ശ്രീലങ്കയില് വാഹനാപകടത്തില് ജലവിഭവ മന്ത്രിക്കു ദാരുണാന്ത്യം... സുരക്ഷാ ജീവനക്കാരനും അപകടത്തില് മരിച്ചു, വാഹനത്തിന്റെ മുന്ഭാഗം പൂര്ണമായി തകര്ന്നെന്ന് പോലീസ്, പുലര്ച്ചെയോടെ കൊളംബോ എക്സ്പ്രസ്വേയിലായിരുന്നു അപകടം
ശ്രീലങ്കയില് വാഹനാപകടത്തില് ജലവിഭവ മന്ത്രിക്കു ദാരുണാന്ത്യം... സുരക്ഷാ ജീവനക്കാരനും അപകടത്തില് മരിച്ചു, വാഹനത്തിന്റെ മുന്ഭാഗം പൂര്ണമായി തകര്ന്നെന്ന് പോലീസ്.
ജലവിഭവ മന്ത്രി സനത് നിഷാന്ത (48) ആണ് മരിച്ചത്. പുലര്ച്ചെ രണ്ടിനു കൊളംബോ എക്സ്പ്രസ്വേയിലായിരുന്നു അപകടം. മന്ത്രി സഞ്ചരിച്ച എസ്യുവിയും കണ്ടെയ്നര് ട്രക്കും കൂട്ടിയിടിക്കുകയായിരുന്നു.
കടുനായകയില് നിന്ന് കൊളംബോ ഭാഗത്തേക്ക് പോവുകയായിരുന്ന ജീപ്പ് അതേ ദിശയില് വന്ന കണ്ടെയ്നര് വാഹനവുമായി കൂട്ടിയിടിച്ച ശേഷം റോഡിന്റെ സുരക്ഷാ വേലിയില് ഇടിക്കുകയായിരുന്നു. ജീപ്പില് യാത്ര ചെയ്തിരുന്ന സംസ്ഥാന മന്ത്രി സനത് നിശാന്ത, അദ്ദേഹത്തിന്റെ സെക്യൂരിറ്റി ഓഫീസര് 72542 പോലീസ് കോണ്സ്റ്റബിള് ജയക്കൊടി, ജീപ്പ് ഡ്രൈവര് എന്നിവര്ക്കാണ് അപകടം സംഭവിച്ചത്.
സംസ്ഥാന മന്ത്രിയും പോലീസ് കോണ്സ്റ്റബിളും പ്രവേശിപ്പിക്കുമ്പോള് മരിച്ചതായും ഡ്രൈവര് ആശുപത്രിയില് ഗുരുതരാവസ്ഥയിലാണെന്നുമാണ് റിപ്പോര്ട്ടുകളുള്ളത്. വിശദമായ അന്വേഷണം നടത്തിവരികയാണെന്ന് പോലീസ്.
https://www.facebook.com/Malayalivartha
