ഒരിടവേളയ്‌ക്ക്‌ ശേഷം അമേരിക്കയില്‍ വീണ്ടും വെടിവയ്‌പ്പ്‌. വാഷിങ്‌ടണിലെ നാവിക ആസ്ഥാനത്ത്‌ മുന്‍ സൈനിക ഉദ്യോഗസ്ഥന്‍ നടത്തിയ വെടിവയ്‌പ്പില്‍ ഇതുവരെ മരിച്ചത്‌ 13 പേരാണ്‌. ആക്രമണത്തില്‍ 12 നാവിക, പോലീസ്‌ ഉദ്യോഗസ്ഥര്‍ക്ക്‌ പരിക്കേറ്റു.

വെടിവെയ്പില്‍ മരിച്ചവരോടുള്ള ആദരസൂചകമായി വൈറ്റ് ഹൗസിലും കാപ്പിറ്റോണ്‍ ഹില്ലിലും ദേശീയപതാക പകുതി താഴ്ത്തിക്കെട്ടാന്‍ പ്രസിഡന്റ് ഒബാമ നിര്‍ദേശിച്ചു. വൈറ്റ്ഹൗസില്‍ നിന്ന് നാല് മൈലും കാപ്പിറ്റോണില്‍ നിന്ന് കഷ്ടിച്ച് രണ്ട് മൈലും മാത്രം അകലെ നടന്ന വെടിവെയ്പ് അമേരിക്കന്‍ സുരക്ഷാ വിഭാഗത്തെ ഞെട്ടിച്ചു.

അമേരിക്കന്‍ നാവിക സേനയ്‌ക്ക്‌ വേണ്ടി കപ്പലുകള്‍ നിര്‍മ്മിക്കുകയും അവയുടെ അറ്റകുറ്റ പണികള്‍ നടത്തുകയും ചെയ്യുന്ന യു.എസ്‌ നേവല്‍ സീ സിസ്റ്റംസ്‌ കമാന്‍ഡ്‌ ആസ്ഥാനത്ത്‌ ഇന്നലെയായിരുന്നു സംഭവം. സുരക്ഷാ പരിശോധനകള്‍ മറികടന്ന്‌ നാവിക കേന്ദ്രത്തിലെ കഫ്‌റ്റീരിയയിലെത്തിയ മുന്‍ സൈനിക ഉദ്യോഗസ്ഥന്‍ തുരുതുരാ വെടിവയ്‌ക്കുകയായിരുന്നു. സുരക്ഷാ സേന നടത്തിയ വെടിവയ്‌പ്പില്‍ മുന്‍ നാവിക ഉദ്യോഗസ്ഥനായ ആരോണ്‍ അലക്‌സ്‌ (34) കൊല്ലപ്പെട്ടു.

അക്രമി നാവിക ആസ്ഥാനത്ത് കടന്നു കയറി തലങ്ങും വിലങ്ങും വെടിവെക്കുകയായിരുന്നുവെന്ന് പൊലീസ് അറിയിച്ചു. അക്രമിസംഘത്തില്‍ മൂന്നു പേരുണ്ടായിരുന്നതായി ആദ്യം റിപ്പോര്‍ട്ടുകളുണ്ടായിരുന്നു. എന്നാല്‍ പരിശോധനയില്‍അലക്‌സ് തന്നെയാണ് വെടിയുതിര്‍ത്തതെന്ന് പോലീസ് അറിയിച്ചു. ആക്രമണത്തിന്റെ പിന്നിലെ കാരണം വ്യക്തമല്ല.

ആക്രമണത്തില്‍ വെടിയേറ്റ എട്ടുപേര്‍ ചികിത്സയിലാണ്. വെടിയൊച്ച കേട്ടയുടന്‍ കുതിച്ചെത്തിയ സുരക്ഷാ സൈനികര്‍ നാവികസേനാ താവളം വളഞ്ഞു. കെട്ടിടത്തിലുണ്ടായിരുന്നവരോട് സുരക്ഷിത സ്ഥാനത്തേക്ക് മാറാന്‍ നാവികസേന നിര്‍ദ്ദേശം നല്‍കി. പരിക്കേറ്റവരെ ഹെലിക്കോപ്റ്റര്‍ ഉപയോഗിച്ച് സുരക്ഷിതസ്ഥാനത്തേക്ക് മാറ്റി.

നേവി ഓഫീസില്‍ മൂവായിരത്തോളം പേര്‍ ജോലി ചെയ്യുന്നുണ്ട്‌. സംഭവത്തെ തുടര്‍ന്ന്‌ വാഷിങ്‌ടണിനു സമീപത്തുള്ള നോര്‍ത്ത്‌ വെര്‍ജിയ രാജ്യാന്തര വിമാനത്താളത്തിലേക്കുള്ള സര്‍വീസുകള്‍ നിര്‍ത്തിവച്ചു. വെടിവയ്‌പ്പിനെ തുടര്‍ന്ന്‌ ദേശീയ പതാക പകുതി താഴ്‌ത്തിക്കെട്ടി. സംഭവത്തില്‍ അമേരിക്കന്‍ പ്രസിഡണ്ട് ബരാക് ഒബാമ ദുഖം രേഖപ്പെടുത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ ബുക്ക്‌ Likeചെയ്യുക

https://www.facebook.com/Malayalivartha