66-ാം ഗ്രാമി പുരസ്കാരത്തില് ഇന്ത്യന് തിളക്കം... ഇന്ത്യന് സംഗീതജ്ഞരായ ശങ്കര് മഹാദേവന്റേയും സക്കീര് ഹുസൈനിന്റേയും ബാന്ഡ് ഗ്രാമി പുരസ്കാരത്തിന് അര്ഹരായി, പാഷ്തോയിലൂടെ മൂന്ന് ഗ്രാമി പുരസ്കാരങ്ങളും സക്കീര് ഹുസൈന് സ്വന്തമാക്കി
66-ാം ഗ്രാമി പുരസ്കാരത്തില് ഇന്ത്യന് തിളക്കം... ഇന്ത്യന് സംഗീതജ്ഞരായ ശങ്കര് മഹാദേവന്റേയും സക്കീര് ഹുസൈനിന്റേയും ബാന്ഡ് ഗ്രാമി പുരസ്കാരത്തിന് അര്ഹരായി, പാഷ്തോയിലൂടെ മൂന്ന് ഗ്രാമി പുരസ്കാരങ്ങളും സക്കീര് ഹുസൈന് സ്വന്തമാക്കി.
66-ാം ഗ്രാമി പുരസ്കാരത്തില് ഇന്ത്യന് തിളക്കം. ഇന്ത്യന് സംഗീതജ്ഞരായ ശങ്കര് മഹാദേവന്റേയും സക്കീര് ഹുസൈനിന്റേയും ബാന്ഡ് ഗ്രാമി പുരസ്കാരത്തിന് അര്ഹരായി. ഇവരുടെ ഫ്യൂഷന് ബാന്ഡായ ശക്തിയ്ക്കാണ് പുരസ്കാരം. ഇത് കൂടാതെ പാഷ്തോയിലൂടെ മൂന്ന് ഗ്രാമി പുരസ്കാരങ്ങളും സക്കീര് ഹുസൈന് സ്വന്തമാക്കി.
മികച്ച ഗ്ലോബല് മ്യൂസിക് ആല്ബത്തിനുള്ള പുരസ്കാരമാണ് ശക്തി നേടിയത്. അവരുടെ പുതിയ ആല്ബമായ ദിസ് മൊമന്റാണ് അവാര്ഡിന് അര്ഹമായത്. ശങ്കര് മഹാദേവനും ബാന്ഡിലെ മറ്റൊരു അംഗമായ ഗണേഷ് രാജഗോപാലനും ചേര്ന്നാണ് പുരസ്കാരം സ്വീകരിച്ചത്.എട്ട് ഗാനങ്ങള് ഉള്പ്പെടുന്ന് ആല്ബം ജൂണ് 30നാണ് പുറത്തിറങ്ങിയത്.
ജോണ് മക് ലാഫ്ലിന് (ഗിറ്റാര്), സക്കീര് ഹുസൈന്(തബല), ശങ്കര് മഹാദേവന്(ആലാപനം), വി സെല്വഗണേഷ് (താളവാദ്യം), ഗണേഷ് രാജഗോപാല് (വയലനിസ്റ്റ്) എന്നിവര് ചേര്ന്നാണ് ഗാനങ്ങള് ഒരുക്കിയത്. സുസന ബക, ബൊകന്ഡെ, ബര്ന ബോയ്, ഡേവിഡോ എന്നിവരെ പിന്തള്ളിയാണ് വിജയം നേടിയത്. കൂടാതെ സക്കീര് ഹുസൈന് ബെസ്റ്റ് ഗ്ലോബല് മ്യൂസിക് പെര്ഫോര്മന്സ് കാറ്റഗറിയിലും അവാര്ഡിന് അര്ഹനായി.
പ്രമുഖ പുല്ലാങ്കുഴല് വാതകന് രാകേഷ് ചൗരസ്യ, ബേല ഫ്ലെക്ക്, എഡ്ഗര് മേയര് എന്നിവര്ക്കൊപ്പമാണ് അവാര്ഡ് സ്വന്തമാക്കിയത്്.രാകേഷ് ചൗരസ്യയും രണ്ട് അവാര്ഡുകള് സ്വന്തമാക്കി.
https://www.facebook.com/Malayalivartha
