ഇന്റർനെറ്റ് സൗകര്യം വിനോദത്തിനുമപ്പുറം അറിവിനായി നമ്മൾ ഉപയോഗിക്കാറുണ്ട്. പാചകമടക്കമുള്ള കാര്യങ്ങളിൽ അവ നമ്മൾ പരീക്ഷിക്കാറുമുണ്ട്. എന്നാൽ ചിലതൊക്കെ അബദ്ധങ്ങളിൽ കലാശിക്കാറുമുണ്ട്. എന്നാൽ റഷ്യയിലെ യുവാവ് യുട്യൂബ് നോക്കി പരീക്ഷിച്ചത് സ്വയം ശസ്ത്രക്രിയ നടത്താനാണ്. സ്വപ്നം കാണുന്ന സമയത്ത് മസ്തിഷ്കത്തിൽ നടക്കുന്ന പ്രവർത്തനങ്ങളെ മനസ്സിലാക്കുന്നതിനു വേണ്ടി സ്വയം ഡ്രിൽ ഉപയോഗിച്ച് തലയിൽ ദ്വാരമുണ്ടാക്കി. പിന്നീട് മസ്തിഷ്കത്തിൽ ചിപ്പ് ഘടിപ്പിച്ച ഇയാളെ ഗുരുതരാവസ്ഥയിൽ ആശുപത്രിയില്‍ പ്രവേശിപ്പിക്കുകയായിരുന്നു.

കൃത്യമായ ചികിത്സ ലഭ്യമാക്കിയതിലൂടെ ജീവിതത്തിലേക്ക് യുവാവ് എത്തുകയും ചെയ്തു. മിഖായേൽ റഡുഗ എന്ന റഷ്യൻ യുവാവാണ് തന്റെ സ്വപ്നങ്ങളെ നിയന്ത്രിക്കാനായി അപകടകരമായ ശസ്ത്രക്രിയ നടത്തിയതെന്ന് ന്യൂസ് വീക്ക് റിപ്പോർട്ട് ചെയ്യുന്നു. തല ശസ്ത്രക്രിയ ചെയ്ത് മൈക്രോചിപ്പ് സ്ഥാപിക്കാനായിരുന്നു ഇയാളുടെ പദ്ധതി. റഷ്യൻ നഗരമായ നോവോസിബിർസ്ക് സ്വദേശിയാണ് ഇയാൾ.

ഇദ്ദേഹം തന്നെയാണ് ശസ്ത്രക്രിയയുടെ ചിത്രങ്ങൾ തന്റെ ട്വിറ്റർ ഹാൻഡിലിൽ പങ്കുവച്ചത്. ഒരു ഡ്രിൽ വാങ്ങി തലയിൽ ദ്വാരം തുളക്കുകയും തലച്ചോറിൽ ഒരു ഇലക്ട്രോഡ് ഘടിപ്പിക്കുകയും ചെയ്തെന്നും അദ്ദേഹം പറഞ്ഞതായി ഒരു മാധ്യമം  റിപ്പോർട്ട് ചെയ്തു. രക്തസ്രാവം മൂലം ഓപ്പറേഷൻ സമയത്ത് ഏതാണ്ട് മരണത്തിന്റെ വക്കിലെത്തി. എങ്കിലും ശസ്ത്രക്രിയാ ഫലം സ്വപ്ന നിയന്ത്രണ സാങ്കേതികവിദ്യകൾക്കായി മികച്ച സാധ്യതകൾ തുറന്നുവെന്ന് റാഡുഗ പറഞ്ഞു.

മെയ് 17-നാണ് ട്രെപാനേഷൻ, ഇലക്‌ട്രോഡ് ഇംപ്ലാന്റേഷൻ നടത്തിയത്. തലച്ചോറിന്റെ മോട്ടോർ കോർട്ടെക്‌സിൽ വൈദ്യുത ഉത്തേജനം നടത്തി. സ്വപ്ന സമയത്ത് മസ്തിഷ്കത്തിലുണ്ടാകുന്ന മാറ്റങ്ങൾ പരിശോധിക്കാൻ എനിക്കിത് ആവശ്യമായിരുന്നുവെന്നും അദ്ദേഹം ട്വീറ്റ് ചെയ്തു. ശസ്ത്രക്രിയക്കിടെ പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ച് ചികിത്സ നൽകി. 40 വയസ്സുകാരനായ റഡുഗക്ക് ഒരു വർഷം മുമ്പാണ് തലച്ചോറിൽ ഒരു ഇലക്ട്രോഡ് സ്ഥാപിക്കാനുള്ള ആശയം ലഭിച്ചത്.

