ചൈനയില്‍ 7.2 തീവ്രത രേഖപ്പെടുത്തിയ വൻ ഭൂചലനമുണ്ടായതായി റിപ്പോർട്ടുകൾ പുറത്ത് വന്നിരുന്നു.അതിനു പിന്നാലെ തന്നെ മറ്റൊരു നിർണായക വിവരം കൂടെ പുറത്ത് വരുന്നു. അതായത് ന്യൂഡൽഹിയിൽ ഈ ഭൂചലനത്തിന്റെ പ്രകമ്പനങ്ങളുണ്ടായി എന്നതാണ് ആ വിവരം.

തെക്കൻ സിൻജിയാങ് പ്രദേശത്തായിരുന്നു ഭൂചലനമുണ്ടായത്. കിർഗിസ്ഥാനുമായി അതിര്‍ത്തി പങ്കിടുന്ന പ്രദേശത്താണ് ഭൂകമ്പം ഉണ്ടായത്.മാസങ്ങൾക്ക് മുൻപ് ദില്ലിയിൽ ഭൂചലനം ഉണ്ടായി. റിക്ട‍ര്‍ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനമായിരുന്നു അന്ന് ഉണ്ടായത്.

പലയിടങ്ങളിലും ശക്തമായ ചലനം അനുഭവപ്പെട്ടു. രാത്രിയായതിനാൽ ജനം പരിഭ്രാന്തരായി പുറത്തേക്കിറങ്ങി. നേപ്പാളായിരുന്നു ഭൂചലനത്തിന്റെ പ്രഭവ കേന്ദ്രം. 6.4 തീവ്രതയുളള ഭൂചലനമായിരുന്നു നേപ്പാളിലുണ്ടായത്. ഇപ്പോൾ ഇതാ ചൈനയില്‍ വൻ ഭൂചലനമുണ്ടായപ്പോഴും അതിന്റെ പ്രകമ്പനങ്ങൾ ന്യൂഡൽഹിയിൽ ഉണ്ടായി എന്നതാണ് നടക്കുന്നത്.