മൂന്ന് കുട്ടികളുടെ അമ്മയെ കൊലപ്പെടുത്തി കഷണങ്ങളാക്കി മാലിന്യം നിക്ഷേപിക്കുന്ന വേസ്റ്റ് പാത്രത്തിലിട്ട ഭര്‍ത്താവ് അറസ്റ്റില്‍. കൊലപാതക കുറ്റം ചുമത്തി കോടതിയില്‍ ഹാജരാക്കിയ പ്രതിക്ക് കോടതി ജാമ്യം നല്‍കിയില്ല. പ്രതിയെ ഫെബ്രുവരി 9ന് വീണ്ടും കോടതിയില്‍ ഹാജരാക്കാനും ഉത്തരവിട്ടു.

ജനുവരി ഒന്നിനുശേഷം ഭാര്യയെ കണ്ടിട്ടില്ല എന്നാണ് ഇയാള്‍ പോലീസിന് നല്‍കിയ വിവരം. ജനുവരി 4 മുതല്‍ ജോലിക്ക് എത്താതിരുന്നതിനെ തുടര്‍ന്ന് സ്ഥാപന ഉടമ പോലീസില്‍ പരാതിപ്പെട്ടു. ഇതിനെ തുടര്‍ന്നാണ് പോലീസ് അന്വേഷണം ആരംഭിച്ചത്.

പല നുണകള്‍ പറഞ്ഞു പോലീസിനെ തെറ്റിദ്ധരിപ്പിക്കുവാന്‍ പ്രതി ശ്രമിച്ചുവെങ്കിലും ജനുവരി 8ന് ഇയാളെ അറസ്റ്റു ചെയ്തു ജയിലിലടച്ചു. പോലീസിനെ തെറ്റിദ്ധരിപ്പിച്ചു എന്നതായിരുന്നു അറസ്റ്റിനു കാരണം. ഇവരുടെ താമസസ്ഥലത്തു നിന്നും രക്തകറയും ഒടിഞ്ഞ കത്തിയും കണ്ടെത്തി. സമീപത്തുള്ള ക്യാമറകളില്‍ പ്രതി മാലിന്യം ഇടുന്നതിനു സമീപം നില്‍ക്കുന്നതും കണ്ടെത്തി. ദിവസങ്ങള്‍ പിന്നിട്ടതോടെ മാലിന്യം നീക്കം ചെയ്ത സ്ഥലത്ത് നടത്തിയ അന്വേഷണത്തില്‍ അന്നയുടെ ഫോണ്‍, വാക്‌സിനേഷന്‍ കാര്‍ഡ്, ബൂട്ട്, പേഴ്‌സ് എന്നിവയും കണ്ടെത്തിയത്.