ഇത്രയും പ്രതീക്ഷിച്ചില്ല... ഖത്തറിലെ യുഎസ് ബേസിലേക്കുള്ള ഇറാന് ആക്രമണത്തിന് പിന്നാലെ നാടകീയ നീക്കങ്ങള്; ഇറാനും ഇസ്രയേലും തമ്മില് വെടിനിര്ത്തല് പ്രഖ്യാപിച്ച് ട്രംപ്
അങ്ങനെ പശ്ചിമേഷ്യ സമാധാനത്തിലേക്ക് പോകുമെന്ന സൂചനകളാണ് വരുന്നത്. ഖത്തറിലെ ഇറാന് ആക്രമണത്തിന് പിന്നാലെ നാടകീയ നീക്കങ്ങളുമായി അമേരിക്കന് പ്രസിഡന്റ് ഡോണള്ഡ് ട്രംപ്. ഇറാനും ഇസ്രയേലും തമ്മില് വെടിനിര്ത്തല് ധാരണയിലെത്തിയെന്നാണ് ട്രംപിന്റെ പ്രഖ്യാപനം. ആറ് മണിക്കൂറിനുള്ളില് വെടിനിര്ത്തല് നിലവില് വരുമെന്നും 24 മണിക്കൂറിനുള്ളില് യുദ്ധം അവസാനിക്കുമെന്നുമാണ് ട്രംപ് സോഷ്യല് മീഡിയ പ്ലാറ്റ്ഫോമില് അവകാശപ്പെട്ടുന്നത്.
ഇരു രാജ്യങ്ങളെയും അഭിനന്ദിച്ച് കൊണ്ടാണ് ട്രംപിന്റെ പോസ്റ്റ്. എന്നാല്, ട്രംപിന്റെ പ്രഖ്യാപനത്തോട് ഇസ്രയേലും ഇറാനും പ്രതികരിച്ചിട്ടില്ല. അതേസമയം, ഖത്തറിലെ യുഎസ് ബേസിലേക്ക് നടത്തിയ ആക്രമണത്തോടെ അമേരിക്കയോടുള്ള സൈനിക പ്രതികരണം തല്ക്കാലത്തേക്ക് ഇറാന് അവസാനിപ്പിച്ചേക്കുമെന്നാണ് സൂചന. തുടര്ന്നും അമേരിക്ക പ്രകോപിപ്പിച്ചാല് പ്രതികരിക്കുമെന്നാണ് ഇറാന്റെ നിലപാട്. അമേരിക്കന് പ്രസിഡന്റാകട്ടെ, ആക്രമണം അവഗണിച്ച് സമാധാനത്തിന് ആഹ്വാനം ചെയ്യുകയാണ് ചെയ്തത്. ഇതോടെ വലിയ ആശങ്കയാണ് തല്ക്കാലത്തേക്കെങ്കിലും ഗള്ഫ് മേഖലയില് നിന്ന് ഒഴിയുന്നത്.
അതേസമയം, സമാധാനം പുലരുന്നതില് ഇസ്രയേല് നിലപാട് നിര്ണായകമാണ്. ആശങ്ക സമാധാനത്തിലേക്ക് വഴിമാറുമോ എന്നാണ് ലോകം ഉറ്റുനോക്കുന്നത്. ഇസ്രയേലിനൊപ്പം ചേര്ന്നുള്ള അമേരിക്കന് ആക്രമണത്തിനുള്ള ഇറാന്റെ തിരിച്ചടിയായ 'ബഷാരത് അല് ഫത്തേ'യ്ക്ക് പിന്നാലെ അടച്ചിച്ച വ്യോമത്താവളം തുറന്ന് ഖത്തര്. വിമാന സര്വ്വീസ് പുനരാരംഭിച്ചതായും ഖത്തര് അറിയിച്ചു. ഖത്തര് എയര്വേസ് ഉള്പ്പടെ സര്വ്വീസുകള് സാധാരണ നിലയിലായി. കുവൈത്ത് ഉള്പ്പടെ മറ്റ് ഗള്ഫ് രാജ്യങ്ങളിലും വ്യോമപാതകള് തുറന്നു.
