യുഎൻ സുരക്ഷാ കൗൺസിലിൽ ആശങ്ക പ്രകടിപ്പിച്ച് ഇന്ത്യ. ഇന്ത്യൻ മഹാസമുദ്രത്തിൽ വാണിജ്യ ഗതാഗതത്തിന്റെ സുരക്ഷയിൽ ആശങ്ക ഉയരുന്ന സാഹചര്യത്തിലാണ് ഇന്ത്യ ആശങ്കയറിയിച്ചത് . ഇന്ത്യയുടെ സമുദ്ര മേഖലകളിലേക്കും ഇസ്രായേൽ-ഹമാസ് സംഘർഷം വ്യാപിക്കുകയാണ്. യുഎന്നിലെ ഇന്ത്യയുടെ സ്ഥിരം ഡെപ്യൂട്ടി പ്രതിനിധി ആർ രവീന്ദ്ര പറയുന്നത്, ഇത് വ്യാപാര-വാണിജ്യ മേഖലയെയും ബാധിക്കുന്നുവെന്നാണ്.

സാഹചര്യം തിരിച്ചറിയണമെന്നും സംഘർഷം ഇന്ത്യയുടെ ഊർജ്ജ, സാമ്പത്തിക താത്പര്യങ്ങളെ നേരിട്ട് ബാധിക്കുന്നുണ്ട് എന്നും ഡെപ്യൂട്ടി പ്രതിനിധി ആർ രവീന്ദ്ര പറഞ്ഞു . ഈ സാഹചര്യം അന്താരാഷ്‌ട്ര സമൂഹത്തെ ആശങ്കപ്പെടുത്തുന്നു. ഇത് ലോകത്തിന് തന്ന വെല്ലുവിളിയാണെന്നും രവീന്ദ്ര വ്യക്തമാക്കി .

യുദ്ധത്തിന്റെ തുടക്ക സമയത്ത് സംഘർഷം രൂക്ഷമാകാതിരിക്കാനും മാനുഷിക സഹായങ്ങൾ ഉറപ്പാക്കുന്നതിനുമായി ഇന്ത്യ നിർദ്ദേശങ്ങൾ നൽകുന്നുവെന്നും അദ്ദേഹം ചൂണ്ടിക്കാണിച്ചു . ദുരിതാശ്വാസ സാമഗ്രികളുടെ കയറ്റുമതിയിലൂടെയും പാലസ്തീൻ അഭയാർത്ഥികൾക്കായുള്ള യുഎൻ റിലീഫ് ആൻഡ് വർക്ക്സ് ഏജൻസിക്ക് അഞ്ച് മില്യൺ ഡോളർ നൽകിയതും അദ്ദേഹം പറഞ്ഞു .