എന്റെ മകളുടെ പേര് ഇവിടെ വേറെ ഒരുത്തന്റെ പിള്ളേര്‍ക്കും ഇടണ്ട. കിമ്മണ്ണന്റെ പുതിയ ഉത്തരവ്, കിളിപോയി ഉത്തരകൊറിയക്കാര്‍. കണ്ണുംതള്ളി ലോകരാജ്യങ്ങള്‍. ഉത്തര കൊറിയയില്‍ കിം ജോങ് ഉന്നിന്റെ മകളുടെ പേര്‌ മറ്റാര്‍ക്കും പാടില്ല എന്ന് ഉത്തരവ്. കിം ജോങ് ഉന്നിന്റെ മകളുടെ പേര് നിലവില്‍ ഏതെങ്കിലും സ്ത്രീകള്‍ക്കോ പെണ്‍കുട്ടികള്‍ക്കോ ഉണ്ടെങ്കില്‍ അതും മാറ്റാന്‍ ആവശ്യപ്പെട്ടിട്ടുണ്ട് എന്നാണ് ഫോക്‌സ് ന്യൂസ് റിപ്പോര്‍ട്ട് ചെയ്യുന്നത്. എന്റെ പൊന്ന് കിമ്മണ്ണ ഇങ്ങളെക്കൊണ്ട് ഉത്തരകൊറിയക്കാര്‍ക്ക് സമാധനമില്ലാതായിരിക്കുന്നു.

ജു ഏ എന്നാണ് ഉത്തര കൊറിയന്‍ നേതാവിന്റെ മകളുടെ പേര്. ഒമ്പതോ പത്തോ ആണ് ജു ഏയുടെ പ്രായം എന്നാണ് കരുതുന്നത്. അതേ സമയം അടുത്തിടെ വാര്‍ത്തകളില്‍ സജീവമായി കിമ്മിന്റെ മകള്‍ പ്രത്യക്ഷപ്പെടുന്നുണ്ട്. ഉത്തര കൊറിയന്‍ നേതാക്കളെ ചുറ്റിപ്പറ്റിയുള്ള നി?ഗൂഢതകള്‍ പോലെ തന്നെ ജു ഏയെ ചുറ്റിപ്പറ്റിയും അല്‍പസ്വല്പം നി?ഗൂഢതകളൊക്കെ നിലനില്‍ക്കുന്നുണ്ട്.

റേഡിയോ ഫ്രീ ഏഷ്യയെ ഉദ്ധരിച്ചു കൊണ്ടാണ് പേരുമാറ്റാനുള്ള നിര്‍ദ്ദേശം വന്നതിനെ കുറിച്ച് ഫോക്‌സ് ന്യൂസ് വാര്‍ത്ത റിപ്പോര്‍ട്ട് ചെയ്തിരിക്കുന്നത്. ജു ഏ എന്ന് പേരുള്ള സ്ത്രീകളോടും പെണ്‍കുട്ടികളോടും തങ്ങളുടെ ജനന സര്‍ട്ടിഫിക്കറ്റുകളില്‍ നിന്ന് മുതല്‍ പേര് മാറ്റാന്‍ ആവശ്യപ്പെട്ടിട്ടുണ്ട് എന്നാണ് റിപ്പോര്‍ട്ടുകള്‍ പറയുന്നത്. ജിയോങ്ജു സിറ്റിയില്‍ സ്ഥിതി ചെയ്യുന്ന സുരക്ഷാ മന്ത്രാലയം ഈ പേരുള്ള സ്ത്രീകളെ തങ്ങളുടെ ഓഫീസിലേക്ക് വിളിപ്പിച്ചതായും ഒരാഴ്ചയ്ക്കകം പേര് മാറ്റണം എന്ന് നിര്‍ദ്ദേശിച്ചതായും റിപ്പോര്‍ട്ടുകള്‍ പറയുന്നു.

അതേ സമയം ഉത്തര കൊറിയയുടെ അടുത്ത അവകാശി കിമ്മിന്റെ മകളായിരിക്കും എന്ന തരത്തിലുള്ള ചര്‍ച്ചകള്‍ സജീവമാണ്. സൈനിക പരേഡിലടക്കം മകളുമായിട്ടാണ് കിം പ്രത്യക്ഷപ്പെട്ടത്. കഴിഞ്ഞ വര്‍ഷം നവംബറിലാണ് ജു ഏ ആദ്യമായി മാധ്യമങ്ങള്‍ക്ക് മുന്നില്‍ പ്രത്യക്ഷപ്പെട്ടത്. അന്ന് വെള്ള ജാക്കറ്റും ചുവന്ന ഷൂസും ധരിച്ച് ഭീമന്‍ ബ്ലാക്ക് ആന്‍ഡ് വൈറ്റ് മിസൈലിന് അരികില്‍ കൂടി അച്ഛനും മകളും നടന്നു പോകുന്നതിന്റെ ദൃശ്യങ്ങളാണ് പുറത്ത് വന്നത്. പൊതുജനങ്ങള്‍ക്ക് മുന്നില്‍ പ്രത്യക്ഷപ്പെട്ട കിമ്മിന്റെ മൂന്നുമക്കളില്‍ ഒരേയൊരാളാണ് ജു ഏ. നേരത്തെ തന്നെ ഉത്തര കൊറിയയില്‍ നേതാക്കളുടെയോ അടുത്ത ബന്ധുക്കളുടെയോ പേര് ആര്‍ക്കും ഇടാന്‍ അധികാരമില്ല എന്നാണ് റിപ്പോര്‍ട്ടുകള്‍ പറയുന്നത്.

ഇതുപോലെ പല വിചിത്രമായ ഉത്തരവുകളാണ് കിം പ്രഖ്യാപിക്കാറ്. ലോകരാജ്യങ്ങള്‍ക്ക് ഇത് കേട്ടാല്‍ കണ്ണുതള്ളും, എന്നാല്‍ ഉത്തരകൊറിയക്കാര്‍ക്ക് ഇത് പുത്തരിയല്ല അവര്‍ക്കിത് ശീലമാണ്. കിമ്മിന്റെ കുടുംബക്കാരുടെ ഹെയര്‍ സ്റ്റൈല്‍ മറ്റാര്‍ക്കും പാടില്ല. ജീന്‍സും ടീ ഷര്‍ട്ടും പാടിലല് ,അത് പാശ്ചാത്യ സംസ്‌കാരത്തിന്റെ കടന്ന് വരവാണ്. ഇവിടെ പാട്ടും ഡാന്‍സും വേണ്ട. തുടങ്ങി പല വിചിത്ര ഉത്തരവുകളും പ്രഖ്യാപിച്ച് വാര്‍ത്തകളില്‍ നിറഞ്ഞിട്ടുള്ള ആളാണ് കിം. ജനങ്ങള്‍ എന്ത് ചെയ്യണം എങ്ങനെ ആയിരിക്കണം അതെല്ലാം കിം നവിര്‍ദ്ദേസിക്കും. അതുപോലെ അനുസരിക്കണം ഇല്ലേല്‍ കഴുത്തിന് മുകളില്‍ തല കാണില്ല. അങ്ങനെ മൊത്തത്തില്‍ പ്രത്യേകതരം ജീവിതമാണ് കിമ്മിന്റേത്. ഉത്തരകൊറിയക്കാരുടെ കാര്യമാണ് കഷ്ടം. അവര്‍ നരകിക്കുകയാണ്,ഭരണകൂടം പറയുന്നത് എന്തോ അതനുസരിച്ച് ജീവിക്കുന്ന കുറേ പാവകള്‍.