ഇസ്രയേലിനൊപ്പം ചേര്ന്നുള്ള അമേരിക്കന് ആക്രമണത്തിനുള്ള ഇറാന്റെ തിരിച്ചടിയായ 'ബഷാരത് അല് ഫത്തേ' ഓപ്പറേഷനെ പരിഹസിച്ച് യു എസ് പ്രസിഡന്റ് ഡോണള്ഡ് ട്രംപ്. എല്ലാ മുന്നറിയിപ്പും നല്കിയിട്ട് ആളൊഴിഞ്ഞ വ്യോമ താവളത്തില് ബോംബ് ഇട്ട് പോന്നു എന്നാണ് ഇറാന്റെ തിരിച്ചടിയെക്കുറിച്ച് ട്രംപ് അഭിപ്രായപ്പെട്ടത്. ഇറാന് ആക്രമണം ദുര്ബലമെന്നും ഇറാന് നേരത്തെ വിവരം നല്കിയെന്നും യു എസ് പ്രസിഡന്റ് സോഷ്യല് മീഡിയ പ്ലാറ്റ്ഫോമില് കുറിച്ചു. ഖത്തറിലെ സൈനിക താവളത്തിലേക്ക് ഇറാന്റെ 14 മിസൈല് വന്നു, അതില് 13 ഉം വീഴ്ത്തിയെന്നും ഒരെണ്ണം ദിശ തെറ്റി എങ്ങോട്ട് പോയെന്നും ട്രംപ് പരിഹസിച്ചു.
ഇറാന്റെ തിരിച്ചടിയില് ആര്ക്കും പരിക്കില്ല, നാശനഷ്ടമില്ലെന്നും ട്രംപ് പരിഹസിച്ചു. ഖത്തറിന്റെ സഹായത്തോടെ തടിയൂരിയെന്ന പരിഹാസവും ഇറാനെതിരെ അമേരിക്കന് പ്രസിഡന്റ് മുന്നോട്ടുവച്ചു. ഇറാന്റെ ബോംബ് വീഴാന് അനുവദിച്ച ഖത്തറിനും നന്ദി പറഞ്ഞ് ട്രംപ്, ഖത്തര് പൗരന്മാര്ക്കും പരിക്കില്ലെന്നതടക്കം എടുത്തുപറഞ്ഞുകൊണ്ടായിരുന്നു 'ബഷാരത് അല് ഫത്തേ' ഓപ്പറേഷനെ പരിഹസിച്ചത്. ഖത്തര് ഭരണാധികാരിക്ക് നന്ദി പറഞ്ഞ ട്രംപ്, മേഖലയിലെ സമാധാനത്തിനായി ചെയ്ത എല്ലാറ്റിനും നന്ദിയെന്നും വിവരിച്ചു. ഇനി ഇറാനും ഇസ്രായേലിനും സമാധാനം ആകാമെന്നും പശ്ചിമേഷ്യയിലെ ആശങ്ക ഒഴിയുന്നുവെന്നും യു എസ് പ്രസിഡന്റ് കൂട്ടിച്ചേര്ത്തു.
നേരത്തെ ഖത്തറിലെ അമേരിക്കന് സൈനിക താവളത്തിന് നേരെ ആക്രമണം നടത്തിയതിന് പിന്നാലെ നിലപാട് വ്യക്തമാക്കി ഇറാന് രംഗത്തെത്തിയിരുന്നു. ഖത്തറല്ല, അമേരിക്കക്കുള്ള തിരിച്ചടിയാണ് തങ്ങളുടെ ലക്ഷ്യമെന്നാണ് ഇറാന് വ്യക്തമാക്കിയത്. അല് ഉദൈദ് വ്യോമതാവളത്തിന് നേരെയുള്ള മിസൈല് ആക്രമണം ഖത്തറിലെ ജനവാസ മേഖലകളില് നിന്ന് വളരെ അകലെയാണെന്നാണ് ഇറാനിയന് സുപ്രീം നാഷണല് സെക്യൂരിറ്റി കൗണ്സിലിന്റെ വിശദീകരണം. ഈ നടപടി സൗഹൃദവും സഹോദരതുല്യവുമായ രാജ്യമായ ഖത്തറിനും അവിടുത്തെ ജനങ്ങള്ക്കും ഒരു ഭീഷണിയും ഉയര്ത്തുന്നതല്ലെന്നും അമേരിക്കക്കുള്ള തിരിച്ചടി മാത്രമായിരുന്നു തങ്ങളുടെ ലക്ഷ്യമെന്നും ഇറാന് വിശദീകരിച്ചിരുന്നു.
