ജി20 ഉച്ചകോടിയില്‍ യുഎസ് പ്രസിഡന്റ് ജോ ബൈഡന് പങ്കെടുക്കും... ഒമ്പതു മുതല്‍ പത്തുവരെ നടക്കുന്ന ഉച്ചകോടിയില്‍ 20 അംഗരാജ്യങ്ങളില്‍നിന്നുള്ള നേതാക്കളും പ്രത്യേക ക്ഷണിതാക്കളായ രാജ്യങ്ങളിലെ പ്രതിനിധികളും പങ്കെടുക്കും
ജി20 ഉച്ചകോടിയില്‍ യുഎസ് പ്രസിഡന്റ് ജോ ബൈഡന് പങ്കെടുക്കും. പ്രഥമവനിത ജില്‍ ബൈഡന് കോവിഡ് സ്ഥിരീകരിച്ചതിന് പിന്നാലെ ബൈഡന്റെ ഇന്ത്യയിലേക്കുള്ള വരവില്‍ അഭ്യൂഹങ്ങള്‍ പ്രചരിച്ചിട്ടുണ്ടായിരുന്നു.
ഉച്ചകോടിയില്‍ പങ്കെടുക്കുന്നതിനായി വ്യാഴാഴ്ചയാണ് അമേരിക്കന്‍ പ്രസിഡന്റ് ഇന്ത്യയിലേക്ക് എത്തുന്നത്. ഭാര്യ ജില്‍ ബൈഡന് കോവിഡ് പോസിറ്റീവായതിനാല്‍ അവരെത്താന്‍ സാധ്യതയില്ല.
വെള്ളിയാഴ്ച പ്രധാനമന്ത്രി നരേന്ദ്ര മോദിയുമായി ഉഭയകക്ഷി ചര്‍ച്ചയില്‍ പങ്കെടുക്കുമെന്നും വെള്ളിയാഴ്ച വൈറ്റ് ഹൗസ് അറിയിച്ചിരുന്നു. ഒമ്പതു മുതല്‍ പത്തുവരെ നടക്കുന്ന ഉച്ചകോടിയില്‍ 20 അംഗരാജ്യങ്ങളില്‍നിന്നുള്ള നേതാക്കളും പ്രത്യേക ക്ഷണിതാക്കളായ രാജ്യങ്ങളിലെ പ്രതിനിധികളും പങ്കെടുക്കും.
ഡിജിറ്റല്‍ മാറ്റം, കാലാവസ്ഥാ ഫണ്ടിംഗ്, സുസ്ഥിരവികസനം, ഭക്ഷ്യസുരക്ഷ എന്നീ വിവിധ മേഖലകളില്‍ ചര്‍ച്ച നടക്കും. ഭൂപട വിവാദത്തെത്തുടര്‍ന്ന് ചൈനീസ് പ്രസിഡന്റ് ഷി ചിന്‍പിംഗ് ഉച്ചകോടിയില്‍ പങ്കെടുക്കില്ല. പകരം, പ്രധാനമന്ത്രി ലി കിയാംഗ് പങ്കെടുക്കും.
2008ല്‍ ജി 20 ഉച്ചകോടി ആരംഭിച്ചതിനുശേഷം ആദ്യമായാണ് ചൈനീസ് പ്രസിഡന്റ് വിട്ടുനില്‍ക്കുന്നത്. ബ്രിട്ടീഷ് പ്രധാനമന്ത്രിയായി ചുമതലയേറ്റശേഷം ഋഷി സുനാക് ആദ്യമായി ഇന്ത്യ സന്ദര്‍ശിക്കും.
"
https://www.facebook.com/Malayalivartha
