അസര്ബൈജാന് വിമാനത്താവളത്തിന് നേരെ ഇറാനിയന് ഡ്രോണ് ആക്രമണം
അസര്ബൈജാന് വിമാനത്താവളത്തിന് നേരെ ഇറാനിയന് ഡ്രോണ് ആക്രമണം. നാഹ്ചിവന് വിമാനത്താവളത്തിന് നേരെയാണ് ആക്രമണം നടന്നത്. രണ്ട് പേര്ക്ക് പരിക്കേറ്റതിനെ തുടര്ന്ന് അസര്ബൈജാന് ഇറാനിയന് സ്ഥാനപതിയെ വിളിച്ചുവരുത്തി.ഇസ്രയേല് അസര്ബൈജാനില് നിന്നും ആക്രമണം നടത്തും എന്ന ആശങ്ക ഇറാന് നേരത്തെ തന്നെ ആശങ്ക പ്രകടിപ്പിച്ചിരുന്നു. കഴിഞ്ഞ ജൂണില്, ഇറാനിലേക്ക് ഇസ്രയേല് വലിയ തോതിലുള്ള ആക്രമണം നടത്തിയതിനെത്തുടര്ന്ന്, ഇറാനെതിരായ ആക്രമണങ്ങള്ക്ക് തങ്ങളുടെ പ്രദേശം ഉപയോഗിക്കാന് അനുവദിക്കില്ലെന്ന് അസര്ബൈജാന് ഉറപ്പ് നല്കിയിരുന്നു.
ഇന്ന് ഉച്ചയോടെ രണ്ട് ഡ്രോണുകളാണ് ആക്രമണം നടത്തിയതെന്ന് വിദേശകാര്യ മന്ത്രാലയ പ്രസ്താവനയില് പറഞ്ഞു. ഒരു ഡ്രോണ് നഖ്ചിവാന് വിമാനത്താവളത്തിന്റെ ടെര്മിനല് കെട്ടിടത്തിന് മുകളിലും മറ്റൊരു ഡ്രോണ് ഷെക്കേരാബാദ് ഗ്രാമത്തിലെ ഒരു സ്കൂള് കെട്ടിടത്തിലും വീണെന്നാണ് മന്ത്രാലയം അറിയിച്ചത്. വിമാനത്താവളത്തിന് കേടുപാടുകള് സംഭവിക്കുകയും രണ്ട് പേര്ക്ക് പരുക്കേല്ക്കുകയും ചെയ്തെന്ന് വിദേശകാര്യ മന്ത്രാലയം അറിയിച്ചു.അന്താരാഷ്ട്ര മാനദണ്ഡങ്ങള്ക്കും തത്വങ്ങള്ക്കും വിരുദ്ധമായി നടത്തിയ ആക്രമണത്തില് ശക്തമായ പ്രതിഷേധം രേഖപ്പെടുത്താന് ബാകുവിലെ ഇറാനിയന് സ്ഥാനപതിയെ വിളിച്ചുവരുത്തിയതായി മന്ത്രാലയം അറിയിച്ചു. ഉചിതമായ നടപടികള് സ്വീകരിക്കാനുള്ള അവകാശം അസര്ബൈജാനുണ്ടെന്നും പ്രസ്താവനയില് പറയുന്നു.
https://www.facebook.com/Malayalivartha