പക്ഷാഘാതം, ശരീരത്തിന് പുറത്തുള്ള അവസ്ഥകൾ, ആസ്ട്രൽ പ്രൊജക്ഷൻ എന്നിവയെക്കുറിച്ചുള്ള വിവരങ്ങളും അദ്ദേഹം പോസ്റ്റു ചെയ്തു. പരീക്ഷണങ്ങൾക്കായി താൻ സ്വയം തെരഞ്ഞെടുക്കുകയായിരുന്നു. ന്യൂറോ സർജൻമാരെ സമീപിക്കുന്നതിനെക്കുറിച്ച് ആദ്യം ചിന്തിച്ചിരുന്നു. എന്നാൽ ഓപ്പറേഷൻ നടത്തുന്ന ക്ലിനിക്കുകൾക്കെതിരെ നടപടിക്ക് ബാധ്യത ഉണ്ടാകുമെന്നതിനാൽ തന്റെ അപ്പാർട്ട്മെന്റിൽ എല്ലാം സ്വയം ചെയ്യാൻ തീരുമാനിക്കുകയായിരുന്നുവെന്നും അദ്ദേഹം പറഞ്ഞു. നാല് മണിക്കൂർ നീണ്ട ശസ്ത്രക്രിയയിൽ ഏകദേശം ഒരു ലിറ്റർ രക്തം നഷ്ടപ്പെട്ടതായി റിപ്പോർട്ടിൽ പറയുന്നു.

ഓപ്പറേഷനിടെ അപകടം പറ്റിയ ഇയാളെ ആരാണ് ആശുപത്രിയിൽ എത്തിച്ചതെന്ന് അറിയില്ല. നാൽപ്പത് വയസ്സുള്ള ഇയാൾക്ക് വർഷങ്ങൾക്ക് മുമ്പ് തന്നെ സ്വപ്‌നങ്ങൾ നിയന്ത്രിക്കാൻ തലച്ചോറിൽ ചിപ്പ് വെച്ച് പിടിപ്പിക്കാനുള്ള ആശയം ഉണ്ടായിരുന്നു ഒടുവിൽ ഇയാൾ തന്നിൽ തന്നെ പരീക്ഷിക്കുകയായിരുന്നു. റഷ്യയിലെ നോവോസിബിർസ്‌കിലുള്ള അപ്പാർട്ട്‌മെന്റിൽ വച്ച് റഡുഗ തനിച്ചാണ് ശസ്ത്രക്രിയ നടത്തിയത്. ജൂലൈ 18 ന്, ഒരു ട്വിറ്റർ പോസ്റ്റിൽ, യഥാർത്ഥത്തിൽ താൻ തന്നെ നടപടിക്രമം നടത്തിയതായി റഡുഗ സ്ഥിരീകരിച്ചു.

റഷ്യൻ അറിയപ്പെടുന്ന ഒബിഇ വിദഗ്ധനാണ്. ഫേസ് റിസർച്ച് സെന്ററിന്റെ സ്ഥാപകനാണ്. ശരീരത്തിന് പുറത്തുള്ള അനുഭവങ്ങൾ (OBEs), ആസ്ട്രൽ പ്രൊജക്ഷനുകൾ, വ്യക്തമായ സ്വപ്നങ്ങൾ എന്നിങ്ങനെ സാധാരണയായി വിളിക്കപ്പെടുന്ന ഒരു വിഘടിത മാനസികാവസ്ഥ (ഘട്ടം) അദ്ദേഹം ഗവേഷണം ചെയ്യുന്നുണ്ട്. ഈ ഓപ്പറേഷൻ റഡുഗയുടെ ആരോഗ്യത്തെ ബാധിച്ചെങ്കിലും, സ്വപ്ന നിയന്ത്രണ സാങ്കേതികവിദ്യകളിൽ ഭാവിയിലെ മുന്നേറ്റങ്ങൾക്ക് വഴിയൊരുക്കുമെന്ന് അദ്ദേഹം പ്രതികരിച്ചു.