ഖത്തറിലെ അമേരിക്കന് സൈനിക താവളത്തിന് നേരെ ആക്രമണം നടത്തിയതിന് പിന്നാലെ നിലപാട് വ്യക്തമാക്കി ഇറാന് രംഗത്തെത്തി. ഖത്തറല്ല, അമേരിക്കക്കുള്ള തിരിച്ചടിയാണ് തങ്ങളുടെ ലക്ഷ്യമെന്നാണ് ഇറാന് വ്യക്തമാക്കിയത്. അല് ഉദൈദ് വ്യോമതാവളത്തിന് നേരെയുള്ള മിസൈല് ആക്രമണം ഖത്തറിലെ ജനവാസ മേഖലകളില് നിന്ന് വളരെ അകലെയാണെന്നാണ് ഇറാനിയന് സുപ്രീം നാഷണല് സെക്യൂരിറ്റി കൗണ്സിലിന്റെ വിശദീകരണം.
ഇസ്ലാമിക് റിപ്പബ്ലിക് ഓഫ് ഇറാന് ഖത്തറുമായുള്ള ഊഷ്മളവും ചരിത്രപരവുമായ ബന്ധം നിലനിര്ത്തുന്നതിനും തുടരുന്നതിനും പ്രതിജ്ഞാബദ്ധമാണ് എന്നും ഇറാനിയന് സുപ്രീം നാഷണല് സെക്യൂരിറ്റി കൗണ്സില് പ്രസ്താവനയില് പറഞ്ഞു. ഖത്തറിലെ അല് ഉദൈദ് സൈനിക താവളത്തിലേക്കാണ് ഇറാന് മിസൈല് ആക്രമണം നടത്തിയത്. പിന്നാലെ അമേരിക്കയ്ക്കെതിരെ സൈനിക നടപടി തുടങ്ങിയെന്നും ഇറാന് വ്യക്തമാക്കി. ഖത്തറിലെ അല് ഉദൈദ് സൈനിക താവളമാണ് ഇറാന് ലക്ഷ്യമിട്ടത്. മിസൈലുകളെല്ലാം തകര്ത്തതായി ഖത്തര് വ്യക്തമാക്കി. ആക്രമണത്തെ ഖത്തര് അപലപിച്ചു. വ്യോമപ്രതിരോധ സംവിധാനങ്ങള് ഫലപ്രദമായി പ്രവര്ത്തിച്ചു എന്നും ഖത്തര് അറിയിച്ചു.
അതേസമയം ആക്രമണത്തിന്റെ പശ്ചാത്തലത്തില് കുവൈറ്റ് വ്യോമപാത താല്ക്കാലികമായി അടച്ചു. രാജ്യത്തിന്റെ സുരക്ഷയും സുരക്ഷിതത്വവും കണക്കിലെടുത്ത്, നിരവധി അയല് രാജ്യങ്ങളില് വിമാനത്താവളങ്ങളും വ്യോമാതിര്ത്തിയും അടച്ചുപൂട്ടുന്നത് ഉള്പ്പെടെയുള്ള മുന്കരുതല് നടപടികള് കണക്കിലെടുത്ത്, മുന്കരുതല് നടപടിയായി കുവൈറ്റ് തങ്ങളുടെ വ്യോമാതിര്ത്തി താല്ക്കാലികമായി അടച്ചുപൂട്ടുന്നതായി പ്രഖ്യാപിച്ചു. പ്രാദേശിക സംഭവവികാസങ്ങളുടെ വെളിച്ചത്തില് ഏറ്റവും ഉയര്ന്ന സുരക്ഷയും സുരക്ഷിതത്വവും നിലനിര്ത്തുന്നതിന്റെ ചട്ടക്കൂടിനുള്ളിലാണ് ഈ തീരുമാനം എന്ന് ബന്ധപ്പെട്ട അധികാരികള് സ്ഥിരീകരിച്ചു. കൂടാതെ സംഭവവികാസങ്ങള് നിരീക്ഷിക്കുന്നതിനും ആവശ്യമായ നടപടികള് സ്വീകരിക്കുന്നതിനും ബന്ധപ്പെട്ട പ്രാദേശിക, അന്തര്ദേശീയ അധികാരികളുമായി ഏകോപനം തുടരുകയാനിന്നും അധികൃതര് വാര്ത്താക്കുറിപ്പില് അറിയിച്ചു.
