് ഏകദേശം 60% ജനങ്ങളെങ്കിലും ശൈത്യക്കാറ്റിന്റെ ഭീതിയിലാണ്. വാഹനങ്ങള്‍ മഞ്ഞിന്‍ പാളികളിലൂടെ ഒഴുകി നീങ്ങുന്ന കാഴ്ചയാണ് യുഎസിലെ ഭീകര ദൃശ്യങ്ങളില്‍ ചിലത്. ആയിരക്കണക്കിന് വിമാനങ്ങള്‍ റദ്ദായി. വൈദ്യുതി വിതരണം പല സ്ഥലത്തും മുടങ്ങി.

പ്രകൃതി ദുരന്തങ്ങള്‍ ലോകത്തിനു നല്‍കുന്ന നഷ്ടങ്ങളുടെ കണക്ക് ഭീമമാണ്. വന്‍ പ്രകൃതി ദുരന്തങ്ങള്‍ മാത്രം ഈ വര്‍ഷം ലോകത്തിനു വരുത്തിവച്ച നഷ്ടം 16800 കോടി ഡോളറെന്ന് (ഏകദേശം 13.44 ലക്ഷം കോടി രൂപ) കാലാവസ്ഥാ മാറ്റം നിരീക്ഷിക്കുന്ന ക്രിസ്ത്യന്‍ എയിഡ് എന്ന സംഘടന പറയുന്നു.  ഈ വര്‍ഷം 300 കോടി ഡോളറിലേറെ നാശനഷ്ടമുണ്ടാക്കിയ പ്രധാനപ്പെട്ട 10 പ്രകൃതി ദുരന്തങ്ങളില്‍ മിക്കതും വികസിത രാജ്യങ്ങളിലാണെന്നും റിപ്പോര്‍ട്ടില്‍ പറയുന്നു. പാക്കിസ്ഥാന്‍ പ്രളയം 70 ലക്ഷം പേരെ അഭയാര്‍ഥികളാക്കിയതു കൂടാതെ മൂവായിരം കോടി ഡോളറിന്റെ നാശനഷ്ടം സൃഷ്ടിച്ചു. ഇതില്‍ 560 കോടി ഡോളറിനു മാത്രമാണ് ഇന്‍ഷുറന്‍സ് പരിരക്ഷയുള്ളത്.

ബോംബ് സ്‌ഫോടനത്തിനു സമാനമായ സാഹചര്യത്തിലേക്ക് അമേരിക്ക നീങ്ങുകയാണ് എന്നു വേണം കരുതാന്‍.  എന്താണ് ഇത്രയും ശക്തമായ ദുരന്തത്തിന് കാരണം എന്നു കണ്ടെത്താന്‍ അമേരിക്കയും അതുപോലെ യു എന്ും പഠനം ആരംഭിച്ചിരിക്കുകയാണ്.
3000 ചതുരശ്ര കിലോമീറ്റര്‍ വിസ്തൃതിയിലെ 25 കോടിയോളം ജനങ്ങളെയാണ് ശൈത്യബോംബ് ബാധിച്ചത്. കാനഡ അതിര്‍ത്തി മുതല്‍ മെക്‌സിക്കോ വരെ യുഎസ് വിറച്ചുകൊണ്ടിരി്ക്കുകയാണ്

 മഞ്ഞും മഴയും മൂടിയാല്‍ എല്ലാം വെളുത്തപുകപോലെ തോന്നിക്കും. വൈറ്റ് ഔട്ട് എന്നാണ് ഇതിനെ വിശേഷിപ്പിക്കാറുള്ളത്. അതിശക്തമായ വൈറ്റ് ഔട്ടില്‍ വൈദ്യുതി കൂടി നിലച്ചതോടെ ന്യൂയോര്‍ക്ക് നഗരത്തിന്റെ ചില ഭാഗങ്ങള്‍ ഇരുട്ടിന്റെ കൂടി  പിടിയിലായി. ഒരേ സമയം പല ദുരന്തങ്ങള്‍ ഒന്നിച്ചെത്തുന്ന സ്ഥിതിയാണ് അമേരിക്കയില്‍ . വിദേശത്തേയ്ക്ക് പോയി രക്ഷനേടാമെന്ന് വിചാരിച്ചാല്‍ വിമാനങ്ങളെല്ലാം നിറുത്തി വെച്ചിരിക്കുകയാണ്. ഇങ്ങനെയൊരവസ്ഥ അമേരിക്ക അഭിമുഖീകരിക്കുന്നത് ആദ്യമായാണ്. എന്നാല്‍ അമേരിക്കയില്‍ എത്രപേര്‍ ജീവനോടെയുണ്ടെന്നറിയണമെങ്കില്‍ മഞ്ഞുരുകി തുടങ്ങണം.