വടക്കന്‍ അഫ്ഗാനിസ്ഥാനിലെ ഇന്ത്യന്‍ കോണ്‍സുലേറ്റിനു നേരെ ഭീകരാക്രമണശ്രമം. അഫ്ഗാനിസ്ഥാന്‍ നഗരമായ മസാര്‍–ഇ–ഷരീഫിലുള്ള ഇന്ത്യന്‍ കോണ്‍സുലേറ്റിനു നേരെയാണ് ആക്രമണമുണ്ടായത്. തോക്കുധാരികളായ ഭീകരര്‍ കോണ്‍സുലേറ്റിലേക്ക് അതിക്രമിച്ചു കടക്കാന്‍ ശ്രമിച്ചുവെന്ന് ഗവര്‍ണറുടെ വക്താവ് അറിയിച്ചു. രണ്ടു പേരാണ് ആക്രമണത്തിന് നേതൃത്വം നല്‍കിയതെന്നാണ് ആദ്യ വിവരം. രണ്ടു ഭീകരരെയും വധിച്ചതായി അഫ്ഗാന്‍ പൊലീസ് അറിയിച്ചു. 

കോണ്‍സുലേറ്റിന് സമീപം വെടിവയ്പ്പ് നടന്നുവെന്നും രണ്ടു തവണ സ്‌ഫോടന ശബ്ദം കേട്ടുവെന്നും ദൃക്‌സാക്ഷികള്‍ പറഞ്ഞു. എന്നാല്‍ ഭീകരര്‍ക്ക് കോണ്‍സുലേറ്റിലേക്ക് കടക്കാന്‍ സാധിച്ചില്ല. 20 മിനിറ്റോളം നേരം ഭീകര്‍ കോണ്‍സുലേറ്റിലേക്ക് കടക്കാന്‍ ശ്രമിച്ചെങ്കിലും സുരക്ഷാ സൈന്യം ഇത് പരാജയപ്പെടുത്തുകയായിരുന്നു. ശക്തമായ ഏറ്റുമുട്ടലാണ് സുരക്ഷ സൈന്യവും ഭീകരരും തമ്മിലുണ്ടായത്. കോണ്‍സുലേറ്റിലെ ഇന്ത്യന്‍ ഉദ്യോഗസ്ഥര്‍ സുരക്ഷിതരാണെന്ന് അധികൃതര്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha