എല്ലാം കൊണ്ടും മഹാവഷളന്‍ സമ്മതമില്ലാതെ കയറിപ്പിടിച്ചു ലൈംഗിക ചേഷ്ടകള്‍ക്ക് നിര്‍ബന്ധിച്ചു.
അമേരിക്കന്‍ റിപ്പബ്ലിക്കന്‍ പാര്‍ട്ടിയുടെ പ്രസിഡന്റ് സ്ഥാനാര്‍ത്ഥി ഡൊണാള്‍ഡ് ട്രംപിനെതിരെ ലൈംഗികാരോപണവുമായി രണ്ട് സ്ത്രീകള്‍. ട്രംപ് ദുരുദ്ദേശത്തോടെ തങ്ങളുടെ ശരീര ഭാഗങ്ങളില്‍ സ്പരശിച്ചതായും അനുവാദമില്ലാതെ ചുംബിച്ചതായും ആരോപിച്ച് രംഗത്തെത്തിയ സ്ത്രീകളെക്കുറിച്ച് ന്യൂയോര്‍ക്ക് ടൈംസ് ഉള്‍പെടെ എല്ലാ അന്തര്‍ ദേശീയ മാദ്ധ്യമങ്ങള്‍ റിപ്പോര്‍ട്ട് ചെയ്തു.
എന്നാല്‍ ആരോപണങ്ങള്‍ അടിസ്ഥാന രഹിതമാണെന്നും കെട്ടിച്ചമച്ചതാണെന്നു ട്രംപ് പ്രതികരിച്ചിട്ടുണ്ട്. വാര്‍ത്ത പ്രസിദ്ധീകരിച്ചതിനെതില്‍ ന്യൂയോര്‍ക്ക് ടൈംസിനെതിരെ കേസ് ഫയല്‍ ചെയ്യുമെന്നും ഇതിന് നിയമോപദേശം തേടിയതായും ട്രംപിന്റെ ഓഫീസ് അറിയിച്ചു.
30 വര്‍ഷങ്ങള്‍ക്കു മുമ്പ് വിമാന യാത്രക്കിടയില്‍ ശരീരഭാഗങ്ങളില്‍ അനുവാദമില്ലാതെ കയറിപ്പിടിച്ചതായും ലൈംഗിക ചേഷ്ടകളക്ക് നിര്‍ബന്ധിച്ചതായുമാണ് ഇപ്പോള്‍ 74 വയസുള്ള ജെസീക്ക ലീഡസ് എന്ന സ്ത്രീ വെളിപ്പെടുത്തിയത്.
ന്യൂയോര്‍ക്കിലേക്കുള്ള യാത്രയ്ക്കിടെ തന്റെ അടുത്ത സീറ്റിലിരുന്ന ട്രംപ് തന്റെ വസ്ത്രത്തിനിടയില്‍ക്കൂടി ശരീരത്തില്‍ സ്പര്‍ശിച്ചുവെന്നാണ് ജസീക്കയുടെ ആരോപണം. ട്രംപിന്റെ അക്രമണത്തില്‍ നിന്ന് രക്ഷപ്പെടാന്‍ താന്‍ വിമാനത്തിന്റെ മറ്റൊരു ഭാഗത്തേക്ക് പോയെന്നും അവര്‍ പറയുന്നു. ട്രംപിനെ നീരാളിയെന്നാണ് ജസീക്ക വിശേഷിപ്പിക്കുന്നത്. നിമിഷത്തിനുള്ളില്‍ അയാളുടെ കൈകള്‍ എല്ലായിടത്തുമെത്തി. അതൊരു ആക്രമണമായിരുന്നു. ജസീക്ക പറഞ്ഞു.
2005ല്‍ റെയ്ച്ചല്‍ ക്രൂക്ക്‌സ് എന്ന സ്ത്രീയെ ഒരു ലിഫ്റ്റില്‍ വച്ച് ചുംബിച്ചതായാണ് മറ്റൊരു ആരോപണം. ന്യൂയോര്‍ക്ക് സിറ്റിയില്‍ വച്ച് തന്നെക്കയറി പിടിക്കുകയും ചെയ്ത ട്രംപിനെക്കുറിച്ച് വര്‍ഷങ്ങള്‍ കഴിഞ്ഞിട്ടാണ് യുവതി പ്രതികരിച്ചിരിക്കുന്നത്.
അന്ന് 22 വയസുണ്ടായിരുന്ന റെയ്ച്ചല്‍ മാന്‍ഹാട്ടനിലെ ട്രംപ് ടവറിലെ ഒരു റിയല്‍ എസ്‌റ്റേറ്റ് കമ്പനിയില്‍ റിസപ്ഷനിസ്റ്റായിരുന്നു. ലിഫ്റ്റില്‍ വച്ച് ട്രംപിനെ കണ്ട് പരിചയപ്പെട്ട റെയ്ച്ചലിനെ ട്രംപ് ബലമായി ചുംബിക്കുകയായിരുന്നുവെന്നാണ് റെയ്ച്ചലിന്റെ ആരോപണം. ആകസ്മികമാണെന്ന് പറയാന്‍ കഴിയില്ല. ഒരു തരം അക്രമം പോലെയായിരുന്നു.
ലൈംഗിക ചേഷ്ടകള്‍ സംബന്ധിച്ച് ട്രംപ് നടത്തിയ പരാമര്‍ശങ്ങള്‍ അടങ്ങിയ ദൃശ്യങ്ങള്‍ കഴിഞ്ഞ ദിവസം വാഷിങ്ടണ്‍ പോസ്റ്റ് പുറത്തുവിട്ടിരുന്നു. ഇത് ഞായറാഴ്ച നടന്ന സംവാദത്തില്‍ ഹില്ലരി ആയുധമാക്കുകയും ചെയ്തു. പുതിയ ആരോപണങ്ങള്‍ വരാനിരിക്കുന്ന സംവാദങ്ങളിലും തിരഞ്ഞെടുപ്പിലും ട്രംപിന് കനത്ത വെല്ലുവിളിയാകുമെന്നാണ് വിലയിരുത്തല്‍.