ഇമെരിറ്റസ് മാര്പാപ്പ ബെനഡിക്ട് പതിനാറാമന്റെ ഭൗതികശരീരം ഇന്ന് കബറടക്കും.... സെയ്ന്റ് പീറ്റേഴ്സ് ബസിലിക്കയില് നടക്കുന്ന അന്ത്യശുശ്രൂഷകള്ക്ക് ഫ്രാന്സിസ് മാര്പാപ്പ മുഖ്യകാര്മികത്വം വഹിക്കും, വിവിധ രാജ്യങ്ങളില്നിന്നുള്ള നേതാക്കള് പങ്കെടുക്കും
ഇമെരിറ്റസ് മാര്പാപ്പ ബെനഡിക്ട് പതിനാറാമന്റെ ഭൗതികശരീരം ഇന്ന് കബറടക്കും. സെയ്ന്റ് പീറ്റേഴ്സ് ബസിലിക്കയില് നടക്കുന്ന അന്ത്യശുശ്രൂഷകള്ക്ക് ഫ്രാന്സിസ് മാര്പാപ്പ മുഖ്യകാര്മികത്വം വഹിക്കും. ഇറ്റാലിയന് സമയം രാവിലെ 9.30-ന് (ഇന്ത്യന് സമയം ഉച്ചകഴിഞ്ഞ് രണ്ട്) ശുശ്രൂഷകള് തുടങ്ങും.
വിവിധ രാജ്യങ്ങളില്നിന്നുള്ള നേതാക്കള് പങ്കെടുക്കും. കേരള കത്തോലിക്കാ മെത്രാന് സമിതി അധ്യക്ഷന് കര്ദിനാള് ബസേലിയോസ് ക്ലീമിസും സിറോ മലബാര് സഭാ മേജര് ആര്ച്ച്ബിഷപ്പ് കര്ദിനാള് ജോര്ജ് ആലഞ്ചേരിയും ചടങ്ങുകളില് സംബന്ധിക്കും.
തിങ്കളാഴ്ചമുതല് സെയ്ന്റ് പീറ്റേഴ്സ് ബസിലിക്കയില് പൊതുദര്ശനത്തിനു വെച്ചിരിക്കുന്ന ഭൗതികദേഹത്തില് ലക്ഷങ്ങള് ആദരാഞ്ജലിയര്പ്പിച്ചു. ബുധനാഴ്ചമാത്രം 1.30 ലക്ഷത്തിലേറെപ്പേരാണ് സെയ്ന്റ് പീറ്റേഴ്സ് ചത്വരത്തിലെത്തിയത്.
ജോണ് പോള് രണ്ടാമന് മാര്പാപ്പയുടെ പിന്ഗാമിയായി എട്ടുവര്ഷം കത്തോലിക്കാ സഭയുടെ തലവനായിരുന്ന ബെനഡിക്ട് പതിനാറാമന് അനാരോഗ്യത്തെത്തുടര്ന്ന് 2013-ല് സ്ഥാനമൊഴിഞ്ഞു. അതിനുശേഷം വത്തിക്കാനില്ത്തന്നെയുള്ള ആശ്രമത്തില് കഴിയവേയാണ് ശനിയാഴ്ച 95-ാം വയസ്സില് വിടപറഞ്ഞത്.
https://www.facebook.com/Malayalivartha
