യുക്രൈന് തലസ്ഥാനമായ കീവിനടുത്ത് ഹെലികോപ്റ്റര് തകര്ന്നുവീണ് മന്ത്രിയും മൂന്നുകുട്ടികളും ഉള്പ്പെടെ 18 പേര് മരിച്ചു....ഇന്നലെ രാവിലെ, കീവിന്റെ കിഴക്കന് പ്രവിശ്യയായ ബ്രോവറിയില് ഒരു നഴ്സറി സ്കൂളിനടുത്താണ് കോപ്റ്റര് തകര്ന്നുവീണത്
യുക്രൈന് തലസ്ഥാനമായ കീവിനടുത്ത് ഹെലികോപ്റ്റര് തകര്ന്നുവീണ് മന്ത്രിയും മൂന്നുകുട്ടികളും ഉള്പ്പെടെ 18 പേര് മരിച്ചു....ഇന്നലെ രാവിലെ, കീവിന്റെ കിഴക്കന് പ്രവിശ്യയായ ബ്രോവറിയില് ഒരു നഴ്സറി സ്കൂളിനടുത്താണ് കോപ്റ്റര് തകര്ന്നുവീണത്
യുക്രൈന് ആഭ്യന്തരമന്ത്രി ഡെനിസ് മൊണാസ്റ്റിര്സ്കി, സഹമന്ത്രി യെവെന് യെനിന്, ആഭ്യന്തരമന്ത്രാലയത്തിലെ സ്റ്റേറ്റ് സെക്രട്ടറി യുറി ലുബ്കോവിച്ച് എന്നിവര് കൊല്ലപ്പെട്ടതായി യുക്രൈന് പോലീസ് മേധാവി അറിയിച്ചു. മരിച്ച ഒന്പതുപേര് കോപ്റ്ററിലുണ്ടായിരുന്നവരാണ്. 15 കുട്ടികള് ഉള്പ്പെടെ 29 പേര്ക്ക് പരിക്കേറ്റിട്ടുണ്ട്.
ഹെലികോപ്റ്റര് ദുരന്തം അപകടമാണെന്നും യുക്രൈന്-റഷ്യ യുദ്ധവുമായി ബന്ധമില്ലെന്നുമാണ് റിപ്പോര്ട്ട്. സര്ക്കാറിന്റെ അടിയന്തരസേവനവിഭാഗത്തിന്റേതാണ് അപകടത്തില്പ്പെട്ട കോപ്റ്റര്. കിഴക്കന് യുക്രൈനിലെ യുദ്ധമുന്നണിയിലേക്കുള്ള യാത്രയ്ക്കിടെയാണ് അപകടമെന്നും റിപ്പോര്ട്ടുകളുണ്ട്.
അതേസമയം അവശ്യസേവനങ്ങളുടെയും പോലീസ് വിഭാഗത്തിന്റെയും ചുമതലവഹിച്ചിരുന്ന മന്ത്രിയാണ് ഡെനിസ്. 11 മാസം പിന്നിടുന്ന യുദ്ധകാലത്ത് മരിച്ച സര്ക്കാരിലെ ഏറ്റവും തലമുതിര്ന്നയാളാണ് അദ്ദേഹം. 'ഭീകരദുരന്ത'മെന്നാണ് യുക്രൈന് പ്രസിഡന്റ് വ്ളോഡിമിര് സെലെന്സ്കി അപകടത്തെ വിശേഷിപ്പിച്ചത്. വാക്കുകളില് വിവരിക്കാന് കഴിയാത്ത വേദനയാണ് അതുളവാക്കിയത്. അപകടകാരണം കണ്ടെത്താന് സമഗ്രാന്വേഷണം തുടങ്ങിയിട്ടുണ്ടെന്നും അദ്ദേഹം പറഞ്ഞു.
"
https://www.facebook.com/Malayalivartha