കുവൈറ്റ് വ്യോമഗതാഗതം പുനസ്ഥാപിച്ചതായി സിവില് ഏവിയേഷന് അറിയിച്ചു. പ്രസക്തമായ അധികാരികളുമായുള്ള ഏകോപനത്തിന്റെയും പ്രസക്തമായ പ്രാദേശിക, അന്തര്ദേശീയ സ്ഥാപനങ്ങളുമായുള്ള സഹകരണത്തിന്റെയും അടിസ്ഥാനത്തില്, വ്യോമമേഖല വീണ്ടും തുറക്കാനും കുവൈറ്റ് അന്താരാഷ്ട്ര വിമാനത്താവളത്തിലേക്കും തിരിച്ചുമുള്ള വ്യോമഗതാഗതം സാധാരണ നിലയിലാക്കാനും തീരുമാനിച്ചതായി സിവില് ഏവിയേഷന് ഡയറക്ടറേറ്റ് ജനറല് അറിയിച്ചു. കുവൈറ്റ് വ്യോമമേഖലയില് ഉയര്ന്ന നിലവാരത്തിലുള്ള സുരക്ഷ ഉറപ്പാക്കുന്നതിനുള്ള സിവില് ഏവിയേഷന് ഡയറക്ടറേറ്റ് ജനറലിന്റെ പ്രതിബദ്ധത ഈ തീരുമാനം സ്ഥിരീകരിക്കുന്നു, കൂടാതെ ബന്ധപ്പെട്ട പ്രാദേശിക, അന്തര്ദേശീയ അധികാരികളുമായി സഹകരിച്ച് പ്രത്യേക ടീമുകള് നടത്തിയ കൃത്യമായ വിലയിരുത്തലുകളുടെ അടിസ്ഥാനത്തിലാണ് തീരുമാനം.
അതിനിടെ ഇറാന്റെ തിരിച്ചടിയായ 'ബഷാരത് അല് ഫത്തേ' ഓപ്പറേഷനെ പരിഹസിച്ച് യു എസ് പ്രസിഡന്റ് ഡോണള്ഡ് ട്രംപ് രംഗത്തെത്തി. എല്ലാ മുന്നറിയിപ്പും നല്കിയിട്ട് ആളൊഴിഞ്ഞ വ്യോമ താവളത്തില് ബോംബ് ഇട്ട് പോന്നു എന്നാണ് ഇറാന്റെ തിരിച്ചടിയെക്കുറിച്ച് ട്രംപ് അഭിപ്രായപ്പെട്ടത്. ഇറാന് ആക്രമണം ദുര്ബലമെന്നും ഇറാന് നേരത്തെ വിവരം നല്കിയെന്നും യു എസ് പ്രസിഡന്റ് സോഷ്യല് മീഡിയ പ്ലാറ്റ്ഫോമില് കുറിച്ചു. ഖത്തറിലെ സൈനിക താവളത്തിലേക്ക് ഇറാന്റെ 14 മിസൈല് വന്നു, അതില് 13 ഉം വീഴ്ത്തിയെന്നും ഒരെണ്ണം ദിശ തെറ്റി എങ്ങോട്ട് പോയെന്നും ട്രംപ് പരിഹസിച്ചു. ഇറാന്റെ തിരിച്ചടിയില് ആര്ക്കും പരിക്കില്ല, നാശനഷ്ടമില്ലെന്നും ട്രംപ് പരിഹസിച്ചു. ഖത്തറിന്റെ സഹായത്തോടെ തടിയൂരിയെന്ന പരിഹാസവും ഇറാനെതിരെ അമേരിക്കന് പ്രസിഡന്റ് മുന്നോട്ടുവച്ചു. ഇറാന്റെ ബോംബ് വീഴാന് അനുവദിച്ച ഖത്തറിനും നന്ദി പറഞ്ഞ് ട്രംപ്, ഖത്തര് പൗരന്മാര്ക്കും പരിക്കില്ലെന്നതടക്കം എടുത്തുപറഞ്ഞുകൊണ്ടായിരുന്നു 'ബഷാരത് അല് ഫത്തേ' ഓപ്പറേഷനെ പരിഹസിച്ചത്. ഖത്തര് ഭരണാധികാരിക്ക് നന്ദി പറഞ്ഞ ട്രംപ്, മേഖലയിലെ സമാധാനത്തിനായി ചെയ്ത എല്ലാറ്റിനും നന്ദിയെന്നും വിവരിച്ചു. ഇനി ഇറാനും ഇസ്രായേലിനും സമാധാനം ആകാമെന്നും പശ്ചിമേഷ്യയിലെ ആശങ്ക ഒഴിയുന്നുവെന്നും യു എസ് പ്രസിഡന്റ് കൂട്ടിച്ചേര്ത്തു
