ഇറാൻ  പ്രസിഡന്റ് ഇബ്രാഹിം റഈസി ഹെലികോപ്റ്റർ അപകടത്തിൽ കൊല്ലപ്പെട്ടതോടെ  പ്രസിഡന്റ് തെരഞ്ഞെടുപ്പ് നടക്കുകയാണ്. മത്സര രംഗത്ത്  മുൻ പ്രസിഡൻ്റ് മഹ്മൂദ് അഹമ്മദി നെജാദ് ഉണ്ട് . സാധ്യതയുള്ള  സ്ഥാനാർത്ഥിയായി അദ്ദേഹം പേര് രജിസ്റ്റർ ചെയ്തു കഴിഞ്ഞു .  ജൂൺ 28 നാണ് ഇറാനിൽ തെരഞ്ഞെടുപ്പ് .

 
രാജ്യത്തെ പുരോഹിതരുടെ നേതൃത്വത്തിലുള്ള ഗാർഡിയൻ കൗൺസിൽ സ്ഥാനാർത്ഥികളുടെ പട്ടിക പരിശോധിച്ചു . ജൂൺ 11 ന് ആണ്   യോഗ്യതയുള്ളവരുടെ പട്ടിക പ്രസിദ്ധീകരിക്കുന്നത്  .   മഹ്മൂദ് അഹമ്മദി നെജാദിന്റെ പുതിയ നീക്കം ഇറാന്റെ പരമോന്നത നേതാവ് ആയത്തുല്ല അലി ഖമേനിയെ സമ്മർദ്ദത്തിലാക്കുന്നുവെന്നാണ് സൂചന . അഹമ്മദി നെജാദ് 85 ആയത്തുല്ല അലി ഖമേനിയെ പരസ്യമായി വെല്ലുവിളിച്ചിരുന്നു . ഇതോടെ  2021 ൽ അദ്ദേഹം മത്സരിക്കുന്നത് അധികൃതർ തടഞ്ഞിരുന്നു.

ഇറാന്റെ ആണവ പദ്ധതി, യുക്രെയ്‌നിനെതിരായ യുദ്ധത്തിൽ റഷ്യയെ ആയുധമാക്കൽ, ഭിന്നാഭിപ്രായങ്ങളെ അടിച്ചമർത്തലുകൾ എന്നിവ വിവാദമാകുന്ന സമയത്താണ് ഹോളോകോസ്റ്റിനെ ചോദ്യം ചെയ്യുന്ന അഹമ്മദി നെജാദിന്റെ തിരിച്ചുവരവ്. ഇതുവരെ രജിസ്റ്റർ ചെയ്ത ഏറ്റവും പ്രമുഖ സ്ഥാനാർത്ഥി അഹമ്മദി നെജാദാണ്.