നമീബിയ പ്രസിഡന്റ് ഹാഗെ ഗിംഗോബ് അന്തരിച്ചു.... ആശുപത്രിയില്‍ ചികിത്സയിലിരിക്കെയായിരുന്നു അന്ത്യം. വെസ് പ്രസിഡന്റ് നംഗോലോ എംബുംബയാണ് മരണവിവരം അറിയിച്ചത്. ഇന്ന് പുലര്‍ച്ചെയാണ് പ്രസിഡന്റിന്റെ മരണമുണ്ടായതെന്ന് എംബുംബ പറഞ്ഞു

. മരണസമയത്ത് ഭാര്യ മോണിക്ക ജിംഗോസും മക്കളും ഒപ്പമുണ്ടായിരുന്നുവെന്നും അദ്ദേഹം കൂട്ടിച്ചേര്‍ത്തു.കഴിഞ്ഞ മാസം അദ്ദേഹത്തിന് അര്‍ബുദം സ്ഥിരീകരിച്ചിട്ടുണ്ടായിരുന്നു. രോഗവിവരത്തെ സംബന്ധിച്ച് അദ്ദേഹം പൊതുജനങ്ങളോട് സംസാരിക്കുകയും ചെയ്തിരുന്നു. തുടര്‍ന്ന് പ്രസിഡന്റ് ചികിത്സക്കായി യു.എസിലേക്ക് പോകുമെന്നും രണ്ടിന് തിരിച്ചെത്തുമെന്നും പ്രസിഡന്റിന്റെ ഓഫീസ് അറിയിച്ചിട്ടുണ്ടായിരുന്നു.

2015ലാണ് നമീബയയുടെ പ്രസിഡന്റായി ഗിഗോബ് തെരഞ്ഞെടുക്കപ്പെട്ടത്. പിന്നീട് നടന്ന തെരഞ്ഞെടുപ്പിലും അദ്ദേഹം പ്രസിഡന്റായി തെരഞ്ഞെടുക്കപ്പെട്ടു. 2014ല്‍ അദ്ദേഹത്തിന് പോസ്റ്ററേറ്റ് കാന്‍സര്‍ ബാധിച്ചുവെങ്കിലും രോഗമുക്തനായി ഗിംഗോബ് പ്രസിഡന്റ് പദത്തിലേക്ക് എത്തിയിരുന്നു.