ഫ്രാന്‍സിലെ കലായ്‌സില്‍ ഡോക്യുമെന്ററി സംവിധായികയെ ബലാത്സംഗം ചെയ്തു. ലൈംഗിക ചൂഷണങ്ങളെ കുറിച്ച് ഡോക്യുമെന്ററി ചെയ്യുന്ന 38 കാരിയായ സംവിധായികയെയാണ് ബലാത്സംഗം ചെയ്തത്. കലായ്‌സിലെ ഒരു വന ക്യാമ്പില്‍ ചിത്രീകരണം നടത്തി വരുകയായിരുന്നു സംവിധായകയും സംഘവും. ഇവരുടെ നേര്‍ക്ക് ബ്രിട്ടീഷ് പൗരന്മാരായ 3 പേരടങ്ങുന്ന ആക്രമണ സംഘം എത്തുകയായിരുന്നു.

ആദ്യം ഇവരുടെ പക്കലുള്ള ക്യാമറയും മറ്റ് ഉപകരണങ്ങളും മോഷ്ടിക്കാനാണ് ഇവര്‍ ശ്രമിച്ചത്. മോഷണശ്രമത്തിനു ശേഷം കത്തി മുനയില്‍ എല്ലാവരെയും ഭീഷണിപ്പെടുത്തി സംവിധായികയെ പീഡിപ്പിക്കുകയായിരുന്നു. ആ സമയത്ത് ആക്രമണ സംഘത്തിലെ മറ്റ് രണ്ടു പേര്‍ സംവിധായികയുടെ കൂടെയുള്ളവരെ സംവിധായികയെ രക്ഷിക്കുന്നതില്‍ നിന്നും തടഞ്ഞു നിര്‍ത്തി.

ആറ് അംഗങ്ങളാണ് ഡോക്യുമെന്ററി സംഘത്തിലുണ്ടായിരുന്നത്. സംഭവം നടന്ന ശേഷം ഉടന്‍ തന്നെ ആക്രമികള്‍ രക്ഷപ്പെട്ടു. ഇതുമായി ബന്ധപ്പെട്ട് പോലീസ് കേസ് രജിസ്റ്റര്‍ ചെയ്തിട്ടുണ്ട്. വൈദ്യപരിശോധനയില്‍ സംവിധായിക ബലാത്സംഗത്തിനു വിധേയയായതായി തെളിഞ്ഞു. പോലീസ് ഇവര്‍ക്കു വേണ്ടിയുള്ള തിരച്ചിലിലാണ്.

സാധാരണ ഗതിയില്‍ ഇത്തരം ക്യാമ്പുകളില്‍ മോഷണ ശ്രമങ്ങള്‍ പതിവാണ്. എന്നാല്‍ ഇത്തരം സംഭവങ്ങള്‍ വളരെ വിരളമാണ്. വിവിധ രാജ്യങ്ങളില്‍ നിന്നെത്തിയ 9000ത്തോളം പേര്‍ കലായസ് ജംഗിള്‍ ക്യാമ്പിലുള്ളത്.