പടിഞ്ഞാറൻ ഇന്തോനേഷ്യയിലെ അഗ്നിപർവ്വതത്തിൽ നിന്ന് കുതിച്ചുയർന്ന തണുത്ത ലാവാ പ്രവാഹത്തിലും, പ്രളയത്തിലും കുട്ടികളടക്കം 28 പേർ മരിച്ചതായി റിപ്പോർട്ട്. പടിഞ്ഞാറൻ സുമാത്ര പ്രവിശ്യയിലെ അഗം, തനഹ് ദാതർ ജില്ലകളിൽ ശനിയാഴ്ച രാത്രി 10:30 ന് മണിക്കൂറുകളോളം ആണ് കനത്ത മഴ പെയ്തത്. ലാവാ പ്രവാഹമാണ് പെട്ടെന്നുള്ള വെള്ളപ്പൊക്കത്തിന് കാരണമായ ദുരന്തമെന്നാണ് ബസർനാസ് സെർച്ച് ആൻഡ് റെസ്ക്യൂ ഏജൻസി ഞായറാഴ്ച ഇറക്കിയ പ്രസ്താവനയിൽ പറയുന്നത്. മഴയത്ത് അഗ്നിപർവ്വതത്തിന്റെ ചരിവുകളിൽ ഒഴുകുന്ന അഗ്നിപർവ്വത പദാർത്ഥങ്ങളുടെയും ഉരുളൻ കല്ലുകളുടെയും മിശ്രിതമായ ലാഹാർ എന്നറിയപ്പെടുന്ന തണുത്ത ലാവാപ്രവാഹമാണ് ഇത്.

സാം ദ്വീപിൽമാരകമായ വെള്ളപ്പൊക്കം ഉണ്ടായതിന് രണ്ട് മാസത്തിന് ശേഷമാണ് ഈ ദുരന്തം. വെള്ളപ്പൊക്കത്തെത്തുടർന്ന്, കാണാതായ ആളുകളെ കണ്ടെത്തുന്നതിനും ആളുകളെ അഭയ കേന്ദ്രങ്ങളിലേക്ക് കൊണ്ടുപോകുന്നതിനുമായി അധികൃതർ രക്ഷാപ്രവർത്തകരുടെ ഒരു ടീമിനെയും റബ്ബ് ബോട്ടുകളും അയച്ചു. മഴക്കാലത്ത് ഉരുൾപൊട്ടലിനും വെള്ളപ്പൊക്കത്തിനും ഇന്തോനേഷ്യയിൽ സാധ്യത കൂടുതലാണ്.

അഗം ജില്ലയിലെ ഏറ്റവും കൂടുതൽ നാശനഷ്ടമുണ്ടായ കാൻഡുവാങ് ഗ്രാമത്തിൽ നിന്ന് 19 മൃതദേഹങ്ങൾ രക്ഷാപ്രവർത്തകർ പുറത്തെടുക്കുകയും അയൽ ജില്ലയായ തനഹ് ദത്തറിൽ നിന്ന് മറ്റ് ഒമ്പത് മൃതദേഹങ്ങൾ കണ്ടെടുക്കുകയും ചെയ്തതായി നാഷണൽ സെർച്ച് ആൻഡ് റെസ്‌ക്യൂ ഏജൻസി പ്രസ്താവനയിൽ പറഞ്ഞു. മാരകമായ വെള്ളപ്പൊക്കത്തിൽ എട്ട് മൃതദേഹങ്ങൾ ചെളിയിൽ നിന്ന് പുറത്തെടുത്തതായി ഏജൻസി പറഞ്ഞു.

ശനിയാഴ്ച രാത്രിയുണ്ടായ വെള്ളപ്പൊക്കത്തിൽ തനഹ് ദാതാർ ജില്ലയിലെ അനയ് വാലി വെള്ളച്ചാട്ടത്തിന് ചുറ്റുമുള്ള പ്രധാന റോഡുകൾ ചെളി നിറഞ്ഞ് മറ്റ് നഗരങ്ങളിലേക്കുള്ള ബന്ധം ഇല്ലാതായിരുന്നു. കനത്ത മഴയെത്തുടർന്ന് വെസ്റ്റ് സുമാത്രയിലെ പെസിസിർ സെലാറ്റൻ, പഡാങ് പരിയമാൻ ജില്ലകളിലെ വെള്ളപ്പൊക്കത്തിനും മണ്ണിടിച്ചിലിനും കാരണമായി. കഴിഞ്ഞയാഴ്ച സൗത്ത് സുലവേസിയിൽ മണ്ണിടിച്ചിലിലും വെള്ളപ്പൊക്കത്തിലും വീടുകളും റോഡുകളും തകർന്ന് 15 പേർ മരിച്ചിരുന്നു. മാർച്ചിൽ, പടിഞ്ഞാറൻ സുമാത്രയിൽ ഉരുൾപൊട്ടലിലും വെള്ളപ്പൊക്കത്തിലും 26 പേരെങ്കിലും മരിച്ചതായി റിപ്പോർട്ടുകൾ പുറത്ത് വന്നിരുന്നു.

