ഇന്ത്യയ്ക്കെതിരെ നീങ്ങാന് ഭീകരര്ക്കു വഴിതുറന്നു നല്കണമെന്ന് പാക്ക് സര്ക്കാരിനോട് ജയ്ഷെ മുഹമ്മദിന്റെ ഭീഷണി
ഇന്ത്യയ്ക്കെതിരായി നീങ്ങാന് ഭീകരര്ക്കു വഴിതുറക്കണമെന്നും കശ്മീര് പിടിച്ചെടുക്കാനുള്ള എല്ലാ അവസരവും വിനിയോഗിക്കണമെന്നും ആവശ്യപ്പെട്ട് ഭീകര സംഘടനയായ ജയ്ഷെ മുഹമ്മദ് തലവനും പഠാന്കോട്ട് ഭീകരാക്രമണത്തിന്റെ സൂത്രധാരനുമായ മസൂദ് അസ്ഹര് രംഗത്ത്. ജയ്ഷെ മുഹമ്മദിന്റെ പ്രസിദ്ധീകരണമായ അല് ഖലാമില് എഴുതിയ മുഖപ്രസംഗത്തിലാണ് ഈ ആവശ്യങ്ങളുയര്ത്തി അസ്ഹര് രംഗത്തെത്തിയത്. കശ്മീരിലെ ഭീകരപ്രവര്ത്തനങ്ങള് ഇന്ത്യയെ ദുര്ബലപ്പെടുത്തിയ പശ്ചാത്തലത്തില് ഭീകരവാദത്തിന്റെ പാത ഇന്ത്യയ്ക്കെതിരെ തുറക്കണമെന്നാണു അസ്ഹറിന്റെ ആവശ്യം.
നിര്ണായക തീരുമാനങ്ങളെടുക്കുന്നതില് പാക്ക് സര്ക്കാര് വരുത്തുന്ന പിഴവ്, കശ്മീരിന്റെ നിയന്ത്രണം ഏറ്റെടുക്കുന്നതിനുള്ള സുവര്ണാവസരമാണ് രാജ്യത്തിനു നഷ്ടമാക്കുന്നതെന്നും മസൂദ് അസ്ഹര് ചൂണ്ടിക്കാട്ടുന്നു. മറ്റൊന്നുമില്ലെങ്കിലും, നമ്മുടെ പോരാളികള്ക്കുവേണ്ടി സര്ക്കാര് വഴിതുറന്നു കൊടുക്കുക. ദൈവം അനുവദിച്ചാല്, 1971ലെ യുദ്ധപരാജയത്തിന്റെ ഓര്മകള് 2016ലെ വിജയവികാരങ്ങള്ക്കു വഴിമാറുന്നതും കാണാം - അസ്ഹര് കുറിച്ചു.
കശ്മീരിലെ ജിഹാദിനു മുന്പും ശേഷവുമുള്ള ഇന്ത്യയെ നോക്കുക. അദ്ഭുതകരമായ മാറ്റങ്ങള് നിങ്ങള്ക്കു കാണാം. ഇക്കാലയളവില് ഇന്ത്യയ്ക്ക് സംഭവിച്ച മാറ്റങ്ങള്ക്കു ഞാന് ദൃസാക്ഷിയാണ്. സര്പ്പത്തേപ്പോലെയായിരുന്ന ഇന്ത്യ വെറും മണ്ണിരയായി ചുരുങ്ങിപ്പോയിരിക്കുന്നു - അസ്ഹര് അവകാശപ്പെടുന്നു.
ജയ്ഷെ മുഹമ്മദ് തലവന് മസൂദ് അസ്ഹറിനും ജമാഅത്തെ ഉദ്ദവ തലവന് ഹാഫിസ് സയീദിനുമെതിരെ നടപടിയെടുക്കാത്ത സര്ക്കാരിനും സൈന്യത്തിനുമെതിരെ പാക്കിസ്ഥാനിലെ പ്രമുഖ ദിനപത്രമായ ദ് നേഷന് ലേഖനമെഴുതിയതിനു പിന്നാലെയാണ് ഇന്ത്യയ്ക്കെതിരായ ഭീകരപ്രവര്ത്തനങ്ങള് വിപുലീകരിക്കണമെന്ന് ആവശ്യപ്പെട്ടുള്ള ഹാഫിസ് സയീദിന്റെ ലേഖനം വന്നിരിക്കുന്നത്.
https://www.facebook.com/Malayalivartha