അതേസമയം ഇറാനും ഇസ്രയേലും തമ്മില് വെടിനിര്ത്തലിന് ധാരണയായെന്ന് യുഎസ് പ്രസിഡന്റ് ഡോണള്ഡ് ട്രംപ്. സമൂഹമാധ്യമത്തിലൂടെയാണ് ട്രംപ് പ്രഖ്യാപനം നടത്തിയത്. വെടിനിര്ത്തല് പ്രഖ്യാപനത്തോട് ഇറാനും ഇസ്രയേലും ഔദ്യോഗികമായി പ്രതികരിച്ചിട്ടില്ല. എന്നാല് ഖത്തര് പ്രധാനമന്ത്രി ഷെയ്ഖ് മുഹമ്മദ് ബിന് അബ്ദുല് റഹ്മാന് അല്താനിയാണ് വെടിനിര്ത്തലിന് മധ്യസ്ഥത വഹിച്ചതെന്ന് ഇറാന്റെ പേര് വെളിപ്പെടുത്താത്ത ഉന്നത ഉദ്യോഗസ്ഥനെ ഉദ്ധരിച്ച് വാര്ത്താ ഏജന്സിയോട് സ്ഥിരീകരിച്ചു. വെടിനിര്ത്തല് സന്നദ്ധത യുഎസാണ് അറിയിച്ചതെന്നും വെടിനിര്ത്തലിന് ഇസ്രയേല് പ്രധാനമന്ത്രി ബെന്യാമിന് നെതന്യാഹുവിന്റെ സമ്മതം വാങ്ങിയ ഡോണള്ഡ് ട്രംപ്, ഷെയ്ഖ് മുഹമ്മദ് ബിന് അബ്ദുല് റഹ്മാന് അല്താനിയുമായി ഫോണില് ബന്ധപ്പെട്ട് ഇറാനുമായി സംസാരിക്കാന് അഭ്യര്ഥിക്കുകയായിരുന്നുവെന്നും വാര്ത്താ ഏജന്സി റിപ്പോര്ട്ടു ചെയ്തു. വെടിനിര്ത്തല് അനിശ്ചിതകാലത്തേക്ക് നീണ്ടുനില്ക്കുമെന്നാണ് പ്രതീക്ഷയെന്ന് ട്രംപ് രാജ്യാന്തര മാധ്യമത്തോട് പറഞ്ഞു.
'എല്ലാവര്ക്കും അഭിനന്ദനങ്ങള്. അടുത്ത ആറു മണിക്കൂറില്, അവരുടെ നിലവിലെ ദൗത്യങ്ങള് പൂര്ത്തിയായി കഴിയുമ്പോള്, ഇറാനും ഇസ്രയേലും തമ്മില് 12 മണിക്കൂര് നീളുന്ന പൂര്ണവും സമ്പൂര്ണവുമായ വെടിനിര്ത്തല് നിലവില് വരും. ആ സമയത്തിനു ശേഷം യുദ്ധം അവസാനിച്ചതായി കണക്കാക്കും. ഔദ്യോഗികമായി ഇറാന് യുദ്ധവിരാമം ആരംഭിക്കും. 12 മണിക്കൂറിനു ശേഷം ഇസ്രയേല് യുദ്ധവിരാമം ആരംഭിക്കും. 