താലിബാന്‍ തീവ്രവാദികളെ മുട്ടുകുത്തിച്ച് ഇന്ത്യയുടെ എംഐ35 ഹെലികോപ്റ്റര്‍, തുറന്നു സമ്മതിച്ച് യു.എസ്
അഫ്ഗാനിസ്ഥാനില്‍ താലിബാന്‍ തീവ്രവാദികളെ മുട്ടുകുത്തിച്ച് ഇന്ത്യയുടെ എംഐ35 ഹെലികോപ്റ്ററുകള്‍. താലിബാന്‍ തീവ്രവാദികള്‍ക്ക് എതിരായ പോരാട്ടത്തില്‍ ഇന്ത്യ നല്‍കിയ മൂന്ന് മള്‍ട്ടി റോള്‍ ഹെലികോപ്റ്ററുകള്‍ അഫ്ഗാന് സൈന്യത്തിന്റെ മൂന്നേറ്റത്തെ മികച്ച രീതിയില്‍ സഹായിക്കുന്നതായി തുറന്നു സമ്മതിച്ച് അഫ്ഗാനിലെ യു.എസ് ഫോഴ്‌സ് മേധാവി ജനറല്‍ ജോണ്‍ കാംബെല്‍ ആണ് രംഗത്തെത്തിയത്. നാലാമത് ഒരു എംഐ35 വിമാനംകൂടി അഫ്ഗാന് സൈന്യത്തിന് ലഭിക്കുന്നതോടെ തീവ്രവാദികള്‍ക്കെതിരെ മികച്ച പ്രതിരോധം തീര്‍ക്കാന്‍ സൈന്യത്തിനാകുമെന്നും അദ്ദേഹം കൂട്ടിച്ചേര്‍ത്തു.
എംഐ 24 മോഡല്‍ ഹെലികോപ്റ്ററിന്റെ വ്യത്യാസം വരുത്തി നിര്‍മ്മിച്ചതാണ് എംഐ 35. ജനുവരിയില്‍ മൂന്ന് എംഐ 35 വിമാനങ്ങളാണ് അഫ്ഗാന് ഇന്ത്യ നല്‍കിയത്. ഒരേസമയം പ്രഹരശേഷിയുള്ള ആയുധങ്ങളും സൈന്യത്തെയും വഹിക്കാന്‍ കഴിവുള്ളതാണ് വിമാനങ്ങള്‍. അഫ്ഗാന് പോരാട്ട മേഖലയില്‍ ഇന്ത്യ ന്യല്‍കിയ സമ്മാനങ്ങള്‍ തീവ്രവാദികള്‍ക്ക് പേടിസ്വപ്‌നമാകുന്നതായാണ് റിപ്പോര്‍ട്ട്. ഇന്ത്യയുടെ സഹായത്തില്‍ അഫ്ഗാനിലെ ജനങ്ങളും സര്‍ക്കാരും യു.എസും നന്ദിയറിയിച്ചിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്Likeചെയ്യുക
https://www.facebook.com/Malayalivartha
