ഖത്തറല്ല, അമേരിക്കക്കുള്ള തിരിച്ചടിയാണ് തങ്ങളുടെ ലക്ഷ്യം... ഖത്തറിലെ അമേരിക്കന് സൈനിക താവളത്തിന് നേരെ ആക്രമണം നടത്തിയതിന് പിന്നാലെ നിലപാട് വ്യക്തമാക്കി ഇറാന് രംഗത്ത്
ഖത്തറിലെ അമേരിക്കന് സൈനിക താവളത്തിന് നേരെ ആക്രമണം നടത്തിയതിന് പിന്നാലെ നിലപാട് വ്യക്തമാക്കി ഇറാന് രംഗത്തെത്തി. ഖത്തറല്ല, അമേരിക്കക്കുള്ള തിരിച്ചടിയാണ് തങ്ങളുടെ ലക്ഷ്യമെന്ന് വ്യക്തമാക്കി ഇറാന്.
അല് ഉദൈദ് വ്യോമതാവളത്തിന് നേരെയുള്ള മിസൈല് ആക്രമണം ഖത്തറിലെ ജനവാസ മേഖലകളില് നിന്ന് വളരെ അകലെയാണെന്നാണ് ഇറാനിയന് സുപ്രീം നാഷണല് സെക്യൂരിറ്റി കൗണ്സിലിന്റെ വിശദീകരണം. ഈ നടപടി സൗഹൃദവും സഹോദരതുല്യവുമായ രാജ്യമായ ഖത്തറിനും അവിടുത്തെ ജനങ്ങള്ക്കും ഒരു ഭീഷണിയും ഉയര്ത്തുന്നതല്ലെന്നും അമേരിക്കക്കുള്ള തിരിച്ചടി മാത്രമായിരുന്നു തങ്ങളുടെ ലക്ഷ്യമെന്നും വിശദീകരിച്ച് ഇറാന്.
ഖത്തറിലെ അല് ഉദൈദ് സൈനിക താവളത്തിലേക്കാണ് ഇറാന് മിസൈല് ആക്രമണം നടത്തിയത്. പിന്നാലെ അമേരിക്കയ്ക്കെതിരെ സൈനിക നടപടി തുടങ്ങിയെന്നും വ്യക്തമാക്കി ഇറാന്. ഖത്തറിലെ അല് ഉദൈദ് സൈനിക താവളമാണ് ഇറാന് ലക്ഷ്യമിട്ടത്. മിസൈലുകളെല്ലാം തകര്ത്തതായി വ്യക്തമാക്കി ഖത്തര് . ആക്രമണത്തെ ഖത്തര് അപലപിക്കുകയും ചെയ്തു.
അതേസമയം ആക്രമണത്തിന്റെ പശ്ചാത്തലത്തില് കുവൈറ്റിലെ വ്യോമപാത താല്ക്കാലികമായി അടച്ചു. രാജ്യത്തിന്റെ സുരക്ഷയും സുരക്ഷിതത്വവും കണക്കിലെടുത്ത്, നിരവധി അയല് രാജ്യങ്ങളില് വിമാനത്താവളങ്ങളും വ്യോമാതിര്ത്തിയും അടച്ചുപൂട്ടുന്നത് ഉള്പ്പെടെയുള്ള മുന്കരുതല് നടപടികള് കണക്കിലെടുത്ത്, മുന്കരുതല് നടപടിയായി കുവൈറ്റ് തങ്ങളുടെ വ്യോമാതിര്ത്തി താല്ക്കാലികമായി അടച്ചുപൂട്ടുന്നതായി പ്രഖ്യാപിച്ചു. ഇന്ന് മുതല് ഒരറിയിപ്പുണ്ടാകുന്നതുവരെ ഇത് നിലനില്ക്കും എന്ന് ഡയറക്ടറേറ്റ് ജനറല് ഓഫ് സിവില് ഏവിയേഷന് പ്രഖ്യാപിച്ചു.
"
https://www.facebook.com/Malayalivartha
