ഇത് തീക്കളിയാണ് സൂക്ഷിച്ചോ... ഇന്ത്യയില് നിന്നുള്ള അവസാന മാധ്യമപ്രവര്ത്തകനോടും രാജ്യം വിടാന് നിര്ദ്ദേശം നല്കി ചൈന; അനുവദിച്ചത് ഒരുമാസത്തെ സമയം മാത്രം; ഇരുരാജ്യങ്ങള് തമ്മിലുള്ള നയതന്ത്രബന്ധം വഷളായതോടെയാണ് നടപടി
ഇന്ത്യയില് നിന്നുള്ള മാധ്യമ പ്രവര്ത്തകരെ ഓടിക്കാനൊരുങ്ങുകയാണ് ചൈന. ഇന്ത്യയില് നിന്നുള്ള അവസാന മാധ്യമപ്രവര്ത്തകനോടും രാജ്യം വിടാന് ചൈന നിര്ദ്ദേശം നല്കി. ഈ മാസം തന്നെ തിരികെ പോകാനാണ് നിര്ദ്ദേശം. ഇരുരാജ്യങ്ങള് തമ്മിലുള്ള നയതന്ത്രബന്ധം വഷളായതോടെയാണ് നടപടി. ഇന്ത്യയിലെ നാല് മാധ്യമ പ്രവര്ത്തകരാണ് ഈ വര്ഷം ആദ്യം ചൈനയില് ജോലി ചെയ്തിരുന്നത്. ഹിന്ദുസ്ഥാന് ടൈംസ് ലേഖകന് അടുത്തിടെ ചൈന വിട്ടു.
ദി ഹിന്ദുവിന്റെ ഒന്നും പ്രസാര് ഭാരതിയുടെ രണ്ടും ലേഖകര്ക്ക് ഏപ്രിലില് ചൈന വിസ പുതുക്കി നല്കിയില്ല. ഇതിന് പിന്നാലെയാണ് പിടിഐയുടെ റിപ്പോര്ട്ടര്ക്കും രാജ്യം വിടാന് നിര്ദ്ദേശം ലഭിച്ചത്. ഈ മാസം തന്നെ രാജ്യം വിടാനാണ് നിര്ദ്ദേശം. ഇതോടെ ചൈനയിലെ ഇന്ത്യന് മാധ്യമസാന്നിധ്യം അവസാനിക്കുകയാണ്. അതിര്ത്തിയിലെ സംഘര്ഷങ്ങള്ക്ക് പിന്നാലെയാണ് ഇന്ത്യയും ചൈനയും തമ്മിലുള്ള ബന്ധം വഷളായത്.
നേരത്തെ സിന്ഹുവവാര്ത്താ ഏജന്സിയുടെയും ചൈന സെന്ട്രല് ടെലിവിഷന്റെയും മാധ്യമ പ്രവര്ത്തകരുടെ വിസ പുതുക്കാനുള്ള അപേക്ഷ ഇന്ത്യ തള്ളിയിരുന്നു. അമേരിക്കന് മാധ്യമപ്രവര്ത്തകര്ക്കും ചൈനയില് വിലക്കുണ്ട്. 2020 ല് രണ്ട് ഓസ്ട്രേലിയന് മാധ്യമ പ്രവര്ത്തകരെയും ചൈന പുറത്താക്കിയിരുന്നു. എന്നാല് നടപടിയോട് ഇരു വിദേശകാര്യ മന്ത്രാലയങ്ങളും പ്രതികരിക്കാന് തയ്യാറായിട്ടില്ല.
പിടിഐ റിപ്പോര്ട്ടര് പോകുന്നതോടെ, ലോകത്തിലെ രണ്ടാമത്തെ വലിയ സമ്പദ് വ്യവസ്ഥയുള്ള ചൈനയില് ഇന്ത്യയുടെ മാധ്യമ സാന്നിധ്യം പൂര്ണമായും ഇല്ലാതാകും. ഏഷ്യയിലെ സാമ്പത്തിക ശക്തികളായ ചൈനയും ഇന്ത്യയും തമ്മിലുള്ള അസ്വസ്ഥത വര്ധിപ്പിക്കുന്നതാണു നടപടിയെന്നാണു വിലയിരുത്തല്.