24 മണിക്കൂറിനു ശേഷം, 12 ദിവസത്തെ യുദ്ധത്തിന് ഔദ്യോഗികമായി അവസാനമാകും. ഓരോ വെടിനിര്ത്തലിന്റെയും വേളയില് മറുപക്ഷം സമാധാനപരമായി നിലകൊള്ളും. എല്ലാ ശരിയായി പ്രവര്ത്തിക്കുമെന്ന ധാരണയില്, 12 ദിവസത്തെ യുദ്ധമെന്നു വിളിക്കാവുന്നത് അവസാനിപ്പിക്കാന് ആവശ്യമായ ക്ഷമ, ധൈര്യം, ബുദ്ധി എന്നിവയ്ക്ക് ഇറാനെയും ഇസ്രയേലിനെയും അഭിനന്ദിക്കുന്നു. വര്ഷങ്ങളോളം നീണ്ടു നില്ക്കുകയും മധ്യപൂര്വദേശത്തെ മുഴുവന് നശിപ്പിക്കുകയും ചെയ്യാമായിരുന്ന യുദ്ധമായിരുന്നു ഇത്. പക്ഷെ അങ്ങനെ സംഭവിച്ചില്ല, ഒരിക്കലും സംഭവിക്കുകയുമില്ല. ദൈവം ഇസ്രയേലിനെ അനുഗ്രഹിക്കട്ടെ, ദൈവം ഇറാനെ അനുഗ്രഹിക്കട്ടെ, ദൈവം മധ്യപൂര്വദേശത്തെ അനുഗ്രഹിക്കട്ടെ, ദൈവം യുഎസിനെ അനുഗ്രഹിക്കട്ടെ, ദൈവം ലോകത്തെ അനുഗ്രഹിക്കട്ടെ' - ട്രംപ് സമൂഹമാധ്യമത്തില് കുറിച്ചു.
ദോഹയിലെ യുഎസ് വ്യോമതാവളത്തില് ഇറാന് മിസൈല് ആക്രമണം നടത്തിയതിനു പിന്നാലെ ഗള്ഫ് മേഖലയിലേക്കുള്ള എല്ലാ വിമാനങ്ങളും എയര് ഇന്ത്യയും റദ്ദാക്കി. കൊച്ചിയില് നിന്ന് ഷെഡ്യൂള് ചെയ്തിരുന്ന ഖത്തര് വിമാനങ്ങളിലൊന്ന് നേരത്തേ എയര് ഇന്ത്യ റദ്ദാക്കിയിരുന്നു. ഇതിനു പിന്നാലെയാണു ഇനിയൊരു അറിയിപ്പ് ഉണ്ടാകുന്നതു വരെ വിമാനങ്ങള് റദ്ദാക്കുകയാണെന്ന് എയര് ഇന്ത്യ അറിയിച്ചത്. നോര്ത്ത് അമേരിക്കയുടെയും യൂറോപ്പിന്റെയും കിഴക്കന് തീരത്തേക്കും തിരിച്ചുമുള്ള സര്വീസുകളും എയര്ലൈന് നിര്ത്തിവച്ചു.
പശ്ചിമേഷ്യയിലെ സംഘര്ഷാവസ്ഥ കാരണം നിരവധി വിമാനക്കമ്പനികള് വിമാനങ്ങള് റദ്ദാക്കുകയും വഴിതിരിച്ചുവിടുകയും ചെയ്തിട്ടുണ്ട്. കൊച്ചിയില് നിന്ന് ദോഹയിലേക്ക് പോകുകയായിരുന്ന എയര് ഇന്ത്യ എക്സ്പ്രസ് വിമാനം മസ്കറ്റിലേക്ക് തിരിച്ചുവിടുകയും കണ്ണൂരില്നിന്ന് ഷെഡ്യൂള് ചെയ്തിരുന്ന വിമാനം തിരിച്ചയയ്ക്കുകയും ചെയ്തു. ഖത്തറിലേക്ക് മറ്റു വിമാനങ്ങളൊന്നുമില്ലെന്നും എന്ന് എയര് ഇന്ത്യ എക്സ്പ്രസ് പ്രസ്താവനയില് പറഞ്ഞു. ''സ്ഥിതിഗതികള് സൂക്ഷ്മമായി നിരീക്ഷിക്കുകയാണ്. അധികൃതരുടെ നിര്ദേശങ്ങള് അനുസരിച്ചു അതിഥികളുടെയും ജീവനക്കാരുടെയും സുരക്ഷയ്ക്ക് ആവശ്യമായ എല്ലാ മുന്കരുതലുകളും സ്വീകരിക്കും''- എയര് ഇന്ത്യ എക്സ്പ്രസ് വ്യക്തമാക്കി.
