റണ്വേയില് നിന്ന് പറന്നുയര്ന്ന വിമാനത്തിന്റെ എന്ജിൽ തീപിടിച്ചു, പാരീസിലേക്ക് പുറപ്പെട്ട എയര് കാനഡ വിമാനം നിമിഷങ്ങള്ക്കുള്ളില് തിരിച്ചിറക്കി, ജീവനക്കാരുടെ സമയോചിതമായ ഇടപ്പെടല് മൂലം ഒഴിവായത് വന് ദുരന്തം...!
സുരക്ഷയുടെ കാര്യത്തിൽ നോകോംപ്രമൈസ്...വിമാനാപകടം വളരെ ചുരുക്കമായി മാത്രമേ സംഭവിക്കാറുള്ളൂവെങ്കിലും അപകടം സംഭവിച്ചാൽ അത് വൻ ദുരന്തത്തിലായിരിക്കും കലാശിക്കുക. അതിനാൽ വിമാനം പുറപ്പെടുന്നതതിന് മുമ്പ് തന്നെ സുരക്ഷാ പരിശോധന നടത്താറുണ്ട്. എന്തെങ്കിലും തരത്തിലുള്ള തകരാർ കണ്ടെത്തിയാൽ അത് പരിഹരിച്ച ശേഷം മാത്രമാണ് യാത്ര പുറപ്പെടാറ്. എങ്കിലും യാത്ര വേളയിൽ തകരാറുകളോ മറ്റ് അപകടങ്ങളോ സംഭവിച്ചാൽ വിമാനം അടിയന്തരമായി നിലത്തിറക്കാറുണ്ട്. ഇപ്പോൾ പറന്നുയര്ന്നയുടന് ബോയിങ് വിമാനത്തിന്റെ എന്ജിനില് തീപ്പിടുത്തം ഉണ്ടായ വാർത്തയാണ് പുറത്തുവരുന്നത്.
വെള്ളിയാഴ്ച ടൊറന്റോ പിയേഴ്സണ് അന്താരാഷ്ട്ര വിമാനത്താവളത്തിലെ റണ്വേയില് നിന്ന് പറന്നുയര്ന്ന എയര് കാനഡ വിമാനത്തിന്റെ എന്ജിനാണ് തീപ്പിടിച്ചത്. പാരീസിലേക്ക് പുറപ്പെട്ട എയര് കാനഡയുടെ ബോയിങ് 777 വൈഡ് ബോഡി വിമാനം പറന്നുയര്ന്ന് നിമിഷങ്ങള്ക്കുള്ളില് തീപ്പിടിക്കുകയായിരുന്നു. ജീവനക്കാരുടെ സമയോചിതമായ ഇടപ്പെടല് മൂലം വന് അപകടം ഒഴിവായി.389 യാത്രക്കാരും 13 ജീവനക്കാരുമാണ് വിമാനത്തിലുണ്ടായിരുന്നത്. വിമാനം റണ്വേയില് നിന്ന് പറന്നുയരുമ്പോള്, വിമാനത്തിന്റെ വലത് എന്ജിനില് നിന്ന് സ്ഫോടന സാധ്യത തോന്നിപ്പിക്കുന്ന തരത്തില് തീപ്പൊരി ഉണ്ടായത് എയര് ട്രാഫിക് കണ്ട്രോളിൽ കാണുകയും ഉടന് തന്നെ ജീവനക്കാരെ അറിയിക്കുകയും ചെയ്തു.
തുടർന്ന് അടിയന്തര ലാൻഡിങ്ങിനുള്ള എല്ലാ സംവിധാനങ്ങളും ഒരുക്കിയ അറിയിപ്പ് ലഭിച്ചതോടെ
പിന്നീട് പൈലറ്റുമാര് വിമാനം വിദഗ്ധമായി തിരിച്ച് ടൊറന്റോയിലേക്ക് തന്നെ മടങ്ങുകയായിരുന്നു. അപകടത്തില്പ്പെട്ട വിമാനത്തിന് ഇറങ്ങാന് എ.ടി.സി റണ്വേ 23 ഒഴിപ്പിക്കുയും സഹായത്തിനായി അഗ്നിശമന വാഹനങ്ങള് ഏര്പ്പെടുത്തുകയും ചെയ്തു. കംപ്രസര് നിലച്ചതാണ് തീപിടിത്തത്തിന് കാരണമെന്ന് എയര് കാനഡ പ്രസ്താവനയില് വ്യക്തമാക്കി. വൈകുന്നേരം തന്നെ മറ്റൊരു വിമാനത്തില് യാത്രക്കാരെ ലക്ഷ്യസ്ഥാനത്തേക്ക് അയച്ചതായും എയര് കാനഡ അറിയിച്ചു.
അതേസമയം, മുംബൈ വിമാനത്താവളത്തില് കഴിഞ്ഞ ദിവസം തല നാരിഴയ്ക്ക് വൻ അപകടമാണ് ഒഴിവായത്. റൺവേയിൽ ഒരേ സമയം രണ്ടു വിമാനങ്ങൾ എത്തുകയായിരുന്നു. എയർ ഇന്ത്യ വിമാനം ടേക്ക് ഓഫ് ചെയ്യുന്ന റൺവേയിൽ തന്നെ ഇൻഡിഗോ വിമാനം ലാൻഡ് ചെയ്തു. സെക്കൻഡുകളുടെ വ്യത്യാസത്തിൽ വൻ അപകടമാണ് ഒഴിവായി. വിമാനം ലാൻഡ് ചെയ്യാൻ എയർ ട്രാഫിക് കണ്ട്രോൾ റൂമിൽ നിന്ന് നിർദേശം ലഭിച്ചിരുന്നതായാണ് ഇൻഡിഗോയുടെ വിശദീകരണം. സംഭവത്തിൽ ഡി ജി സി എ അന്വേഷണം പ്രഖ്യാപിച്ചിട്ടുണ്ട്.
https://www.facebook.com/Malayalivartha
