ചൈനയുമായി വര്‍ദ്ധിച്ചു വരുന്ന പിരിമുറുക്കത്തിനിടെ പ്രസിഡന്റ് ഷിജിന്‍പിങ്ങുമായി സംസാരിക്കുമെന്ന് ജോ ബൈഡന്‍. ചൈനയുമായി നയതന്ത്ര വിഷയങ്ങള്‍ ചര്‍ച്ച ചെയ്യുന്നത് തുടരുമെന്ന് ബൈഡന്‍ അറിയിച്ചു. ചൈനീസ് ചാര ബലൂണ്‍ വെടിവെച്ചിട്ടതിന് താന്‍ മാപ്പൊന്നും പറയില്ലെന്നും യുഎസ് ഒരിക്കലും പുതിയൊരു ശീതയുദ്ധം തുടങ്ങാന്‍ ആഗ്രഹിക്കുന്നില്ലെന്നും ബൈഡന്‍ പറഞ്ഞു.

അമേരിക്കന്‍ ജനതയുടെ സുരക്ഷയും താത്പര്യവും മുന്‍നിര്‍ത്തി മാത്രമെ പ്രവര്‍ത്തിക്കുകയുള്ളൂ എന്നും ബൈഡന്‍ പറഞ്ഞു. ചൈനീസ് ആണവായുധ കേന്ദ്രങ്ങള്‍ക്ക് മുകളിലൂടെ ചൈനയുടെ ചാരബലൂണുകള്‍ പറന്നുയര്‍ന്നിരുന്നു. ബലൂണ്‍ ബൈഡന്റെ നിര്‍ദ്ദേശ പ്രകാരം വെടിവെച്ച് വീഴ്ത്തുകയും ചെയ്തു. പിന്നാലെ അമേരിക്കയുടെ നീക്കത്തെ ശക്തമായി അപലപിച്ച് ചൈന എത്തിയിരുന്നു.

അതേസമയം ചൈനയാണ് യുഎസ്സിന്റെ ഏറ്റവും വലിയ എതിരാളി. പക്ഷേ അതൊരു യുദ്ധത്തിലേക്ക് പോകാന്‍ താല്‍പര്യമില്ല. പകരം വിപണിയില്‍ അധിഷ്ടിമായ ഒരു മത്സരമാണ് ആഗ്രഹിക്കുന്നതെന്നും യുഎസ് പ്രസിഡന്റ് വ്യക്തമാക്കി.യു എസ് വ്യോമാതിര്‍ത്തിയില്‍ കണ്ടെത്തിയ ചൈനീസ് ചാര ബലൂണ്‍ വെടിവെച്ചു വീഴ്ത്തിയ വിഷയത്തില്‍ കൂടുതല്‍ തര്‍ക്കത്തിനില്ലെന്ന് പ്രസിഡന്റ് ജോ ബെയ്ഡന്‍. പിബിഎസ് നെറ്റ്വര്‍ക്കിന് നല്‍കിയ അഭിമുഖത്തിലാണ് ബെയ്ഡന്‍ ഇക്കാര്യം വ്യക്തമാക്കിയത്. കാലങ്ങളായി തുടരുന്നത് പോലെ യുഎസ് ചൈനയോട് പൂര്‍ണമായി മത്സരിക്കാന്‍ പോവുകയാണെന്നും എന്നാല്‍ തര്‍ക്കത്തിനില്ലെന്നും അദ്ദേഹം പറഞ്ഞു. സംഭവം ബെയ്ജിംഗുമായുള്ള ബന്ധത്തിന് വലിയ നാശമുണ്ടാക്കിയിട്ടുണ്ടോ എന്ന ചോദ്യത്തിന്, 'ഇല്ല' എന്ന് ബെയ്ഡന്‍ പറഞ്ഞു.

ഞായറാഴ്ച്ചയാണ് യു എസ് വ്യോമാതിര്‍ത്തിയില്‍ ബലൂണ്‍ കണ്ടെത്തിയത്. സംശയാസ്പദ സാഹചര്യത്തില്‍ കണ്ടെത്തിയ ബലൂണ്‍ യു എസ് യുദ്ധവിമാനങ്ങള്‍ ഉപയോഗിച്ച് വെടിവെച്ചു വീഴ്ത്തുകയായിരുന്നു. ആണവ മിസൈല്‍ വിക്ഷേപണ കേന്ദ്രങ്ങളും വ്യോമസേനാ ആസ്ഥാനങ്ങളും ഉള്‍പ്പെടുന്ന സുപ്രധാന കേന്ദ്രങ്ങള്‍ക്ക് മുകളിലൂടെയായിരുന്നു ബലൂണ്‍ സഞ്ചരിച്ചതെന്നും ബലൂണ്‍ വഴിയുള്ള വിവരശേഖരണമായിരിക്കണം ചൈനയുടെ ലക്ഷ്യമെന്നും യുഎസിന്റെ ഉന്നത പ്രതിരോധ ഉദ്യോഗസ്ഥന്‍ മാധ്യമങ്ങളോട് പറഞ്ഞിരുന്നു. രാജ്യത്തെ മൂന്ന് ആണവമിസൈല്‍ വിക്ഷേപണ കേന്ദ്രങ്ങളിലൊന്നായ മാല്‍സ്ട്രോം വ്യോമസേനാ ആസ്ഥാനം സ്ഥിതിചെയ്യുന്ന മൊണ്ടാനയിലാണ് ബലൂണ്‍ ആദ്യമായി ദൃശ്യമായാത്.

അതേസമയം ചാരബലൂണല്ലെന്നും കാലാവസ്ഥ സംബന്ധിച്ച് പഠനം നടത്തുന്ന ബലൂണ്‍ കാറ്റില്‍ ദിശതെറ്റി യു. എസ് വ്യോമമേഖലയിലെത്തുകയായിരുന്നുവെന്നുമാണ് ചൈനയുടെ വാദം. സമുദ്രത്തില്‍ പതിച്ച ബലൂണിന്റെ അവശിഷ്ടങ്ങള്‍ പൂര്‍ണമായും വീണ്ടെടുക്കാനുള്ള ശ്രമം യു എസ് തുടരുകയാണ്. യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കന്റെ ബീജിംഗ് സന്ദര്‍ശനത്തിന് ദിവസങ്ങള്‍ക്ക് മുമ്പാണ് ബലൂണ്‍ കണ്ടെത്തിയത്. ചാര ബലൂണാണെന്ന് പെന്റഗണ്‍ പറഞ്ഞതിനെ തുടര്‍ന്ന് ബ്ലിങ്കെന്‍ യാത്ര മാറ്റിവച്ചു.