അമേരിക്കയുടെ സൈനിക താവളം ലക്ഷ്യമാക്കി ദോഹയിലേക്ക് ഇറാന് മിസൈല് ആക്രമണം നടത്തിയതിനു പിന്നാലെ ഖത്തറിലെ ഇന്ത്യന് സമൂഹത്തോട് ജാഗ്രത പാലിക്കാന് നിര്ദേശം. ''നിലവിലെ സാഹചര്യം കണക്കിലെടുത്ത്, ജാഗ്രത പാലിക്കാന് അഭ്യര്ഥിക്കുന്നു. ശാന്തത പാലിക്കുക, വീട്ടിനുള്ളില് തന്നെ തുടരുക, ഖത്തരി അധികാരികള് നല്കുന്ന നിര്ദേശങ്ങളും മാര്ഗനിര്ദേശങ്ങളും പാലിക്കുക. ഔദ്യോഗിക സോഷ്യല് മീഡിയ ചാനലുകളില് അപ്ഡേറ്റുകള് പോസ്റ്റ് ചെയ്യും''- ദോഹയിലെ ഇന്ത്യന് ഉദ്യോഗസ്ഥര് പറഞ്ഞു. എട്ട് ലക്ഷത്തോളം ഇന്ത്യക്കാരാണു ഖത്തറില് താമസിക്കുന്നതെന്നാണു വിദേശകാര്യ മന്ത്രാലയ വൃത്തങ്ങള് വ്യക്തമാക്കുന്നത്.
ദോഹയിലെ യുഎസ് താവളമായ അല് ഉദൈദ് എയര് ബേസ് ആണ് ഇറാന് ആക്രമിച്ചത്. പശ്ചിമേഷ്യയിലെ ഏറ്റവും വലിയ യുഎസ് താവളമായ അല് ഉദൈദ് എയര് ബേസ് ദോഹയില്നിന്ന് 30 കിലോമീറ്റര് അകലെയാണ്. അല് ഉദൈദ് എയര് ബേസ് മേഖലയിലെ യുഎസ് സെന്ട്രല് കമാന്ഡ് ആസ്ഥാനം കൂടിയാണ്. ഇവിടെ പതിനായിരത്തോളം യുഎസ് സൈനികരുണ്ട്. ഖത്തര് എയര്വേയ്സിന്റെ ആസ്ഥാനവും ഇവിടെയാണ്. വ്യോമതാവളങ്ങളിലെ സൈനികരോട് ബങ്കറിലേക്ക് മാറാന് നേരത്തേ നിര്ദേശമുണ്ടായിരുന്നു.
ഇറാനിലെ ഫോര്ദോ, നതാന്സ്, ഇസ്ഫഹാന് ആണവ കേന്ദ്രങ്ങള് യുഎസ് ആക്രമിച്ചതിനുള്ള തിരിച്ചടി തുടരുമെന്ന് ഇറാന്. ആക്രമണം വിജയമാണെന്ന് ഇറാന് അവകാശപ്പെട്ടു. ആണവ കേന്ദ്രങ്ങള് ആക്രമിച്ച യുഎസിനെ ശിക്ഷിച്ച ശേഷം നയതന്ത്ര ചര്ച്ച ആരംഭിക്കാമെന്നും യുഎസ് ചര്ച്ച ആഗ്രഹിക്കുന്നുണ്ടെങ്കില് യുഎസും ഇസ്രയേലും ആദ്യം ആക്രമണം അവസാനിപ്പിക്കണമെന്നും ഇറാന് ആവശ്യപ്പെട്ടു.
പശ്ചിമേഷ്യയിലെ ഏറ്റവും വലിയ യുഎസ് താവളമായ അല് ഉദൈദ് എയര് ബേസ് ദോഹയില്നിന്ന് 30 കിലോമീറ്റര് അകലെയാണ്. അല് ഉദൈദ് എയര് ബേസ് മേഖലയിലെ യുഎസ് സെന്ട്രല് കമാന്ഡ് ആസ്ഥാനം കൂടിയാണ്. ഇവിടെ പതിനായിരത്തോളം യുഎസ് സൈനികരുണ്ട്. ഖത്തര് എയര്വേയ്സിന്റെ ആസ്ഥാനവും ഇവിടെയാണ്. വ്യോമതാവളങ്ങളിലെ സൈനികരോട് ബങ്കറിലേക്ക് മാറാന് നേരത്തേ നിര്ദേശമുണ്ടായിരുന്നു.
https://www.facebook.com/Malayalivartha
