ആറ് കുട്ടികളുടെ അമ്മ ചെറുപ്പമായിരിക്കാന്‍ ചെലവഴിച്ചത് എട്ട് കോടിയിലധികം രൂപ. എന്നന്നേയ്ക്കും ചെറുപ്പമായിരിക്കാന്‍ 200ല്‍ അധികം ശസ്ത്രക്രിയ നടത്തിയിരിക്കുകയാണ് മോഡലുകൂടിയായ ആറ് കുട്ടികളുടെ അമ്മ. ലെസി വൈല്‍ഡ എന്നാണ് ഇവരുടെ പേര്.

ദി സണ്‍ റിപ്പോര്‍ട്ട് പ്രകാരം, ലെസിയുടെ യഥാര്‍ത്ഥ പേര് പോള തെബെര്‍ട്ട് എന്നാണ്. ഇത്തരത്തില്‍ നിരവധി ശസ്ത്രക്രിയകള്‍ നടത്തരുതെന്ന് ഡോക്ടര്‍മാര്‍ മുന്നറിയിപ്പ് നല്‍കിയിട്ടുണ്ടെന്നും തന്നെ പോലെയുള്ള ജീവിതശൈലിയില്‍ നിന്ന് മാറിനില്‍ക്കാന്‍ മറ്റ് സ്ത്രീകളെ ഉപദേശിക്കുന്നതായും ലേസി പറയുന്നു. പുരുഷന്മാരുടെ ശ്രദ്ധ ആകര്‍ഷിക്കാനാണ് ലെസി ചെറുപ്പമായിരിക്കാന്‍ ആഗ്രഹിക്കുന്നത്.

യുഎസിലെ വിര്‍ജീനിയ നിവാസിയാണ് ലേസി. 'പെണ്‍കുട്ടികള്‍ എന്നെ വെറുക്കുന്നു. എല്ലാ ആണ്‍കുട്ടികളും എന്നോട് ഡേറ്റ് ചെയ്യാന്‍ ആഗ്രഹിക്കുന്നു. 55ാം വയസ്സില്‍ പ്ലാസ്റ്റിക് സര്‍ജറിയിലൂടെ ഞാന്‍ യുവത്വം നിലനിര്‍ത്തുന്നു. എനിക്ക് ഏകദേശം 30 വയസ്സ് മാത്രം പ്രായമെ ഇപ്പോള്‍ തോന്നിക്കുകയുള്ളൂ' ലെസി പറയുന്നു.

'എന്റെ മകന് 35 വയസ്സായി, ആളുകള്‍ കരുതുന്നത് അവന്‍ എന്റെ കാമുകനാണെന്നാണ്.' ലെസി പറഞ്ഞു. തന്റെ ആറ് മക്കളെ ഒറ്റയ്ക്ക് വളര്‍ത്തി. 2011 ല്‍ ട്രൂ ലൈഫ് എന്ന ഡോക്യുമെന്ററി പരമ്പരയില്‍ അവര്‍ പ്രവര്‍ത്തിച്ചിട്ടുണ്ട്. ഇതില്‍ മകള്‍ ടോറിയും ഒപ്പമുണ്ടായിരുന്നു. 24ാം വയസിലാണ് ലെസി ആദ്യത്തെ ശസ്ത്രക്രിയ നടത്തുന്നത്. അന്ന് മുതല്‍ ഇന്ന് വരെ 200ഓളം പ്ലാസ്റ്റിക് സര്‍ജറികളാണ് ലെസി നടത്തിയത്.