സുമാത്രയിലെ ഏറ്റവും സജീവമായ അഗ്നിപർവ്വതവും ഇന്തോനേഷ്യൻ ദ്വീപസമൂഹത്തിലെ സജീവമായ 130 അഗ്നിപർവ്വതങ്ങളിലൊന്നുമായ മറാപ്പി പർവതത്തിൽ നിന്നുള്ള തണുത്ത ലാവയാണ് ശനിയാഴ്ചത്തെ വെള്ളപ്പൊക്കത്തിൽ താഴേക്ക് ഒഴുകിയത്. 2,885 മീറ്റർ (9,465 അടി) ഉയരമുള്ള മറാപ്പി അഗ്നിപർവതം ഡിസംബറിൽ പൊട്ടിത്തെറിക്കുകയും 3,000 മീറ്റർ (9,800 അടി) ആകാശത്തേക്ക് ചാരപ്പുക തുപ്പുകയും ചെയ്തിരുന്നു. വാരാന്ത്യത്തിൽ ഉണ്ടായ അപ്രതീക്ഷിതമായ സ്‌ഫോടനത്തിൽ പർവതത്തിൽ കുടുങ്ങിയ 23 പർവതാരോഹകർ കൊല്ലപ്പെട്ടിരുന്നു.

ആഴം കുറഞ്ഞതും കൊടുമുടിക്ക് സമീപമുള്ളതുമായ പ്രവചിക്കാൻ പ്രയാസമുള്ള പൊട്ടിത്തെറികൾക്ക് മറാപ്പി എന്നാണ് പറയുന്നത്. ഭൂകമ്പ മോണിറ്ററുകളിൽ രേഖപ്പെടുത്തുന്ന ഭൂചലനങ്ങൾ സൃഷ്ടിക്കുന്ന മാഗ്മയുടെ ആഴത്തിലുള്ള ചലനം മൂലമല്ല അതിൻ്റെ സ്ഫോടനങ്ങൾ ഉണ്ടാകുന്നത്. 2023 ജനുവരിയിൽ ആളപായമൊന്നും സംഭവിക്കാത്ത ഒരു പൊട്ടിത്തെറി മുതൽ മറാപ്പി സജീവമാണ്.

ഇന്തോനേഷ്യയിലെ 120-ലധികം സജീവ അഗ്നിപർവ്വതങ്ങളിൽ ഒന്നാണിത്. പസഫിക് ബേസിനിനെ വലയം ചെയ്യുന്ന അഗ്നിപർവ്വതങ്ങളുടെയും ഫോൾട്ട് ലൈനുകളുടെയും ഒരു കമാനമായ പസഫിക് റിംഗ് ഓഫ് ഫയർ, അതിൻ്റെ സ്ഥാനം കാരണം ഭൂകമ്പപരമായ പ്രക്ഷോഭത്തിന് സാധ്യത വർദ്ദിപ്പിക്കുന്നുണ്ട്.

കഴിഞ്ഞ മാസം, വടക്കൻ സുലവേസി പ്രവിശ്യയിലെ റുവാങ് പർവ്വതം അര ഡസനിലധികം തവണ പൊട്ടിത്തെറിച്ചു, സമീപ ദ്വീപുകളിലെ ആയിരക്കണക്കിന് താമസക്കാരെ ഒഴിപ്പിക്കാൻ നിർബന്ധിതരാവുകയും ഇതേ തുടർന്ന് റുവാങ് ദ്വീപിലെ 800-ഓളം നിവാസികളെ സ്ഥിരമായി മാറ്റിപ്പാർപ്പിക്കുകയും ചെയ്തിരുന്നു.