അമേരിക്കന് മാധ്യമപ്രവര്ത്തകര്ക്കും ചൈനയില് വിലക്കുണ്ട്. 2020 ല് രണ്ട് ഓസ്ട്രേലിയന് മാധ്യമ പ്രവര്ത്തകരെയും ചൈന പുറത്താക്കിയിരുന്നു. നേരത്തേ, സിന്ഹുവ ന്യൂസ് ഏജന്സി, ചൈന സെന്ട്രല് ടെലിവിഷന് എന്നിവയിലെ രണ്ടു ജേണലിസ്റ്റുകളുടെ വീസ പുതുക്കാനുള്ള അപേക്ഷ ഇന്ത്യ തള്ളിയിരുന്നു.
ചൈനയുടെ റിപ്പോര്ട്ടര്മാരോട് ഇന്ത്യ അന്യായമായി പെരുമാറിയതായി ചൈനീസ് വിദേശകാര്യ വക്താവ് വാങ് വെന്ബിന് ആരോപിക്കുന്നു. 'അടുത്തിടെയായി ഇന്ത്യയിലെ ചൈനീസ് മാധ്യമപ്രവര്ത്തകര്ക്ക് അന്യായവും വിവേചനപരവുമായ നടപടിക്രമങ്ങള് ഏര്പ്പെടുത്തിയിട്ടുണ്ട്'-വാങ് പറഞ്ഞതായി റോയിട്ടേഴ്സ് റിപ്പോര്ട്ട് ചെയ്യുന്നു. 2020 മുതല് ചൈനീസ് പത്രപ്രവര്ത്തകരുടെ വിസയ്ക്ക് ഇന്ത്യ അംഗീകാരം നല്കിയിട്ടില്ലെന്നും ഇത് ഇന്ത്യയിലെ ചൈനീസ് മാധ്യമപ്രവര്ത്തകരുടെ സാന്നിധ്യം 14ല് നിന്ന് ഒന്നായി കുറച്ചതായും വാങ് പറയുന്നു.
ചൈനീസ് മാധ്യമപ്രവര്ത്തകര്ക്ക് ഇന്ത്യയില് 'അന്യായമായ' പെരുമാറ്റം ലഭിക്കുന്നുവെന്ന ചൈനയുടെ പരാതികളോട് പ്രതികരിച്ച വിദേശകാര്യ മന്ത്രാലയം, ചൈനീസ് റിപ്പോര്ട്ടര്മാര് രാജ്യത്ത് ഒരു ബുദ്ധിമുട്ടും കൂടാതെ പ്രവര്ത്തിച്ചിരുന്നുവെന്നും പറയുന്നു. എന്നാല് ചൈനയിലെ ഇന്ത്യന് മാധ്യമപ്രവര്ത്തകരുടെ കാര്യം അങ്ങനെയായിരുന്നു. കഴിഞ്ഞ മാസം ഷാങ്ഹായ് കോര്പ്പറേഷന് ഓര്ഗനൈസേഷന് (എസ്സിഒ) വിദേശകാര്യ മന്ത്രിമാരുടെ യോഗം സന്ദര്ശിക്കുന്ന ചൈനീസ് റിപ്പോര്ട്ടര്മാരുടെ താല്ക്കാലിക വിസയ്ക്ക് ഇന്ത്യ അനുമതി നല്കിയിരുന്നു. എല്ലാ വിദേശ മാധ്യമപ്രവര്ത്തകരെയും രാജ്യത്ത് പ്രവര്ത്തിക്കാന് ഇന്ത്യ അനുവദിച്ചിട്ടുണ്ടെന്നും ചൈന ഇന്ത്യന് മാധ്യമപ്രവര്ത്തകരെയും അവിടെ അനുവദിക്കുമെന്ന് പ്രതീക്ഷിക്കുന്നതായും വിദേശകാര്യ മന്ത്രാലയം പ്രതികരിച്ചിട്ടുണ്ട്.
"
https://www.facebook.com/Malayalivartha
