യു.എസില്‍ ഭാര്യയെ കൊന്ന ശേഷം അവര്‍ രക്തത്തില്‍ കുളിച്ച് കിടക്കുന്ന ചിത്രം ഫേസ്ബുക്കില്‍ പോസ്റ്റ് ചെയ്തയാള്‍ക്ക് മയാമി കോടതി ജീവപര്യന്തം ശിക്ഷ വിധിച്ചു. ഭാര്യ ജന്നിഫര്‍ അല്‍ഫോണ്‍സോയെ വെടിവച്ച് കൊന്ന ദെരക്ക് മെഡിന എന്ന 33കാരനാണ് ശിക്ഷ ലഭിച്ചത്. ഇയാള്‍ എട്ടു തവണയാണ് ജന്നിഫറിനു നേരെ നിറയൊഴിച്ചത്. 2013 ആഗസ്റ്റിലായിരുന്നു സംഭവം നടന്നത്. തന്നോട് വര്‍ഷങ്ങളായി ഭാര്യ മോശമായാണ് പെരുമാറിയിട്ടുള്ളതെന്നും കത്തികാട്ടി തന്നെ ഭീഷണിപ്പെടുത്തിയപ്പോള്‍ സ്വയരക്ഷയ്ക്കായാണ് അവരെ വെടിവച്ചതെന്നുള്ള മെഡിനയുടെ വാദം കഴിഞ്ഞ നവംബറില്‍ കോടതി തള്ളിയിരുന്നു. 27 കാരിയായ ഭാര്യ മരിച്ചു കിടക്കുന്ന ചിത്രം ഇയാള്‍ ഫേസ്ബുക്കില്‍ പോസ്റ്റ് ചെയ്തതോടെ വ്യാപകമായ ശ്രദ്ധയാണ് ഈ കേസിന് ലഭിച്ചത്. ചിത്രം പോസ്റ്റ് ചെയ്ത് താനാണ് ഭാര്യടെ കൊന്നതെന്ന് ഇയാള്‍ ഏറ്റുപറഞ്ഞിരുന്നു. അതിനുശേഷം പൊലീസിനു മുന്നില്‍ കീഴടങ്ങുകയായിരുന്നു. എന്റെ ഭാര്യയെ കൊന്നതിന് ഒന്നുകില്‍ ഞാന്‍ ജയിലേക്ക് പോകും അല്ലെങ്കില്‍ മരണശിക്ഷ ലഭിക്കും, സുഹൃത്തുക്കളെ മിസ് ചെയ്യും, എല്ലാവരെയും സ്‌നേഹിക്കുന്നു, വര്‍ഷങ്ങളായുള്ള ഭാര്യയുടെ മോശമായ പെരുമാറ്റം സഹിക്കാന്‍ പറ്റാത്തതു മൂലമാണ് ഇത് ചെയ്തത്. നിങ്ങള്‍ക്കെന്നെ മനസിലാകുമല്ലോ എന്നാണ് മെഡിന ഫേസ്ബുക്കില്‍ പോസ്റ്റ് ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha